Wycliffe Bible

1 Chronicles 13

David fetcheth the Ark with great solemnity from Kirjath-jearim.

1 Chronicles 13:1 Forsothe Dauid took counsel with tribunes, and centuriouns, and alle princes; 1 Chronicles 13:2 and seide to alle the cumpeny of the sones of Israel, If it plesith you, and if the word which Y speke goith out fro oure Lord God, sende we to oure residue britheren to alle the cuntrees of Israel, and to preestis and dekenes that dwellen in the subarbis of citees, that thei be gaderid to vs, 1 Chronicles 13:3 and that we brynge ayen to vs the arke of oure God; for we souyten not it in the daies of Saul. 1 Chronicles 13:4 And al the multitude answeride, that it schulde be don so; for the word pleside al the puple. 1 Chronicles 13:5 Therfor Dauid gaderide togidere al Israel, fro Sior of Egipt til thou entre in to Emath, that he schulde brynge the arke of God fro Cariathiarim. 1 Chronicles 13:6 And Dauid stiede, and alle the men of Israel, to the hil of Cariathiarym, which is in Juda, that he schulde brynge fro thennus the arke of the Lord God sittynge on cherubyn, where his name was clepid. 1 Chronicles 13:7 And thei puttiden the arke of the Lord God on a newe wayn fro the hous of Amynadab; forsothe Oza and hise britheren driueden the wayn. 1 Chronicles 13:8 Forsothe Dauid and al Israel pleieden bifor the Lord, with al miyt, in songis, and in harpis, and sautries, and tympans, and cymbalis, and trumpis.

Uzza being smitten, the Ark left at the house of Obed-edom.

1 Chronicles 13:9 Forsothe whanne thei hadden come to the cornfloor of Chidon, Oza strechide forth his hond to susteyne the arke; for the oxe wexynge wielde hadde bowid it a litil. 1 Chronicles 13:10 Therfor the Lord was wrooth ayens Oza, and smoot hym, for he hadde touchide the ark; and he was deed there bifor the Lord. 1 Chronicles 13:11 And Dauid was sori, for the Lord hadde departid Oza; and he clepide that place The Departyng of Oza til in to present dai. 1 Chronicles 13:12 And Dauid dredde the Lord in that tyme, and seide, How may Y brynge in to me the arke of the Lord? 1 Chronicles 13:13 And for this cause he brouyte not it to hym, that is, in to the citee of Dauid, but he turnede it in to the hows of Obededom of Geth. 1 Chronicles 13:14 Therfor the arke of God dwellide in the hous of Obededom of Geth thre monethis; and the Lord blessid his hows, and alle thingis that he hadde.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!