Wycliffe Bible

1 Chronicles 16

David's festival sacrifice.

1 Chronicles 16:1 Therfor thei brouyten the arke of God, and settiden it in the myddis of the tabernacle, that Dauid hadde araied therto; and thei offriden brent sacrifices and pesible sacrifices bifor the Lord. 1 Chronicles 16:2 And whanne Dauid offrynge brent sacrifices and pesible sacrifices hadde fillid, he blesside the puple in the name of the Lord; 1 Chronicles 16:3 and departide to alle to ech bi hym silf fro a man til to a womman o cake of breed, and a part of rostid fleisch of a bugle, and flour fried in oile.

He ordereth a choir to sing thanksgiving.

1 Chronicles 16:4 And he ordeynede bifor the arke of the Lord, of the Leuytis, that schulden mynystre, and haue mynde of the werkis of the Lord, and glorifie and preyse the Lord God of Israel; 1 Chronicles 16:5 he ordeynede Asaph the prince, and Zacharie his secounde; forsothe he ordeynede Jahiel, and Semiramoth, and Jahel, and Mathathie, and Eliab, and Banaye, and Obededom, and Jehiel, on the orguns, on the sautrie, and on the harpis; but he ordeynede Asaph to sowne with cymbalis; 1 Chronicles 16:6 sotheli he ordeynede Banaye and Aziel, preestis, bifor the arke of the boond of pees of the Lord, for to trumpe contynueli.

The psalm of thanksgiving.

1 Chronicles 16:7 In that dai Dauid made Asaph prince, and hise britheren, for to knowleche to the Lord. 1 Chronicles 16:8 Knowleche ye to the Lord, and inwardli clepe ye his name; make ye hise fyndyngis knowun among puplis. 1 Chronicles 16:9 Synge ye to hym, and seie ye salm to hym, and telle ye alle his merueylis. 1 Chronicles 16:10 Preise ye his hooli name; the herte of men sekynge the Lord be glad. 1 Chronicles 16:11 Seke ye the Lord and his vertu; seke ye euere his face. 1 Chronicles 16:12 Haue ye mynde of hise merueilis whiche he dide; of hise signes, and of the domes of his mouth. 1 Chronicles 16:13 The seed of Israel, his seruaunt, preise thou God; the sones of Jacob, his chosun, preise ye God. 1 Chronicles 16:14 He is oure Lord God; hise domes ben in ech lond. 1 Chronicles 16:15 Haue ye mynde with outen ende of his couenaunt; of the word whiche he couenauntide in to a thousynde generaciouns. 1 Chronicles 16:16 Which word he couenauntide with Abraham; and of his ooth to Ysaac. 1 Chronicles 16:17 And he ordeynede that to Jacob in to a comaundement; and to Israel in to euerlastynge couenaunt. 1 Chronicles 16:18 And seide, To thee Y schal yyue the lond of Canaan; the part of youre erytage. 1 Chronicles 16:19 Whanne thei weren fewe in noumbre; litle, and pilgrims therof. 1 Chronicles 16:20 And thei passiden fro folk in to the folk; and fro a rewme to another puple. 1 Chronicles 16:21 He suffride not ony man falseli chalenge hem; but he blamyde kyngis for hem. 1 Chronicles 16:22 Nyle ye touche my cristis; and nyle ye do wickidli ayens my prophetis. 1 Chronicles 16:23 Al erthe, singe ye to the Lord; telle ye fro dai into dai his helthe. 1 Chronicles 16:24 Telle ye among hethen men his glorie; hise merueylis among alle puplis. 1 Chronicles 16:25 For the Lord is greet, and worthi to be preisid ful myche; and he is orible, ethir griseful, ouer alle goddis. 1 Chronicles 16:26 For alle the goddis of puplis ben idols; but the Lord made heuenes. 1 Chronicles 16:27 Knoulechyng and greet doyng ben bifor hym; strengthe and ioy ben in the place of hym. 1 Chronicles 16:28 Ye meynees of puplis, bringe ye to the Lord; brynge ye to the Lord glorie and empire. 1 Chronicles 16:29 Yyue ye glorie to his name, reise ye sacrifice, and come ye in his siyt; and worschipe ye the Lord in hooli fairnesse. 1 Chronicles 16:30 Al erthe be mouyd fro his face; for he foundide the world vnmouable. 1 Chronicles 16:31 Heuenes be glad, and the erthe ioy fulli; and seie thei among naciouns, The Lord schal regne. 1 Chronicles 16:32 The see thundre, and his fulnesse; the feeldis fulli ioye, and alle thingis that ben in tho. 1 Chronicles 16:33 Thanne the trees of the forest schulen preyse bifor the Lord; for he cometh to deme the erthe. 1 Chronicles 16:34 Knouleche ye to the Lord, for he is good; for his mersi is withouten ende. 1 Chronicles 16:35 And seie ye, Thou God oure sauyour, saue vs, and gadere vs, and delyuere vs fro hethen men; that we knowleche to thin hooli name, and be fulli glade in thi songis. 1 Chronicles 16:36 Blessid be the Lord God of Israel fro with oute bigynnyng and til in to with outen ende; and al the puple seie, Amen, and seie heriyng to God.

He appointeth ministers, porters, priests, and musicians, to attend continually on the Ark.

1 Chronicles 16:37 Therfor Dauid lefte there, bifor the arke of boond of pees of the Lord, Asaph and hise britheren, for to mynystre in the siyt of the arke contynueli bi alle daies and her whilis. 1 Chronicles 16:38 Forsothe he ordeynede porteris, Obededom and hise britheren, eiyte and sixti, and Obededom, the sone of Idithum, and Oza. 1 Chronicles 16:39 Sotheli he ordeynede Sadoch preest, and hise britheren, preestis bifor the tabernacle of the Lord, in the hiy place that was in Gabaon, 1 Chronicles 16:40 for to offre brent sacrifices to the Lord on the auter of brent sacrifice contynueli, in the morwetid and euentid, bi alle thingis that ben writun in the lawe of the Lord, which he comaundide to Israel. 1 Chronicles 16:41 And aftir hym Dauyd ordeynede Eman, and Idithum, and other chosene, ech man bi his name, for to knowleche to the Lord; for his mercy is withouten ende. 1 Chronicles 16:42 Also he ordeynede Eman, and Idithum, trumpynge, and schakynge cymbalis, and alle orguns of musikis, for to synge to God; forsothe he made the sones of Idithum to be portours, ether bereris. 1 Chronicles 16:43 And al the puple turnede ayen in to her hows, and Dauid turnede ayen, to blesse also his hows.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!