Wycliffe Bible

1 Chronicles 18

David subdueth the Philistines and the Moabites.

1 Chronicles 18:1 Forsothe it was doon aftir these thingis, that Dauid smoot Filisteis, and made hem lowe, and took awey Geth and vilagis therof fro the hond of Filisteis; 1 Chronicles 18:2 and that he smoot Moab; and Moabitis weren maad seruauntis of Dauid, and brouyten yiftis to hym.

He smiteth Hadarezer and the Syrians.

1 Chronicles 18:3 In that tyme Dauid smoot also Adadezer, kyng of Soba, of the cuntrey of Emath, whanne he yede for to alarge his empire til to the flood Eufrates. 1 Chronicles 18:4 Therfor Dauid took a thousynde foure horsid cartis of his, and seuene thousynde of horsmen, and twenti thousynde of foot men; and he hoxide alle the horsis of charis, outakun an hundrid foure horsid cartis, whiche he kepte to hym silf. 1 Chronicles 18:5 Forsothe also Sirus of Damask cam aboue, to yyue help to Adadezer, kyng of Soba, but Dauid smoot also of hise two and twenti thousynde of men; 1 Chronicles 18:6 and he settide kniytis in Damask, that Sirie also schulde serue hym, and brynge yiftis. And the Lord helpide hym in alle thingis to whiche he yede. 1 Chronicles 18:7 And Dauid took goldun arowe caasis, whiche the seruauntis of Adadezer hadden, and he brouyte tho in to Jerusalem; 1 Chronicles 18:8 also and of Thebath and of Chum, the citees of Adadezer, he took ful myche of bras, wherof Salomon made the brasun see, that is, waischynge vessel, and pileris, and brasun vessels.

Tou sendeth Hadoram with presents to bless David.

1 Chronicles 18:9 And whanne Thou, kyng of Emath, hadde herd this thing, that is, that Dauid hadde smyte al the oost of Adadezer, kyng of Soba, 1 Chronicles 18:10 he sente Aduram, his sone, to Dauid the kyng, for to axe of hym pees, and for to thanke hym, for he hadde ouercome and hadde smyte Adadezer; for whi king Adadezer was aduersarie of Thou.

The presents and spoil David dedicated to God.

1 Chronicles 18:11 But also kyng Dauid halewide to the Lord alle the vessels of gold, and of siluer, and of bras; and the siluer, and the gold, which the kyng hadde take of alle folkis, as wel of Idumee and Moab, and of the sones of Amon, as of Filisteis and Amalech. 1 Chronicles 18:12 Forsothe Abisai, the sone of Saruye, smoot Edom in the valei of salt pittis, ten and eiyte thousynde.

He putteth garrisons in Edom.

1 Chronicles 18:13 And he settide strong hold in Edom, that Ydumei schulde serue Dauid. And the Lord sauide Dauid in alle thingis, to whiche he yede.

David's officers.

1 Chronicles 18:14 Therfor Dauid regnede on al Israel, and dide doom and riytwisnesse to al his puple. 1 Chronicles 18:15 Forsothe Joab, the sone of Saruye, was on the oost; and Josaphat, the sone of Ayluth, was chaunceler; 1 Chronicles 18:16 forsothe Sadoch, the sone of Achitob, and Achymalech, the sone of Abyathar, weren preestis; and Susa was scribe; 1 Chronicles 18:17 and Banaye, the sone of Joiada, was on the legiouns Cerethi and Phelethi; sotheli the sones of Dauid weren the firste at the hond of the kyng.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!