Wycliffe Bible

1 Chronicles 21

David, tempted by Satan, forceth Joab to number the people.

1 Chronicles 21:1 Sotheli Sathan roos ayens Israel, and stiride Dauid for to noumbre Israel. 1 Chronicles 21:2 And Dauid seide to Joab, and to the princes of the puple, Go ye, and noumbre Israel fro Bersabe til to Dan, and brynge ye the noumbre to me, that Y wite. 1 Chronicles 21:3 And Joab answeride, The Lord encresse his puple an hundrid fold more than thei ben; my lord the kyng, whether alle ben not thi seruauntis? Whi sekith my lord this thing, that schal be arettid in to synne to Israel? 1 Chronicles 21:4 But the word of the kyng hadde more the maistrie; and Joab yede out, and cumpasside al Israel, and turnede ayen in to Jerusalem.

The number of the people being brought, David repenteth of it.

1 Chronicles 21:5 And he yaf to Dauid the noumbre of hem, which he hadde cumpassid; and al the noumbre of Israel was foundun a thousynde thousande, and an hundrid thousynde of men, drawynge out swerd; forsothe of Juda weren thre hundrid thousynde, and seuenti thousynde of werriouris. 1 Chronicles 21:6 For Joab noumbride not Leuy and Beniamyn, for ayens his wille he dide the comaundement of the kyng. 1 Chronicles 21:7 Forsothe that that was comaundid displeside the Lord, and he smoot Israel. 1 Chronicles 21:8 And Dauid seide to God, Y synnede greetli that Y wolde do this; Y biseche, do thou awey the wickidnesse of thi seruaunt, for Y dide folili.

David, having three plagues propounded by Gad, chooseth the pestilence.

1 Chronicles 21:9 And the Lord spak to Gad, the profete of Dauid, and seide, 1 Chronicles 21:10 Go thou, and speke to Dauid, and seie to him, The Lord seith these thingis, Y yeue to thee the chesyng of thre thingis; chese thou oon which thou wolt, that Y do to thee. 1 Chronicles 21:11 And whanne Gad was comen to Dauid, he seide to Dauid, The Lord seith these thingis, Chese thou that that thou wolt, ether pestilence thre yeer, 1 Chronicles 21:12 ether that thre monethis thou fle thin enemyes and mow not ascape her swerd, ether that the swerd of the Lord and deeth regne thre daies in the lond, and that the aungel of the Lord slee in alle the coostis of Israel. Now therfor se thou, what Y schal answere to hym that sente me. 1 Chronicles 21:13 And Dauid seide to Gad, Angwischis oppresse me on ech part, but it is betere to me, that Y falle in to the hondis of the Lord, for his merciful doynges ben manye, than in to the hondis of men.

After the death of seventy thousand, David by repentance preventeth the destruction of Jerusalem. David, by Gad's direction, purchaseth Ornan's threshingfloor: where having built an altar, God giveth a sign of his favour by fire, and stayeth the plague.

1 Chronicles 21:14 Therfor the Lord sente pestilence in to Israel, and seuenti thousynde of men felden doun of Israel. 1 Chronicles 21:15 Also he sente an aungel in to Jerusalem, that he schulde smyte it; and whanne it was smytun, the Lord siy, and hadde merci on the greetnesse of yuel; and comaundide to the aungel that smoot, It suffisith, now thin hond ceesse. Forsothe the aungel of the Lord stood bisidis the cornfloor of Ornam Jebusey. 1 Chronicles 21:16 And Dauid reiside hise iyen, and siy the aungel of the Lord stondynge bitwixe heuene and erthe, and a drawun swerd in his hond, and turnede ayens Jerusalem. And bothe he and the grettere men in birthe weren clothid with heiris, and felden doun lowe on the erthe. 1 Chronicles 21:17 And Dauid seide to the Lord, Whether Y am not that comaundide that the puple schulde be noumbrid? Y it am that synnede, Y it am that dide yuel; what disseruid this floc? My Lord God, Y biseche, thin hond be turned in to me, and in to the hows of my fadir; but thi puple be not smytun.

1 Chronicles 21:18 Forsothe an aungel of the Lord comaundide Gad, that he schulde seie to Dauid, that he schulde stie, and bilde an auter to the Lord God in the cornfloor of Ornam Jebusei. 1 Chronicles 21:19 Therfor Dauid stiede bi the word of Gad, which he spak to hym bi the word of the Lord. 1 Chronicles 21:20 Forsothe whanne Ornam hadde biholde, and hadde seyn the aungel, and hise foure sones with hym hadde seyn, thei hidden hem, for in that tyme he threischide whete in the cornfloor. 1 Chronicles 21:21 Therfor whanne Dauid cam to Ornam, Ornam bihelde Dauid, and yede forth fro the cornfloor ayens hym, and worschipide hym, lowli on the ground. 1 Chronicles 21:22 And Dauid seide to hym, Yyue the place of thi cornfloor to me, that Y bilde ther ynne an auter to the Lord; so that thou take as myche siluer as it is worth, and that the veniaunce ceesse fro the puple. 1 Chronicles 21:23 Forsothe Ornam seide to Dauid, Take thou, and my lord the kyng do what euer thing plesith hym; but also Y yyue oxis in to brent sacrifice, and instrumentis of tree, wherbi cornes ben throischun, in to trees, and wheete in to sacrifice; Y yyue alle thingis wilfully. 1 Chronicles 21:24 And Dauid the kyng seide to hym, It schal not be don so, but Y schal yyue siluer as myche as it is worth; for Y owe not take awei fro thee, and offre so to the Lord brent sacrifices freli youun. 1 Chronicles 21:25 Therfor Dauid yaf to Ornam for the place sixe hundrid siclis of gold of most iust weiyte. 1 Chronicles 21:26 And he bildide there an auter to the Lord, and he offride brent sacrifice and pesible sacrifices, and he inwardli clepide God; and God herde hym in fier fro heuene on the auter of brent sacrifice. 1 Chronicles 21:27 And the Lord comaundide to the aungel, and he turnede his swerd in to the schethe.

David sacrificeth there, being restrained from Gibeon by fear of the angel.

1 Chronicles 21:28 Therfor anoon Dauid siy, that the Lord hadde herd hym in the corn floor of Ornam Jebusey, and he offride there slayn sacrifices. 1 Chronicles 21:29 Forsothe the tabernacle of the Lord, that Moyses hadde maad in the deseert, and the auter of brent sacrifices, was in that tempest in the hiy place of Gabaon; 1 Chronicles 21:30 and Dauid myyte not go to the auter, to biseche God there, for he was aferd bi ful greet drede, seynge the swerd of the aungel of the Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!