Wycliffe Bible

1 Chronicles 25

The number and offices of the singers.

1 Chronicles 25:1 Therfor Dauid, and the magestratis of the oost, departiden in to the seruyce the sones of Asaph, and of Eman, and of Idithum, whiche schulden profecye in harpis, and sawtrees, and cymbalis, bi her noumbre, and serue the office halewid to hem. 1 Chronicles 25:2 Of the sones of Asaph; Zaccur, and Joseph, and Nathania, and Asarela; sotheli the sones of Asaph vndir the hond of Asaph profesieden bisidis the kyng. 1 Chronicles 25:3 Forsothe the sones of Idithum weren these; Idithum, Godolie, Sori, Jesie, and Sabaie, and Mathatie, sixe; vndur the hond of hir fadir Idithum, that profesiede in an harpe on men knoulechynge and preysynge the Lord. 1 Chronicles 25:4 Also the sones of Heman weren Heman, Boccia, Mathanya, Oziel, Subuhel, and Jerymoth, Ananye, Anan, Elyatha, Gaeldothi, and Romenthi, Ezer, and Jesbacasi, Melothy, Othir, Mazioth; 1 Chronicles 25:5 alle these sones of Heman weren profetis of the kyng in the wordis of God, that he schulde enhaunse the horn. And God yaf to Heman fourtene sones, and thre douytris. 1 Chronicles 25:6 Alle vndur the hond of her fadir weren delid, ethir asigned, to synge in the temple of the Lord, in cymbalis, and sawtrees, and harpis, in to the seruyces of the hows of the Lord nyy the kyng, that is to seie, Asaph, and Idithum, and Heman. 1 Chronicles 25:7 Sotheli the noumbre of hem with her britheren, that tauyten the songe of the Lord, alle the techeris, was twey hundrid foure scoor and eiyte.

Their division by lot into four and twenty orders.

1 Chronicles 25:8 And thei senten lottis bi her whiles euenli, as wel the gretter as the lesse, also a wijs man and vnwijs. 1 Chronicles 25:9 And the firste lot yede out to Joseph, that was of Asaph; the secounde to Godolie, to hym, and hise sones and hise britheren twelue; 1 Chronicles 25:10 the thridde to Zaccur, to hise sones and hise bretheren twelue; 1 Chronicles 25:11 the fourthe to Isary, to hise sones and hise britheren twelue; 1 Chronicles 25:12 the fyuethe to Nathanye, to hise sones and hise britheren twelue; 1 Chronicles 25:13 the sixte to Boccian, to hise sones and hise britheren twelue; 1 Chronicles 25:14 the seuenthe to Israhela, to hise sones and britheren twelue; 1 Chronicles 25:15 the eiythe to Isaie, to his sones and britheren twelue; 1 Chronicles 25:16 the nynthe to Mathany, to his sones and britheren twelue; 1 Chronicles 25:17 the tenthe to Semei, to his sones and britheren twelue; 1 Chronicles 25:18 the elleuenthe to Ezrahel, to hise sones and britheren twelue; 1 Chronicles 25:19 the tweluethe to Asabie, to his sones and britheren twelue; 1 Chronicles 25:20 the thrittenthe to Subahel, to hise sones and britheren twelue; 1 Chronicles 25:21 the fourtenthe to Mathathatie, to hise sones and britheren twelue; 1 Chronicles 25:22 the fiftenthe to Jerymoth, to hise sones and britheren twelue; 1 Chronicles 25:23 the sixtenthe to Ananye, to hise sones and britheren twelue; 1 Chronicles 25:24 the seuententhe to Jesbocase, to hise sones and britheren twelue; 1 Chronicles 25:25 the eiytenthe to Annam, to hise sones and britheren twelue; 1 Chronicles 25:26 the nyntenthe to Mollothi, to hise sones and britheren twelue; 1 Chronicles 25:27 the twentithe to Eliatha, to hise sones and britheren twelue; 1 Chronicles 25:28 the oon and twentithe to Othir, to hise sones and britheren twelue; 1 Chronicles 25:29 the two and twentithe to Godoliathi, to hise sones and britheren twelue; 1 Chronicles 25:30 the thre and twentithe to Mazioth, to hise sones and britheren twelue; 1 Chronicles 25:31 the foure and twentithe to Romonathiezer, to his sones and britheren twelue.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!