Wycliffe Bible

1 Corinthians 10

The sacraments of the Jews,

1 Corinthians 10:1 Britheren, Y nyle, that ye vnknowe, that alle oure fadris weren vndur cloude, and alle passiden the see; 1 Corinthians 10:2 and alle weren baptisid in Moises, in the cloude and in the see; 1 Corinthians 10:3 and alle eeten the same spiritual mete, 1 Corinthians 10:4 and alle drunken the same spiritual drynke; thei drunken of the spiritual stoon folewynge hem; and the stoon was Crist. 1 Corinthians 10:5 But not in ful manye of hem it was wel pleasaunt to God; for whi thei weren cast doun in desert.

are types of ours,

1 Corinthians 10:6 But these thingis ben don in figure of vs, that we be not coueyteris of yuele thingis, as thei coueitiden.

and their punishments,

1 Corinthians 10:7 Nether be ye maad idolatreris, as summe of hem; as it is writun, The puple sat to ete and drynke, and thei risen vp to pleie. 1 Corinthians 10:8 Nether do we fornycacioun, as summe of hem diden fornicacioun, and thre and twenti thousyndis weren deed in o dai. 1 Corinthians 10:9 Nethir tempte we Crist, as summe of hem temptiden, and perischiden of serpentis. 1 Corinthians 10:10 Nether grutche ye, as summe of hem grutchiden, and thei perischiden of a distrier.

examples for us.

1 Corinthians 10:11 And alle these thingis felliden to hem in figure; but thei ben writun to oure amendyng, in to whiche the endis of the worldis ben comun. 1 Corinthians 10:12 Therfor he that gessith hym, that he stondith, se he, that he falle not. 1 Corinthians 10:13 Temptacioun take not you, but mannus temptacioun; for God is trewe, which schal not suffre you to be temptid aboue that that ye moun; but he schal make with temptacioun also purueyaunce, that ye moun suffre.

We must flee from idolatry.

1 Corinthians 10:14 Wherfor, ye most dereworthe to me, fle ye fro worschiping of maumetis. 1 Corinthians 10:15 As to prudent men Y speke, deme ye you silf that thing that Y seie. 1 Corinthians 10:16 Whether the cuppe of blessyng which we blessen, is not the comynyng of Cristis blood? and whether the breed which we breken, is not the takyng of the bodi of the Lord? 1 Corinthians 10:17 For we manye ben o breed and o bodi, alle we that taken part of o breed and of o cuppe. 1 Corinthians 10:18 Se ye Israel aftir the fleisch, whethir thei that eeten sacrifices, ben not partyneris of the auter? 1 Corinthians 10:19 What therfor seie Y, that a thing that is offrid to idols is ony thing, or that the idol is ony thing? 1 Corinthians 10:20 But tho thingis that hethene men offren, thei offren to deuelis, and not to God. But Y nyle, that ye ben maad felowis of feendis; for ye moun not drynke the cuppe of the Lord, and the cuppe of fendis;

We must not make the Lord's table the table of devils:

1 Corinthians 10:21 ye moun not be parteneris of the boord of the Lord, and of the bord of feendis. 1 Corinthians 10:22 Whether we han enuye to the Lord? whether we ben strengere then he? Alle thingis ben leeueful to me, but not alle thingis ben spedeful. 1 Corinthians 10:23 Alle thingis ben leeueful to me, but not alle thingis edifien.

and in things indifferent we must have regards of our brethren.

1 Corinthians 10:24 No man seke that thing that is his owne, but that thing that is of an othere. 1 Corinthians 10:25 Al thing that is seld in the bocherie, ete ye, axynge no thing for conscience. 1 Corinthians 10:26 The erthe and the plente of it is, the Lordis. 1 Corinthians 10:27 If ony of hethene men clepith you to soper, and ye wole go, al thing that is set to you, ete ye, axynge no thing for conscience. 1 Corinthians 10:28 But if ony man seith, This thing is offrid to idols, nyle ye ete, for hym that schewide, and for conscience; and Y seie not, 1 Corinthians 10:29 thi conscience, but of an othere. But wherto is my fredom demed of an othere mannus conscience? 1 Corinthians 10:30 Therfor if Y take part with grace, what am Y blasfemed, for that that Y do thankyngis? 1 Corinthians 10:31 Therfor whether ye eten, or drynken, or don ony other thing, do ye alle thingis in to the glorie of God. 1 Corinthians 10:32 Be ye with outen sclaundre to Jewis, and to hethene men, and to the chirche of God; 1 Corinthians 10:33 as Y bi alle thingis plese to alle men, not sekynge that that is profitable to me, but that that is profitable to manye men, that thei be maad saaf.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!