Wycliffe Bible

1 Corinthians 11

He reproveth them, because in holy assemblies,

1 Corinthians 11:1 Be ye my foleweris, as Y am of Crist. 1 Corinthians 11:2 And, britheren, Y preise you, that bi alle thingis ye ben myndeful of me; and as Y bitook to you my comaundementis, ye holden. 1 Corinthians 11:3 But Y wole that ye wite, that Crist is heed of ech man; but the heed of the womman is the man; and the heed of Crist is God.

their men prayed with their heads covered,

1 Corinthians 11:4 Ech man preiynge, or profeciynge, whanne his heed is hilid, defoulith his heed. 1 Corinthians 11:5 But ech womman preiynge, or profeciynge, whanne hir heed is not hilid, defoulith hir heed; for it is oon, as if sche were pollid.

and women with their heads uncovered,

1 Corinthians 11:6 And if a womman be not keuered, be sche pollid; and if it is foul thing to a womman to be pollid, or to be maad ballid, hile sche hir heed. 1 Corinthians 11:7 But a man schal not hile his heed, for he is the ymage and the glorie of God; but a womman is the glorie of man. 1 Corinthians 11:8 For a man is not of the womman, but the womman of the man. 1 Corinthians 11:9 And the man is not maad for the womman, but the womman for the man. 1 Corinthians 11:10 Therfor the womman schal haue an hilyng on hir heed, also for aungelis. 1 Corinthians 11:11 Netheles nether the man is with outen womman, nether the womman is with oute man, in the Lord. 1 Corinthians 11:12 Forwhi as the womman is of man, so the man is bi the womman; but alle thingis ben of God. 1 Corinthians 11:13 Deme ye you silf; bisemeth it a womman not hilid on the heed to preye God? 1 Corinthians 11:14 Nether the kynde it silf techith vs, for if a man nursche longe heer, it is schenschipe to hym; 1 Corinthians 11:15 but if a womman nurische longe heer, it is glorie to hir, for heeris ben youun to hir for keueryng. 1 Corinthians 11:16 But if ony man is seyn to be ful of strijf, we han noon siche custom, nethir the chirche of God.

and because generally their meetings were not for the better, but for the worse,

1 Corinthians 11:17 But this thing Y comaunde, not preisynge, that ye comen togidere not in to the betere, but in to the worse. 1 Corinthians 11:18 First for whanne ye comen togidere in to the chirche, Y here that discenciouns ben, and in parti Y bileue. 1 Corinthians 11:19 For it bihoueth eresies to be, that thei that ben prouyd, ben opynli knowun in you. 1 Corinthians 11:20 Therfor whanne ye comen togidere in to oon, now it is not to ete the Lordis soper;

as namely in profaning with their own feasts the Lord's supper.

1 Corinthians 11:21 for whi ech man bifor takith his soper to ete, and oon is hungry, and another is drunkun. 1 Corinthians 11:22 Whether ye han not housis to ete and drynke, or ye dispisen the chirche of God, and confounden hem that han noon? What schal Y seie to you? Y preise you, but here yn Y preise you not.

Lastly, he calleth them to the first institution thereof.

1 Corinthians 11:23 For Y haue takun of the Lord that thing, which Y haue bitakun to you. For the Lord Jhesu, in what niyt he was bitraied, 1 Corinthians 11:24 took breed, and dide thankyngis, and brak, and seide, Take ye, and ete ye; this is my bodi, which schal be bitraied for you; do ye this thing in to my mynde. 1 Corinthians 11:25 Also the cuppe, aftir that he hadde soupid, and seide, This cuppe is the newe testament in my blood; do ye this thing, as ofte as ye schulen drynke, in to my mynde. 1 Corinthians 11:26 For as ofte as ye schulen ete this breed, and schulen drynke the cuppe, ye schulen telle the deth of the Lord, til that he come. 1 Corinthians 11:27 Therfor who euere etith the breed, or drynkith the cuppe of the Lord vnworthili, he schal be gilti of the bodi and of the blood of the Lord. 1 Corinthians 11:28 But preue a man hym silf, and so ete he of the ilke breed, and drynke of the cuppe. 1 Corinthians 11:29 For he that etith and drinkith vnworthili, etith and drinkith doom to hym, not wiseli demyng the bodi of the Lord. 1 Corinthians 11:30 Therfor among you many ben sijke and feble, and manye slepen. 1 Corinthians 11:31 And if we demyden wiseli vs silf, we schulden not be demyd; 1 Corinthians 11:32 but while we ben demyd of the Lord, we ben chastisid, that we be not dampnyd with this world. 1 Corinthians 11:33 Therfor, my britheren, whanne ye comen togidere to ete, abide ye togidere. 1 Corinthians 11:34 If ony man hungrith, ete he at home, that ye come not togidere in to doom. And Y schal dispose othere thingis, whanne Y come.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!