Wycliffe Bible

1 Samuel 1

Elkanah a Levite having two wives, worshippeth yearly at Shiloh.

1 Samuel 1:1 A man was of Ramathym of Sophym, of the hil of Effraym, and his name was Elchana, the sone of Jeroboam, sone of Elyud, sone of Thau, sone of Suph, of Effraym. 1 Samuel 1:2 And Helchana hadde twei wyues; the name to oon was Anna, and the name of the secounde was Fenenna; and sones weren to Feuenna; forsothe fre children weren not to Anna. 1 Samuel 1:3 And thilke man styede fro his citee in daies ordeyned, to worschipe and offre sacrifice to the Lord of oostis in Silo. Forsothe twei sones of Heli weren there, Ophym and Fynees, preestis of the Lord.

He cherisheth Hannah, though barren, and provoked by Peninah.

1 Samuel 1:4 Therfor the dai cam, and Helcana offride, and yaf partis to Fenenna, his wijf, and to alle hise sones and douytris; 1 Samuel 1:5 forsothe he yaf soreufuly o part to Anna, for he louyde Anna; forsothe the Lord hadde closid hir wombe. 1 Samuel 1:6 And hir enemy turmentide hir, and angwischide greetly, in so myche that sche vpbreidide, that the Lord hadde closid hir wombe. 1 Samuel 1:7 And so sche dide bi alle yeeris, whanne in tyme comynge ayen, thei stieden in to the hows of the Lord; and so sche terride Anna. Forsothe Anna wepte, and took not mete. 1 Samuel 1:8 Therfor Helcana, hir hosebonde, seide to hir, Anna, whi wepist thou, and whi etist thou not, and whi is thin herte turmentid? Whether Y am not betere to thee than ben ten sones?

Hannah in grief prayeth for a child.

1 Samuel 1:9 Sotheli Anna roos, aftir that sche hadde ete and drunke in Silo. And the while Hely was on his greet seete, bifor the postis of the hows of the Lord, 1 Samuel 1:10 whanne Anna was in bittere soule, sche preyede the Lord, and wepte largeli; 1 Samuel 1:11 and made a vow, and seide, Lord God of oostis, if thou biholdist, and seest the turment of thi seruauntesse, and hast mynde of me, and foryetis not thin handmayde, and yyuest to thi seruauntesse a male kynde, Y schal yyue hym to the Lord in alle daies of his lijf, and a rasour schal not stie on his heed.

Eli first rebuking her, afterwards blesseth her.

1 Samuel 1:12 Forsothe it was doon, whanne sche multipliede preieris bifor the Lord, that Ely aspiede hir mouth. 1 Samuel 1:13 Forsothe Anna spak in hir herte, and oneli hir lippis weren mouyd, and outerly hir vois was not herd. Therfor Hely gesside hir drunkun, 1 Samuel 1:14 and he seide to hyr, Hou longe schalt thou be drunkun? Difye thou a litil the wyn, bi which thou art moist. 1 Samuel 1:15 Anna answeride, and seide, Nay, my lord, for Y am a wretchid womman greetli; Y drank not wyn and al thing that may make drunkun, but Y schedde out my soule in the siyt of the Lord; 1 Samuel 1:16 gesse thou not thin handmaide as oon of the douytris of Belyal, for of the multitude of my sorewe and morenyng Y spak til in to present tyme. 1 Samuel 1:17 Thanne Hely seide to hir, Go thou in pees, and God of Israel yyue to thee the axyng which thou preiedist hym. 1 Samuel 1:18 And sche seide, Y wolde that thin hondmayde fynde grace in thin iyen. And the womman yede in to hir weie, and eet; and hir cheris weren no more chaungid dyuersly.

Hannah having born Samuel, stayeth at home till he be weaned.

1 Samuel 1:19 And thei ryseden eerly, and worschipiden bifore the Lord; and thei turneden ayen, and camen in to hir hows in Ramatha. Forsothe Helchana knew fleischli Anna, his wijf; and the Lord thouyte on hir. 1 Samuel 1:20 And it was doon after the cumpas of daies, Anna conseyuede, and childide a sone, and sche clepide his name Samuel; for sche hadde axid hym of the Lord. 1 Samuel 1:21 Forsothe hir hosebonde Helcana stiede, and al his hows, to offre a solempne sacrifice, and his avow to the Lord. 1 Samuel 1:22 And Anna stiede not, for sche hadde seid to hir hosebonde, Y schal not go, til the yonge child be wenyd, and til Y lede hym, and he appere bifor the siyt of the Lord, and dwelle there contynueli. 1 Samuel 1:23 And Helcana, hir hosebonde, seide to hir, Do thou that that semeth good to thee, and dwelle thou til thou wene hym; and Y biseche, that the Lord fille his word. Therfor the womman dwellide, and yaf mylk to hir sone, til sche remouyde hym fro mylk.

She presenteth him, according to her vow, to the LORD.

1 Samuel 1:24 And sche brouyte hym with hir, aftir that sche hadde wened hym, with thre caluys, and thre buyschelis of mele, and amfore, ether a pot, of wyn; and sche brouyte hym to the hows of the Lord in Silo. Forsothe the child was yit ful yonge. 1 Samuel 1:25 And thei sacrifieden a calf, and thei offriden the child to Hely. 1 Samuel 1:26 And Anna seide, My lord, Y biseche, that is, that this child be thi disciple and seruaunt, thi soule lyueth; Y am that womman, that stood bifor thee here, and preiede the Lord; 1 Samuel 1:27 for this child Y preiede, and the Lord yaf to me myn axyng which Y axide hym; 1 Samuel 1:28 therfor Y haue youe hym to the Lord in alle daies, in whiche he is youun to the Lord. And thei worschypiden there the Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!