Wycliffe Bible

1 Samuel 13

Saul's selected band.

1 Samuel 13:1 Saul was a child of o yeer whanne he bigan to regne; forsothe he regnede on Israel twei yeer. 1 Samuel 13:2 And Saul chees to hym thre thousynde of Israel, and twei thousynde weren with Saul in Machynas, in the hil of Bethel; forsothe a thousynde weren with Jonathas in Gabaath of Beniamyn; sotheli he sente ayen the tother puple ech man in to hise tabernaclis.

He calleth the Hebrews to Gilgal against the Philistines, whose garrison Jonathan had smitten.

1 Samuel 13:3 And Jonathas smoot the stacioun of Filisteis, that was in Gabaa. And whanne Filisteis hadden herd this, Saul sownede with a clarioun in al the lond, and seide, Ebreys here. 1 Samuel 13:4 And al Israel herde siche a fame, Saul smoot the stacioun of Filisteis; and Israel reiside hym silf ayens Filisteis; therfor the puple criede after Saul in Galgala.

The Philistines' great host.

1 Samuel 13:5 And Filisteis weren gaderid to fiyte ayens Israel; of Filisteis weren thretti thousynde of charis, and sixe thousynde of knyytis, and the tother comyn puple, as grauel which is ful myche in the brynke of the see; and thei stieden, and settiden tentis in Machynas, at the eest of Bethauen.

The distress of the Israelites.

1 Samuel 13:6 And whanne men of Israel hadden seyn this, that thei weren set in streiytnesse, for the puple was turmentid, thei hidden hem silf in dennes, and in priuey places, and in stonys, and in dychis, and in cisternes. 1 Samuel 13:7 Sotheli Ebreis passiden Jordan in to the lond of Gad and of Galaad. And whanne Saul was yit in Galgala, al the puple was aferd that suede hym.

Saul, weary of staying for Samuel, sacrificeth.

1 Samuel 13:8 And seuene daies he abood Samuel bi couenaunt, and Samuel cam not in to Galgala; and the puple yede a wei fro Saul. 1 Samuel 13:9 Therfor Saul seide, Brynge ye to me brent sacrifice, and pesible sacrifices; and he offride brent sacrifice. 1 Samuel 13:10 And whanne he hadde endid offrynge brent sacrifice, lo! Samuel cam; and Saul yede out ayens hym, to greete Samuel.

Samuel reproveth him.

1 Samuel 13:11 And Samuel spak to hym, What hast thou do? Saul answeride, For Y siy that the puple yede awei fro me, and thou camest not bi the daies of couenaunt; certis Filisteis weren gaderid in Machynas; 1 Samuel 13:12 Y seide, Now Filisteis schulen come doun to me in to Galgala, and Y haue not plesyd the face of the Lord; Y was compellid bi nede, and Y offryde brent sacrifice to the Lord. 1 Samuel 13:13 And Samuel seide to Saul, Thou hast do folili, and thou keptist not the heestis of thi Lord God, whiche he comaundide to thee; and if thou haddist not do this thing, riyt now the Lord hadde maad redi thi rewme on Israel with outen ende; 1 Samuel 13:14 but thi rewme schal not rise ferthere. The Lord hath souyt a man to hym silf after his herte; and the Lord comaundide to hym, that he schulde be duyk on his puple, for thou keptist not tho thingis whiche the Lord comaundide. 1 Samuel 13:15 Forsothe Samuel roos, and stiede fro Galgala in to Gabaa of Beniamyn; and the residue puplis stieden after Saul ayens the puple which fouyten ayens hem; and thei camen fro Galgala in to Gabaa, in the hil of Beniamyn. And Saul noumbride the puple, that weren foundun with hym as sixe hundrid men. 1 Samuel 13:16 And Saul, and Jonathas his sone, and the puple that was foundun with hem, was in Gabaa of Beniamyn; forsothe Filisteis saten togidere in Machynas.

The three spoiling bands of the Philistines.

1 Samuel 13:17 And thre cumpanyes yeden out of the castels of Filisteis to take prey; o cumpany yede ayens the weie of Effraym to the lond of Saul; 1 Samuel 13:18 sothely an other cumpeny entride bi the weie of Bethoron; forsothe the thridde cumpenye turnede it silf to the weie of the terme in the lond of Sabaa; and that terme neiyeth to the valey of Seboym ayens the deseert.

The policy of the Philistines, to suffer no smith in Israel.

1 Samuel 13:19 Forsothe no smyyth of yrun was foundun in al the lond of Israel; for Filisteis weren war, ether eschewiden, lest perauenture Ebreis maden a swerd ether a spere. 1 Samuel 13:20 Therfor al Israel yede doun to Filisteis, that ech man schulde scharpe his schar, and picoise, and ax, and sarpe; 1 Samuel 13:21 and so alle egis weren bluntid of scharris, and of picoisis, and of forkis of thre teeth, and of axis, til to a pricke to be amendid. 1 Samuel 13:22 And whanne the dai of batel cam, no swerd and spere was foundun in the hond of al the puple that was with Saul and Jonathas, outakun Saul, and Jonathas his sone. 1 Samuel 13:23 Forsothe the stacioun of Filisteis yede out, that it schulde passe in to Machynas.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!