Wycliffe Bible

1 Samuel 19

Jonathan discloseth his father's purpose to kill David.

1 Samuel 19:1 Forsothe Saul spak to Jonathas, his sone, and to alle hise seruauntis, that thei schulden sle Dauid; certis Jonathas, the sone of Saul, louyde Dauid greetli. 1 Samuel 19:2 And Jonathas schewide to Dauid, and seide, Saul, my fadir, sekith to sle thee, wherfor, Y biseche, kepe thou thee eerli; and thou schalt dwelle priueli, and thou schalt be hid. 1 Samuel 19:3 Sotheli Y schal go out, and stonde bisidis my fadir in the feeld, where euer he schal be; and Y schal speke of thee to my fadir, and what euer thing Y shal se, Y schal telle to thee.

He persuadeth his father to reconciliation.

1 Samuel 19:4 Therfor Jonathas spak good thingis of Dauid to Saul, his fadir, and seide to hym, Kyng, do thou not synne ayens thi seruaunt Dauid, for he synnede not to thee, and hise werkis ben ful good to thee; 1 Samuel 19:5 and he puttide his lijf in his hond, and he killide the Filistei. And the Lord made greet heelthe to al Israel; thou siy, and were glad; whi therfor synnest thou in giltles blood, and sleest Dauid, which is with out gilt? 1 Samuel 19:6 And whanne Saul hadde herd this, he was plesid with the vois of Jonathas, and swoor, The Lord lyueth, that is, bi the Lord lyuynge, for Dauid schal not be slayn. 1 Samuel 19:7 Therfor Jonathas clepide Dauid, and schewide to hym alle these wordis. And Jonathas brouyte in Dauid to Saul, and he was bifor hym as yistirdai and the thridde dai ago.

By reason of David's good success in a new war, Saul's malicious rage breaketh out against him.

1 Samuel 19:8 Forsothe batel was moued eft; and Dauyd yede out, and fauyt ayens Filisteis, and he smoot hem with a greet wounde, and thei fledden fro his face. 1 Samuel 19:9 And the yuel spirit of the Lord was maad on Saul; sotheli he sat in his hows, and helde a spere; certis Dauid harpide in his hond. 1 Samuel 19:10 And Saul enforside to prene with the spere Dauid in the wal; and Dauid bowide fro the face of Saul; forsothe the spere with voide wounde was borun in to the wal; and Dauid fledde, and was saued in that niyt. 1 Samuel 19:11 Therfor Saul sente hise knyytis in the nyyt in to the hows of Dauid, that thei schulden kepe hym, and that he schulde be slayn in the morewtide. And whanne Mychol, the wijf of Dauid, hadde teld this to Dauid, and seide, If thou sauest not thee in this nyyt, thou schalt die to morew;

Michal deceiveth her father with an image in David's bed.

1 Samuel 19:12 sche puttide hym doun bi a wyndow. Forsothe he yede, and fledde, and was sauyd. 1 Samuel 19:13 Sotheli Mychol took an ymage, and puttide it on the bed, and puttide an heeri skyn of geet at the heed therof, and hilide it with clothis. 1 Samuel 19:14 Forsothe Saul sente sergeauntis, that schulden rauysche Dauid, and it was answeride, that he was sijk. 1 Samuel 19:15 And eft Saul sente messangeris, that thei schulden se Dauid, and he seide, Brynge ye hym to me in the bed, that he be slayn. 1 Samuel 19:16 And whanne the messangeris hadden come, a symylacre was foundun on the bed, and skynnes of geet at the heed therof. 1 Samuel 19:17 And Saul seide to Mychol, Whi scornedist thou me so, and delyueredist myn enemy, that he fledde? And Mychol answeride to Saul, For he spak to me, and seide, Delyuere thou me, ellis Y schal slee thee.

David cometh to Samuel in Naioth.

1 Samuel 19:18 Forsothe Dauid fledde, and was sauyd; and he cam to Samuel in to Ramatha, and telde to hym alle thingis which Saul hadde do to hym; and he and Samuel yeden, and dwelliden in Naioth. 1 Samuel 19:19 Forsothe it was teld to Saul of men, seiynge, Lo! Dauid is in Naioth in Ramatha.

Saul's messengers sent to take David,

1 Samuel 19:20 Therfor Saul sente sleeris, that thei schulden rauysche Dauid; and whanne thei hadden seyn the cumpeny of profetis profeciynge, and Samuel stondynge ouer hem, the Spirit of the Lord, that is, the spirit of deuocioun, was maad in hem, and thei also bigunnen to prophecie. 1 Samuel 19:21 And whanne this was teld to Saul, he sente also othere messangeris; sotheli and thei profesieden. And eft Saul sente the thridde messangeris, and thei prophecieden. And Saul was wrooth with irefulnesse; 1 Samuel 19:22 and he also yede in to Ramatha, and he cam til to the greet cisterne, which is in Socoth, and he axide, and seide, In what place ben Samuel and Dauid? And it was seid to hym, Lo! thei ben in Naioth in Ramatha.

and Saul himself, prophesy.

1 Samuel 19:23 And he yede in to Naioth in Ramatha; and the Spirit of the Lord was maad also on him; and he yede, and entride, and propheciede, til the while he cam in to Naioth in Ramatha. 1 Samuel 19:24 And he also dispuylide him silf of hise clothis, and propheciede with othere men bifor Samuel, and he profeciede nakid in al that dai and nyyt. Wherfor a prouerbe, that is, a comyn word, yede out, Whether and Saul among prophetis?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!