Wycliffe Bible

1 Thessalonians 4

He exhorteth them to go on forward in all manner of godliness,

1 Thessalonians 4:1 Therfor, britheren, fro hennus forward we preien you, and bisechen in the Lord Jhesu, that as ye han resseyued of vs, hou it bihoueth you to go and to plese God, so walke ye, that ye abounde the more. 1 Thessalonians 4:2 For ye witen what comaundementis Y haue youun to you bi the Lord Jhesu. 1 Thessalonians 4:3 For this is the wille of God, youre holynesse, that ye absteyne you fro fornycacioun. 1 Thessalonians 4:4 That ech of you kunne welde his vessel in holynesse, and onour; 1 Thessalonians 4:5 not in passioun of lust, as hethene men that knowen not God.

to live holily and justly,

1 Thessalonians 4:6 And that no man ouergo, nethir disseyue his brothir in chaffaring. For the Lord is venger of alle these thingis, as we biforseiden to you, and han witnessid. 1 Thessalonians 4:7 For God clepide not vs in to vnclennesse, but in to holynesse. 1 Thessalonians 4:8 Therfor he that dispisith these thingis, dispisith not man, but God, that also yaf his holi spirit in vs.

to love one another,

1 Thessalonians 4:9 But of the charite of britherhed we hadden no nede to write to you; ye silf han lerud of God, that ye loue togidere; 1 Thessalonians 4:10 for ye don that in to alle britheren in al Macedonye. And, britheren, we preyen you, that ye abounde more; and taken kepe, that ye be quyet;

and quietly to follow their own business:

1 Thessalonians 4:11 and that ye do youre nede, and ye worche with youre hoondis, as we han comaundid to you; 1 Thessalonians 4:12 and that ye wandre onestli to hem that ben with outforth, and that of no mannus ye desir ony thing.

and last of all to sorrow moderately for the dead.

1 Thessalonians 4:13 For, britheren, we wolen not, that ye vnknowe of men that dien, that ye be not soreuful, as othere that han not hope. 1 Thessalonians 4:14 For if we bileuen, that Jhesu was deed, and roos ayen, so God schal lede with hym hem that ben deed bi Jhesu.

And unto this last exhortation is annexed a brief description of the resurrection, and second coming of Christ to judgment.

1 Thessalonians 4:15 And we seien this thing to you in the word of the Lord, that we that lyuen, that ben left in the comyng of the Lord, schulen not come bifor hem that ben deed. 1 Thessalonians 4:16 For the Lord hym silf schal come doun fro heuene, in the comaundement, and in the vois of an archaungel, and in the trumpe of God; and the deed men that ben in Crist, schulen rise ayen first. 1 Thessalonians 4:17 Afterward we that lyuen, that ben left, schulen be rauyschid togidere with hem in cloudis, metinge Crist in to the eir; and so euere more we schulen be with the Lord. 1 Thessalonians 4:18 Therfor be ye coumfortid togidere in these wordis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!