2 Chronicles 11
Rehoboam raising an army to subdue Israel, is forbidden by Shemaiah.
2 Chronicles 11:1 Forsothe Roboam cam in to Jerusalem, and clepide togidere al the hows of Juda and of Beniamyn, til to nyne scoore thousynde of chosen men and werriouris, for to fiyte ayens Israel, and for to turne his rewme to hym. 2 Chronicles 11:2 And the word of the Lord was maad to Semeye, the man of God, and seide, 2 Chronicles 11:3 Speke thou to Roboam, the sone of Salomon, kyng of Juda, and to al Israel, which is in Juda and Beniamyn; The Lord seith these thingis, 2 Chronicles 11:4 Ye schulen not stie, nethir ye schulen fiyte ayens youre britheren; ech man turne ayen in to his hows, for this thing is doon bi my wille. And whanne thei hadden herd the word of the Lord, thei turneden ayen, and yeden not ayens kyng Jeroboam.
He strengtheneth his kingdom with forts and provision.
2 Chronicles 11:5 Forsothe Roboam dwellide in Jerusalem, and he bildide wallid citees in Juda; 2 Chronicles 11:6 and bildide Bethleem, and Ethan, and Thecue, 2 Chronicles 11:7 and Bethsur; and Sochot, and Odollam; 2 Chronicles 11:8 also and Jeth, and Maresa, and Ziph; 2 Chronicles 11:9 but also Huram, and Lachis, and Azecha; 2 Chronicles 11:10 and Saraa, and Hailon, and Ebron, that weren in Juda and Beniamyn, ful strong citees. 2 Chronicles 11:11 And whanne he hadde closid tho with wallis, he settide in tho citees princes, and bernes of metis, that is, of oile, and of wyn. 2 Chronicles 11:12 But also in ech citee he made placis of armuris of scheeldis, and speris, and he made tho strong with most diligence; and he regnyde on Juda and Beniamyn.
The priests and Levites, and such as feared God, forsaken by Jeroboam, strengthen the kingdom of Judah.
2 Chronicles 11:13 Sotheli the preestis and dekenes, that weren in al Israel, camen to hym fro alle her seetis, 2 Chronicles 11:14 and forsoken her subarbis and possessiouns, and thei passiden to Juda and to Jerusalem; for Jeroboam and hise aftir comeris hadden cast hem a wey, that thei schulden not be set in preesthod of the Lord; 2 Chronicles 11:15 which Jeroboam made to hym preestis of hiye places, and of feendis, and of caluys, which he hadde maad. 2 Chronicles 11:16 But also of alle the linagis of Israel, whiche euer yauen her herte to seke the Lord God of Israel, thei camen to Jerusalem for to offre her sacrifices bifor the Lord God of her fadris. 2 Chronicles 11:17 And thei strengthiden the rewme of Juda, and strengthiden Roboam, the sone of Salomon, bi thre yeer; for thei yeden in the weies of Dauid, and of Salomon, oneli bi thre yeer.
The wives and children of Rehoboam.
2 Chronicles 11:18 Forsothe Roboam weddide a wijf Malaoth, the douytir of Jerymuth, sone of Dauid, and Abiail, the douytir of Heliab, sone of Ysaye; 2 Chronicles 11:19 and sche childide to hym sones, Yeus, and Somorie, and Zerei. 2 Chronicles 11:20 Also after this wijf he took Maacha, the douyter of Abissalon, and sche childide to hym Abia, and Thai, and Ziza, and Salomyth. 2 Chronicles 11:21 Forsothe Roboam louyde Maacha, the douytir of Abissalon, aboue alle hise wyues and secundarie wyues. Forsothe he hadde weddid eiytene wyues, sotheli sixti secundarie wyues; and he gendride eiyte and twenti sones, and sixti douytris. 2 Chronicles 11:22 Sotheli he ordeynede Abia, the sone of Maacha, in the heed, duyk ouer alle hise britheren; for he thouyte to make Abia kyng, 2 Chronicles 11:23 for he was wisere and myytiere ouer alle hise sones, and in alle the coostis of Juda and of Beniamyn, and in alle wallid citees; and he yaf to hem ful many metis, and he had many wyues.