Wycliffe Bible

2 Chronicles 27

Jotham, reigning well, prospereth.

2 Chronicles 27:1 Joathan was of fyue and twenti yeer, whanne he bigan to regne, and he regnede sixtene yeer in Jerusalem; the name of his modir was Jerusa, the douyter of Sadoch. 2 Chronicles 27:2 He dide that, that was riytful bifor the Lord, bi alle thingis whiche Ozie, his fadir, hadde do; outakun that he entride not in to the temple of the Lord, and the puple trespasside yit. 2 Chronicles 27:3 He bildide the hiy yate of the hous of the Lord, and he bildide manye thingis in the wal of Ophel; 2 Chronicles 27:4 also he bildide citees in the hillis of Juda, and he bildide castels and touris in forestis.

He subdueth the Ammonites.

2 Chronicles 27:5 He fauyt ayens the kyng of the sones of Amon, and ouercam hym; and the sones of Amon yauen to hym in that tyme an hundrid talentis of siluer, and ten thousynde choris of barli, and so many of wheete; the sones of Amon yauen these thingis to hym in the secounde and in the thridde yeer. 2 Chronicles 27:6 And Joathan was maad strong, for he hadde dressid hise weies bifor his Lord God.

His reign.

2 Chronicles 27:7 Forsothe the residue of wordis of Joathan, and alle hise batels, and werkis, ben writun in the book of kyngis of Israel and of Juda. 2 Chronicles 27:8 He was of fyue and twenti yeer, whanne he bigan to regne, and he regnede sixtene yeer in Jerusalem.

Ahaz succeedeth him.

2 Chronicles 27:9 And Joathan slepte with hise fadris, and thei birieden hym in the citee of Dauid; and Achaz, his sone, regnede for him.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!