Wycliffe Bible

2 Chronicles 30

Hezekiah proclaimeth a solemn Passover on the second month for Judah and Israel.

2 Chronicles 30:1 And Ezechie sente to al Israel and to Juda, and he wroot pistlis to Effraym and to Manasses, that thei schulden come in to the hous of the Lord in Jerusalem, and make paske to the Lord God of Israel. 2 Chronicles 30:2 Therfor whanne counseil was takun of the kyng, and of princes, and of al the cumpeny of Jerusalem, thei demyden to make paske in the secounde moneth. 2 Chronicles 30:3 For thei demyden not to do in his tyme; for the preestis that myyten suffice weren not halewid, and the puple was not yit gaderid in to Jerusalem. 2 Chronicles 30:4 And the word pleside the king, and al the multitude. 2 Chronicles 30:5 And thei demyden to sende messangeris in to al Israel, fro Bersabee til to Dan, that thei schulden come, and make pask to the Lord God of Israel in Jerusalem; for many men hadden not do, as it is bifor writun in the lawe. 2 Chronicles 30:6 And corouris yeden forth with pistlis, bi comaundement of the kyng and of hise princis, in to al Israel and Juda, and prechiden bi that, that the kyng hadde comaundid, Sones of Israel, turne ye ayen to the Lord God of Abraham, and of Isaac, and of Israel; and he schal turne ayen to the residue men, that ascapiden the hondis of the kyng of Assiriens. 2 Chronicles 30:7 Nyle ye be maad as youre fadris and britheren, that yeden awei fro the Lord God of her fadris; and he yaue hem in to perischyng, as ye seen. 2 Chronicles 30:8 Nyle ye make hard youre nollis, as youre fadris diden; yyue ye hondis to the Lord, and come ye to his seyntuarie, which he halewide withouten ende; serue ye the Lord God of youre fadris, and the ire of his strong veniaunce schal be turned awey fro you. 2 Chronicles 30:9 For if ye turnen ayen to the Lord, youre britheren and youre sones schulen haue mercy, bifor her lordis that ledden hem prisoneris; and thei schulen turne ayen in to this lond. For oure Lord God is pitouse, ethir benygne, and merciful; and he schal not turne awey his face fro you, if ye turne ayen to hym. 2 Chronicles 30:10 Therfor the corours yeden swiftli fro cytee in to citee thorou the lond of Effraym and of Manasses til to Zabulon, while thei scorniden and bimowiden hem. 2 Chronicles 30:11 Netheles sum men of Aser, and of Manasses, and of Zabulon, assentiden to the counsel, and camen in to Jerusalem. 2 Chronicles 30:12 Forsothe the hond of the Lord was maad in Juda, that he yaf to hem oon herte, and that thei diden the word of the Lord, bi the comaundement of the kyng and of the princes.

The assembly, having destroyed the altars of idolatry, keep their feast fourteen days.

2 Chronicles 30:13 And many puplis weren gaderid in to Jerusalem, for to make the solempnyte of therf looues in the secounde monethe. 2 Chronicles 30:14 And thei risiden, and destrieden the auteris, that weren in Jerusalem; and thei destriynge alle thingis in whiche encense was brent to idols, castiden forth in to the stronde of Cedron. 2 Chronicles 30:15 Forsothe thei offriden pask in the fourtenthe dai of the secounde monethe; also the preestis and the dekenes weren halewid at the laste, and offriden brent sacrifices in the hows of the Lord. 2 Chronicles 30:16 And thei stoden in her ordre, bi the ordynaunce and lawe of Moises, the man of God. Sothely the preestis token of the hondis of dekenes the blood to be sched out, 2 Chronicles 30:17 for myche cumpeny was not halewid; and therfor the dekenes offriden pask for hem, that myyten not be halewid to the Lord. 2 Chronicles 30:18 Also a greet part of the puple of Effraym, and Manasses, and of Ysachar, and of Zabulon, that was not halewid, eet pask not bi that that is writun. And Ezechie preyde for hem, and seide, The good Lord schal do mercy to alle men, 2 Chronicles 30:19 that seken in al the herte the Lord God of her fadris; and it schal not be arettid to hem, that thei ben not halewid. 2 Chronicles 30:20 And the Lord herde hym, and was plesid to the puple. 2 Chronicles 30:21 And the sones of Israel, that weren founden in Jerusalem, maden solempnyte of therf looues seuene daies in greet gladnesse, and herieden the Lord bi ech dai; and dekenes and preestis preisiden the Lord bi orguns, that acordiden to her offices. 2 Chronicles 30:22 And Ezechie spak to the herte of alle the dekenes, that hadden good vndurstondyng of the Lord; and thei eeten bi seuene daies of the solempnyte, offrynge sacrifices of pesible thingis, and heriynge the Lord God of her fadris. 2 Chronicles 30:23 And it pleside al the multitude to halewe also othere seuene daies; which thing also thei diden with greet ioye. 2 Chronicles 30:24 Forsothe Ezechie, kyng of Juda, yaf to the multitude a thousynde bolis, and seuene thousynde of scheep; sotheli the princes yauen to the puple a thousynde bolis, and ten thousynde scheep. Therfor ful greet multitude of preestis was halewid; 2 Chronicles 30:25 and al the cumpany of Juda was fillid with gladnesse, as wel of preestis and dekenes, as of al the multitude, that camen fro Israel, and of conuersis of the lond of Israel, and of dwelleris in Juda. 2 Chronicles 30:26 And greet solempnytee was maad in Jerusalem, which maner solempnyte was not in that citee fro the daies of Salomon, sone of Dauid, kyng of Israel.

The priests and Levites bless the people.

2 Chronicles 30:27 Sotheli preestis and dekenes rysyden, and blessiden the puple; and the vois of hem was herd, and the preier cam in to the hooli dwelling place of heuene.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!