Wycliffe Bible

2 Chronicles 33

Manasseh's wicked reign.

2 Chronicles 33:1 Manasses was of twelue yeer, whanne he bygan to regne, and he regnyde in Jerusalem fyue and fifti yeer. 2 Chronicles 33:2 Forsothe he dide yuel bifor the Lord bi abhomynaciouns of hethene men, whiche the Lord destriede bifor the sones of Israel.

He setteth up idolatry, and would not be admonished.

2 Chronicles 33:3 And he turnede, and restoride the hiye places, whiche Ezechie, his fadir, hadde destried. And he bildide auteris to Baalym, and made wodis, and worschipide al the knyythod of heuene, and heriede it. 2 Chronicles 33:4 And he bildide auteris in the hows of the Lord, of which the Lord hadde seid, My name schal be in Jerusalem with outen ende. 2 Chronicles 33:5 Sotheli he bildide tho auteris to al the knyythod of heuene in the twei large places of the hows of the Lord. 2 Chronicles 33:6 And he made hise sones to passe thorouy the fier in the valei of Beennon; he kepte dremes; he suede fals diuynyng bi chiteryng of briddis; he seruyde witche craftis; he hadde with hym astronomyeris and enchaunteris, ethir trigetours, that disseyuen mennus wittis, and he wrouyte many yuelis bifor the Lord to terre hym to wraththe. 2 Chronicles 33:7 Also he settide a grauun signe and a yotun signe in the hows of the Lord, of which hows God spak to Dauid, and to Salomon, his sone, and seide, Y schal sette my name with outen ende in this hows and in Jerusalem, which Y chees of alle the lynagis of Israel; 2 Chronicles 33:8 and Y schal not make the foot of Israel to moue fro the lond which Y yaf to her fadris, so oneli if thei kepen to do tho thingis whiche Y comaundide to hem, and al the lawe, and cerymonyes, and domes, bi the hond of Moises. 2 Chronicles 33:9 Therfor Manasses disseyuede Juda, and the dwelleris of Jerusalem, that thei diden yuel, more than alle hethene men, whiche the Lord hadde distriede fro the face of the sones of Israel. 2 Chronicles 33:10 And the Lord spak to hym, and to his puple; and thei nolden take heed.

He is carried into Babylon.

2 Chronicles 33:11 Therfor the Lord brouyte on hem the princes of the oost of the kyng of Assiriens; and thei token Manasses, and bounden hym with chaynes, and stockis, and ledden hym in to Babiloyne.

Upon his prayer to God he is released, and putteth down idolatry.

2 Chronicles 33:12 And aftir that he was angwischid, he preiede his Lord God, and dide penaunce gretli bifor the God of hise fadris. 2 Chronicles 33:13 And he preiede God, and bisechide ententifli; and God herde his preier, and brouyte hym ayen in to Jerusalem in to his rewme; and Manasses knew, that the Lord hym silf is God. 2 Chronicles 33:14 Aftir these thingis he bildide the wal with out the citee of Dauid, at the west of Gion, in the valei, fro the entryng of the yate of fischis, bi cumpas til to Ophel; and he reiside it gretli; and he ordeynede princes of the oost in alle the stronge citees of Juda. 2 Chronicles 33:15 And he dide awei alien goddis and symylacris fro the hows of the Lord; and he dide awei the auteris, whiche he hadde maad in the hil of the hows of the Lord, and in Jerusalem, and he castide awei alle with out the citee. 2 Chronicles 33:16 Certis he restoride the auter of the Lord, and offride theronne slayn sacrifices, and pesible sacrifices, and preisyng; and he comaundide Juda to serue the Lord God of Israel. 2 Chronicles 33:17 Netheles the puple offride yit in hiy places to her Lord God.

His acts.

2 Chronicles 33:18 Forsothe the residue of dedis of Manasses, and his bisechyng to his Lord God, and the wordis of profetis, that spaken to hym in the name of the Lord God of Israel, ben conteyned in the wordis of the kyngis of Israel. 2 Chronicles 33:19 And his preier, and the heryng, and alle synnes, and dispisyng, also the places in whiche he bildide hiy thingis, and made wodis and ymagis, bifor that he dide penaunce, ben writun in the bokis of Ozai.

He dying, Amon succeedeth him.

2 Chronicles 33:20 Forsothe Manasses slepte with hise fadris, and thei birieden hym in his hows; and Amon, his sone, regnyde for hym.

Amon reigning wickedly is slain by his servants.

2 Chronicles 33:21 Amon was of two and twenti yeer, whanne he bigan to regne; and he regnyde twei yeer in Jerusalem. 2 Chronicles 33:22 And he dide yuel in the siyt of the Lord, as Manasses, his fadir, hadde do; and he offride, and seruyde to alle the idols, whiche Manasses hadde maad. 2 Chronicles 33:23 And he reuerenside not the face of the Lord, as Manasses, his fadir, reuerenside; and he dide mych gretter trespassis. 2 Chronicles 33:24 And whanne his seruauntis hadden swore to gyder ayens hym, thei killiden hym in his hows.

The murderers being slain, Josiah succeedeth him.

2 Chronicles 33:25 Sotheli the residue multitude of the puple, aftir that thei hadden slayn hem that hadden slayn Amon, ordeyneden Josie, his sone, kyng for hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!