2 Corinthians 10
Against the false apostles, who disgraced the weakness of his person and bodily presence, he setteth out the spiritual might and authority, with which he is armed against all adversary powers,
2 Corinthians 10:1 And Y my silf Poul biseche you, bi the myldenesse and softnesse of Crist, which in the face am meke among you, and Y absent triste in you. 2 Corinthians 10:2 For Y preie you, that lest Y present be not bold bi the trist, in which Y am gessid to be bold in to summe, that demen vs, as if we wandren aftir the fleisch. 2 Corinthians 10:3 For we walkynge in fleisch, fiyten not aftir the fleisch. 2 Corinthians 10:4 For the armuris of oure knyythod ben not fleischli, but myyti bi God to the distruccioun of strengthis. And we distrien counsels, 2 Corinthians 10:5 and alle hiynesse that hiyeth it silf ayens the science of God, and dryuen in to caitifte al vndirstonding in to the seruyce of Crist. 2 Corinthians 10:6 And we han redi to venge al vnobedience, whanne youre obedience schal be fillid.
assuring them that at his coming he will be found as mighty in word, as he is now in writing being absent:
2 Corinthians 10:7 Se ye the thingis that ben after the face. If ony man trustith to him silf, that he is of Crist, thenke he this thing eft anentis hym silf, 2 Corinthians 10:8 for as he is Cristis, so also we. For if Y schal glorie ony thing more of oure power, which the Lord yaf to vs in to edifiyng, and not in to youre distruccioun, Y schal not be schamed. 2 Corinthians 10:9 But that Y be not gessid as to fere you bi epistlis, 2 Corinthians 10:10 for thei seien, That epistlis ben greuouse and stronge, but the presence of the bodi is feble, and the word worthi to be dispisid. 2 Corinthians 10:11 He that is suche oon, thenke this, for suche as we absent ben in word bi pistlis, suche we ben present in dede.
and withal taxing them for reaching out themselves beyond their compass, and vaunting themselves into other men's labours.
2 Corinthians 10:12 For we doren not putte vs among, or comparisoune vs to summen, that comenden hem silf; but we mesuren vs in vs silf, and comparisounen vs silf to vs. 2 Corinthians 10:13 For we schulen not haue glorie ouer mesure, but bi the mesure of the reule which God mesuride to vs, the mesure that stretchith to you. 2 Corinthians 10:14 For we ouerstretchen not forth vs, as not stretchinge to you. For to you we camen in the gospel of Crist, 2 Corinthians 10:15 not gloriynge ouer mesure in othere mennus trauelis. For we han hope of youre feith that wexith in you to be magnefied bi oure reule in abundaunce, 2 Corinthians 10:16 also to preche in to tho thingis that ben biyendis you, not to haue glorie in othere mennus reule, in these thingis that ben maad redi. 2 Corinthians 10:17 He that glorieth, haue glorie in the Lord. 2 Corinthians 10:18 For not he that comendith hym silf is preuyd, but whom God comendith.