2 Corinthians 11
Out of his jealousy over the Corinthians, who seemed to make more account of the false apostles than of him, he entereth into a forced commendation of himself,
2 Corinthians 11:1 I wolde that ye wolden suffre a litil thing of myn vnwisdom, but also supporte ye me. 2 Corinthians 11:2 For Y loue you bi the loue of God; for Y haue spousid you to oon hosebonde, to yelde a chast virgyn to Crist. 2 Corinthians 11:3 But Y drede, lest as the serpent disseyuede Eue with his sutil fraude, so youre wittis ben corrupt, and fallen doun fro the symplenesse that is in Crist. 2 Corinthians 11:4 For if he that cometh, prechith anothir Crist, whom we precheden not, or if ye taken another spirit, whom ye token not, or another gospel, which ye resseyueden not, riytli ye schulden suffre.
of his equality with the chief Apostles,
2 Corinthians 11:5 For Y wene that Y haue don no thing lesse than the grete apostlis. 2 Corinthians 11:6 For thouy Y be vnlerud in word, but not in kunnyng. For in alle thingis Y am open to you.
of his preaching the Gospel to them freely, and without any their charge,
2 Corinthians 11:7 Or whether Y haue don synne, mekynge my silf, that ye be enhaunsid, for freli Y prechide to you the gospel of God? 2 Corinthians 11:8 Y made nakid othere chirchis, and Y took sowde to youre seruyce. 2 Corinthians 11:9 And whanne Y was among you, and hadde nede, Y was chargeouse to no man; for britheren that camen fro Macedonye, fulfilliden that that failide to me. And in alle thingis Y haue kept, and schal kepe me with outen charge to you. 2 Corinthians 11:10 The treuthe of Crist is in me; for this glorie schal not be brokun in me in the cuntreis of Acaie. 2 Corinthians 11:11 Whi? for Y loue not you? God woot. 2 Corinthians 11:12 For that that Y do, and that Y schal do, is that Y kitte awei the occasioun of hem that wolen occasioun, that in the thing, in which thei glorien, thei be foundun as we.
shewing that he was not inferior to those deceitful workers in any legal prerogative,
2 Corinthians 11:13 For siche false apostlis ben trecherouse werk men, and transfiguren hem in to apostlis of Crist. 2 Corinthians 11:14 And no wondur, for Sathanas hym silf transfigurith hym in to an aungel of light. 2 Corinthians 11:15 Therfor it is not greet, if hise mynystris ben transfigurid as the mynystris of riytwisnesse, whos ende schal be aftir her werkis. 2 Corinthians 11:16 Eft Y seie, lest ony man gesse me to be vnwise; ellis take ye me as vnwise, that also Y haue glorie a litil what. 2 Corinthians 11:17 That that Y speke, Y speke not aftir God, but as in vnwisdom, in this substaunce of glorie. 2 Corinthians 11:18 For many men glorien aftir the fleisch, and Y schal glorie. 2 Corinthians 11:19 For ye suffren gladli vnwise men, whanne ye silf ben wise. 2 Corinthians 11:20 For ye susteynen, if ony man dryueth you in to seruage, if ony man deuourith, if ony man takith, if ony man is enhaunsid, if ony man smytith you on the face. 2 Corinthians 11:21 Bi vnnoblei Y seie, as if we weren sike in this parti. In what thing ony man dar, in vnwisdom Y seie, and Y dar. 2 Corinthians 11:22 Thei ben Ebrewis, and Y; thei ben Israelitis, and Y; thei ben the seed of Abraham, and Y;
and in the service of Christ, and in all kind of sufferings for his ministry, far superior.
2 Corinthians 11:23 thei ben the mynystris of Crist, and Y. As lesse wise Y seie, Y more; in ful many trauelis, in prisouns more plenteuousli, in woundis aboue maner, in deethis ofte tymes. 2 Corinthians 11:24 Y resseyuede of the Jewis fyue sithis fourti strokis oon lesse; 2 Corinthians 11:25 thries Y was betun with yerdis, onys Y was stonyd, thries Y was at shipbreche, a nyyt and a dai Y was in the depnesse of the see; 2 Corinthians 11:26 in weies ofte, in perelis of floodis, in perelis of theues, in perelis of kyn, in perelis of hethene men, in perelis in citee, in perelis in desert, in perelis in the see, in perelis among false britheren, in trauel and nedynesse, 2 Corinthians 11:27 in many wakyngis, in hungur, in thirst, in many fastyngis, in coold and nakidnesse. 2 Corinthians 11:28 Withouten tho thingis that ben withoutforth, myn ech daies trauelyng is the bisynesse of alle chirchis. 2 Corinthians 11:29 Who is sijk, and Y am not sijk? who is sclaundrid, and Y am not brent? 2 Corinthians 11:30 If it bihoueth to glorie, Y schal glorie in tho thingis that ben of myn infirmyte. 2 Corinthians 11:31 God and the fadir of oure Lord Jhesu Crist, that is blessid in to worldis, woot that Y lie not. 2 Corinthians 11:32 The preuost of Damask, of the kyng of the folk Arethe, kepte the citee of Damascenes to take me; 2 Corinthians 11:33 and bi a wyndow in a leep Y was latun doun bi the wal, and so Y ascapide hise hondis.