Wycliffe Bible

2 Corinthians 12

For commending of his apostleship, though he might glory of his wonderful revelations,

2 Corinthians 12:1 If it bihoueth to haue glorie, it spedith not; but Y schal come to the visiouns and to the reuelaciouns of the Lord. 2 Corinthians 12:2 I woot a man in Crist that bifore fouretene yeer; whether in bodi, whether out of the bodi, Y woot not, God woot; that siche a man was rauyschid til to the thridde heuene. 2 Corinthians 12:3 And Y woot sich a man; whether in bodi, or out of bodi, Y noot, God woot; 2 Corinthians 12:4 that he was rauyschid in to paradis, and herde preuy wordis, whiche it is not leueful to a man to speke. 2 Corinthians 12:5 For such maner thingis Y schal glorie; but for me no thing, no but in myn infirmytees. 2 Corinthians 12:6 For if Y schal wilne to glorie, Y schal not be vnwijs, for Y schal seie treuthe; but Y spare, lest ony man gesse me ouer that thing that he seeth in me, or herith ony thing of me. 2 Corinthians 12:7 And lest the greetnesse of reuelaciouns enhaunse me in pride, the pricke of my fleisch, an aungel of Sathanas, is youun to me, that he buffate me. 2 Corinthians 12:8 For whiche thing thries Y preiede the Lord, that it schulde go awei fro me.

yet he rather chooseth to glory of his infirmities,

2 Corinthians 12:9 And he seide to me, My grace suffisith to thee; for vertu is parfitli maad in infirmyte. Therfor gladli Y schal glorie in myn infirmytees, that the vertu of Crist dwelle in me. 2 Corinthians 12:10 For which thing Y am plesid in myn infirmytees, in dispisyngis, in nedis, in persecuciouns, in anguyschis, for Crist; for whanne Y am sijk, thanne Y am miyti.

blaming them for forcing him to this vain boasting.

2 Corinthians 12:11 Y am maad vnwitti, ye constreyneden me. For Y ouyte to be comendid of you; for Y dide no thing lesse than thei that ben apostlis aboue maner. 2 Corinthians 12:12 Thouy Y am nouyt, netheles the signes of myn apostilhed ben maad on you, in al pacience, and signes, and grete wondris, and vertues. 2 Corinthians 12:13 And what is it, that ye hadden lesse than othere chirchis, but that Y my silf greuyde you not? Foryyue ye to me this wrong.

He promiseth to come to them again: but yet altogether in the affection of a father,

2 Corinthians 12:14 Lo! this thridde tyme Y am redi to come to you, and Y schal not be greuous to you; for Y seke not tho thingis that ben youre, but you. For nether sones owen to tresoure to fadir and modir, but the fadir and modir to the sones. 2 Corinthians 12:15 For Y schal yyue moost wilfuli, and Y my silf schal be youun aboue for youre soulis; thouy Y more loue you, and be lesse louyd. 2 Corinthians 12:16 But be it; Y greuyde not you, but whanne Y was sutil, Y took you with gile. 2 Corinthians 12:17 Whether Y disseyuede you bi ony of hem, which Y sente to you? 2 Corinthians 12:18 Y preiede Tite, and Y sente with hym a brother. Whether Tite begilide you? whether we yeden not in the same spirit? whether not in the same steppis? 2 Corinthians 12:19 Sum tyme ye wenen, that we schulen excuse vs anentis you. Bifor God in Crist we speken; and, moost dere britheren, alle thingis for youre edifiyng.

although he feareth he shall to his grief find many offenders and publick disorders there.

2 Corinthians 12:20 But Y drede, lest whanne Y come, Y schal fynde you not suche as Y wole, and Y schal be foundun of you suche as ye wolen not; lest perauenture stryuyngis, enuyes, sturdynessis, dissenciouns and detraccions, preuy spechis of discord, bolnyngis bi pride, debatis ben among you; 2 Corinthians 12:21 and lest eftsoone whanne Y come, God make me low anentis you, and Y biweile many of hem, that bifor synneden, and diden not penaunce on the vnclennesse, and fornicacioun, and vnchastite, that thei han don.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!