Wycliffe Bible

2 Corinthians 13

He threateneth severity, and the power of his apostleship against obstinate sinners.

2 Corinthians 13:1 Lo! this thridde tyme Y come to you, and in the mouth of tweyne or of thre witnessis euery word schal stonde. 2 Corinthians 13:2 Y seide bifor, and seie bifor, as present twies, and now absent, to hem that bifor han synned, and to alle othere; for if Y come eftsoone, Y schal not spare. 2 Corinthians 13:3 Whether ye seken the preef of that Crist, that spekith in me, which is not feble in you? 2 Corinthians 13:4 For thouy he was crucified of infirmyte, but he lyueth of the vertu of God. For also we ben sijk in hym, but we schulen lyue with him of the vertu of God in vs.

And advising them to a trial of their faith,

2 Corinthians 13:5 Asaie you silf, if ye ben in the feith; ye you silf preue. Whether ye knowen not you silf, for Crist Jhesu is in you? but in happe ye ben repreuable. 2 Corinthians 13:6 But Y hope, that ye knowen, that we ben not repreuable.

and to a reformation of their sins before his coming,

2 Corinthians 13:7 And we preien the Lord, that ye do no thing of yuel; not that we seme preued, but that ye do that that is good, and that we ben as repreuable. 2 Corinthians 13:8 For we moun no thing ayens treuthe, but for the treuthe. 2 Corinthians 13:9 For we ioyen, whanne we ben sijk, but ye ben myyti; and we preien this thing, youre perfeccioun. 2 Corinthians 13:10 Therfor Y absent write these thingis, that Y present do not hardere, bi the powere, which the Lord yaf to me in to edificacioun, and not in to youre distruccioun.

he concludeth his epistle with a general exhortation and a prayer.

2 Corinthians 13:11 Britheren, hennus forward ioye ye, be ye perfit, excite ye; vndurstonde ye the same thing; haue ye pees, and God of pees and of loue schal be with you. 2 Corinthians 13:12 Grete ye wel togidere in hooli cos. 2 Corinthians 13:13 Alle hooli men greten you wel. 2 Corinthians 13:14 The grace of oure Lord Jhesu Crist, and the charite of God, and the comynyng of the Hooli Gost, be with you alle. Amen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!