Wycliffe Bible

2 Kings 14

Amaziah his good reign.

2 Kings 14:1 Yn the secounde yeer of Joas, sone of Joachas, kyng of Israel, Amasie, sone of Joas, kyng of Juda, regnyde. 2 Kings 14:2 Amasie was of fyue and twenti yeer, whanne he bigan to regne; forsothe he regnyde in Jerusalem nyne and twenti yeer; the name of his modir was Joade of Jerusalem. 2 Kings 14:3 And he dide riytfulnesse bifor the Lord, netheles not as Dauid, his fadir; he dide bi alle thingis whiche Joas, his fadir, dide, no but this oonli, 2 Kings 14:4 that he dide not awei hiy thingis; for yit the puple made sacrifice, and brent encence in hiy thingis.

His justice on the murderers of his father.

2 Kings 14:5 And whanne he hadde gete the rewme, he smoot hise seruauntis, that hadden killid the kyng, his fadir; 2 Kings 14:6 but he killide not the sones of hem that hadden slayn the kyng, bi that that is writun in the book of the lawe of Moyses, as the Lord comaundide to Moises, and seide, Fadris schulen not die for the sones, nethir the sones for the fadris, but eche man schal die in his owne synne.

His victory over Edom.

2 Kings 14:7 He smoot Edom in the valey of makyngis of salt, he smoot ten thousynde, and took the Stoon in batel; and he clepide the name therof Jethel, til in to present dai.

Amaziah, provoking Jehoash, is overcome and spoiled.

2 Kings 14:8 Thanne Amasie sente messangeris to Joas, sone of Joachaz, sone of Hieu, kyng of Israel, and seide, Come thou, and se we vs in batel. 2 Kings 14:9 And Joas, kyng of Israel, sente ayen to Amasie, kyng of Juda, and seide, The cardue, that is, a low eerbe, and ful of thornes, of the Liban sente to the cedre, which is in the Liban, and seide, Yyue thi douytir wijf to my sone; and the beestis of the forest, that ben in the Liban, passiden, and tredden doun the cardue. 2 Kings 14:10 Thou hast smyte, and haddist the maistri on Edom, and thin herte hath reisid thee; be thou apaied with glorie, and sitte in thin hows; whi excitist thou yuel, that thou falle, and Juda with thee? 2 Kings 14:11 And Amasie assentide not to be in pees; and Joas, kyng of Israel, stiede, and he and Amasie, kyng of Juda, sien hem silf in Bethsames, a citee of Juda. 2 Kings 14:12 And Juda was smytun bifor Israel; and thei fledden ech man in to his tabernaclis. 2 Kings 14:13 Sotheli Joas, kyng of Israel, took in Bethsames Amasie, kyng of Juda, the sone of Joas, sone of Ocozie, and brouyte hym in to Jerusalem; and he brak the wal of Jerusalem, fro the yate of Effraym til to the yate of the corner, bi foure hundrid cubitis. 2 Kings 14:14 And he took al the gold and siluer, and alle vessels, that weren foundun in the hows of the Lord, and in the tresours of the kyng; and he took ostagis, and turnede ayen in to Samarie.

2 Kings 14:15 Sotheli the resydue of wordis of Joas, whiche he dide, and his strengthe, bi which he fauyt ayens Amasie, kyng of Juda, whether these ben not writun in the book of wordis of dayes of the kyngis of Israel?

Jeroboam succeedeth Jehoash.

2 Kings 14:16 And Joas slepte with hise fadris, and was biried in Samarie with the kyngis of Israel; and Jeroboam, his sone, regnede for hym.

Amaziah slain by a conspiracy.

2 Kings 14:17 Forsothe Amasie, sone of Joas, kyng of Juda, lyuede fyue and twenti yeer, after that Joas, sone of Joachaz, kyng of Israel, was deed. 2 Kings 14:18 Forsothe the residue of wordis of Amasie, whether these ben not writun in the book of wordis of daies of the kyngis of Juda? 2 Kings 14:19 And sweryng togidir in Jerusalem was maad ayens hym, and he fledde in to Lachis; and thei senten aftir hym in to Lachis, and killiden hym there. 2 Kings 14:20 And thei baren out hym in horsis, and he was biried in Jerusalem with hise fadris, in the citee of Dauid.

Azariah succeedeth him.

2 Kings 14:21 Forsothe al the puple of Juda took Azarie, hauynge sixtene yeer; and maden hym king for his fadir Amasie. 2 Kings 14:22 And he bildide Ahila, and restoride it to Juda, after that the kyng slepte with hise fadris.

Jeroboam's wicked reign.

2 Kings 14:23 In the fiftenethe yeer of Amasie, sone of Joas, kyng of Juda, Jeroboam, sone of Joas, kyng of Israel, regnyde in Samarie oon and fourti yeer; 2 Kings 14:24 and dide that, that is yuel bifor the Lord; he yede not awei fro alle the synnes of Jeroboam, sone of Nabath, that made Israel to do synne. 2 Kings 14:25 He restoride the termes of Israel, fro the entryng of Emath til to the see of wildirnesse, bi the word of the Lord God of Israel, which he spak bi his seruaunt Jonas, sone of Amathi, bi Jonas, the prophete, that was of Jeth, which Jeth is in Ophir. 2 Kings 14:26 For the Lord siy the ful bittir turment of Israel, and that thei weren wastid til to the closid men of prisoun, and the laste men, and noon was that helpide Israel. 2 Kings 14:27 And the Lord spak not, that he schulde do awei Israel fro vndur heuene, but he sauyde hem in the hond of Jeroboam, sone of Joas.

2 Kings 14:28 Forsothe the residue of wordis of Jeroboam, and alle thingis whiche he dide, and the strengthe of hym, bi which he fauyt, and hou he restoride Damask, and Emath of Juda, in Israel, whether these ben not wrytun in the book of wordis of daies of the kyngis of Israel?

Zachariah succeedeth him.

2 Kings 14:29 And Jeroboam slepte with hise fadris, the kyngis of Israel; and Azarie, his sone, regnede for hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!