2 Timothy 1
Paul's love to Timothy, and the unfeigned faith which was in Timothy himself, his mother, and grandmother.
2 Timothy 1:1 Poul, apostle of Jhesu Crist, bi the wille of God, bi the biheest of lijf that is in Crist Jhesu, 2 Timothy 1:2 to Tymothe, his moost dereworthe sone, grace, merci, and pees of God the fadir, and of Jhesu Crist, oure Lord. 2 Timothy 1:3 I do thankyngis to my God, to whom Y serue fro my progenytouris in clene conscience, that with outen ceessyng Y haue mynde of thee in my preyeris, 2 Timothy 1:4 niyt and dai, desirynge to se thee; hauynge mynde of thi teeris, that Y be fillid with ioye. 2 Timothy 1:5 And Y bithenke of that feith, that is in thee not feyned, which also dwellide firste in thin aunte Loide, and in thi modir Eunyce. And Y am certeyn, that also in thee.
He is exhorted to stir up the gift of God which was in him,
2 Timothy 1:6 For which cause Y moneste thee, that thou reise ayen the grace of God, that is in thee bi the settyng on of myn hondis. 2 Timothy 1:7 For whi God yaf not to vs the spirit of drede, but of vertu, and of loue, and of sobrenesse.
to be stedfast, and patient in persecution,
2 Timothy 1:8 Therfor nyl thou schame the witnessyng of oure Lord Jhesu Crist, nether me, his prisoner; but trauele thou togidere in the gospel bi the vertu of God; 2 Timothy 1:9 that delyueride vs, and clepide with his hooli clepyng, not after oure werkis, but bi his purpos and grace, that is youun in Crist Jhesu bifore worldli tymes; 2 Timothy 1:10 but now it is opyn bi the liytnyng of oure sauyour Jhesu Crist, which destriede deth, and liytnede lijf and vncorrupcioun bi the gospel. 2 Timothy 1:11 In which Y am set a prechour and apostle, and maistir of hethene men. 2 Timothy 1:12 For which cause also Y suffre these thingis; but Y am not confoundid. For Y woot to whom Y haue bileuyd, and Y am certeyne that he is miyti for to kepe that is take to my keping in to that dai.
and to persist in the form and truth of that doctrine which he had learned of him.
2 Timothy 1:13 Haue thou the fourme of hoolsum wordis, whiche thou herdist of me in feith and loue in Crist Jhesu. 2 Timothy 1:14 Kepe thou the good takun to thi kepyng bi the Hooli Goost, that dwellith in vs.
Phygellus and Hermogenes, and such like, are noted, and Onesiphorus is highly commended.
2 Timothy 1:15 Thou wost this, that alle that ben in Asie ben turnyd awey fro me, of whiche is Figelus and Ermogenes. 2 Timothy 1:16 The Lord yyue merci to the hous of Onesyforus, for ofte he refreischide me, and schamyde not my chayne. 2 Timothy 1:17 But whanne he cam to Rome, he souyte me bisili, and foond. 2 Timothy 1:18 The Lord yyue to hym to fynde merci of God in that dai. And hou grete thingis he mynystride to me at Effesi, thou knowist betere.