Wycliffe Bible

Acts 27

Paul shipping toward Rome,

Acts 27:1 But as it was demed hym to schippe into Ytalie, thei bitoken Poul with othere kepers to a centurien, bi name Julius, of the cumpeny of knyytis of the emperoure. Acts 27:2 And we wenten vp in to the schip of Adrymetis, and bigunnen to seile, and weren borun aboute the placis of Asie, while Aristark of Macedonye, Tessalonycence, dwellide stille with vs. Acts 27:3 And in the dai suynge, we camen to Sydon; and Julius tretyde curteisli Poul, and suffride to go to frendis, and do his nedis. Acts 27:4 And whanne we remouede fro thennus, we vndurseiliden to Cipre, for that wyndis weren contrarie. Acts 27:5 And we seiliden in the see of Silicie and Pamfilie, and camen to Listris, that is Licie. Acts 27:6 And there the centurien foond a schip of Alisaundre, seilinge in to Ytalie, and puttide vs ouer in to it. Acts 27:7 And whanne in many daies we seilden slowli, and vnnethe camen ayens Guydum, for the winde lettide vs, we seiliden to Crete, bisidis Salomona. Acts 27:8 And vnnethe we seilden bisidis, and camen into a place, that is clepid of good hauen, to whom the cite Tessala was niy. Acts 27:9 And whanne miche time was passid, and whanne seiling thanne was not sikir, for that fasting was passid, Poul coumfortide hem,

foretelleth of the danger of the voyage,

Acts 27:10 and seide to hem, Men, Y se that seiling bigynneth to be with wrong and myche harm, not oonli of charge and of the schip, but also of oure lyues.

but is not believed.

Acts 27:11 But the centurien bileuede more to the gouernour, and to the lord of the schip, thanne to these thingis that weren seid of Poul. Acts 27:12 And whanne the hauene was not able to dwelle in wynter, ful many ordeyneden counsel to seile fro thennus, if on ony maner thei miyten come to Fenyce, to dwelle in wynter at the hauene of Crete, which biholdith to Affrik, and to Corum. Acts 27:13 And whanne the south blew, thei gessiden hem to holde purpos; and whanne thei hadden removed fro Asson, thei seiliden to Crete.

They are tossed to and fro with tempest,

Acts 27:14 And not aftir miche, the wynde Tifonyk, that is clepid north eest, was ayens it. Acts 27:15 And whanne the schip was rauyschid, and myyte not enforse ayens the wynde, whanne the schip was youun to the blowynges of the wynde, we weren borun with cours into an ile, Acts 27:16 that is clepid Canda; and vnethe we miyten gete a litil boot. Acts 27:17 And whanne this was takun vp, thei vsiden helpis, girdinge togidere the schippe; and dredden, lest thei schulden falle into sondi placis. And whanne the vessel was vndur set, so thei weren borun. Acts 27:18 And for we weren throwun with strong tempest, in the dai suynge thei maden casting out. Acts 27:19 And the thridde dai with her hoondis thei castiden awei the instrumentis of the schip. Acts 27:20 And whanne the sunne nether the sterris weren seie bi many daies, and tempest not a litil neiyede, now al the hope of oure helthe was don awei. Acts 27:21 And whanne myche fasting hadde be, thanne Poul stood in the myddil of hem, and seide, A! men, it bihofte, whanne ye herden me, not to haue take awei the schip fro Crete, and gete this wronge and casting out.

assured of their safety,

Acts 27:22 And now Y counsel you to be of good coumfort, for los of no persoone of you schal be, outakun of the schip. Acts 27:23 For an aungel of God, whos Y am, and to whom Y serue, stood niy to me in this niyt, and seide, Poul, drede thou not; Acts 27:24 it bihoueth thee to stonde bifore the emperour. And lo! God hath youun to thee alle that ben in the schip with thee. Acts 27:25 For which thing, ye men, be ye of good coumfort; for Y bileue to my God, that so it schal be, as it is seid to me. Acts 27:26 And it bihoueth vs to come into sum yle. Acts 27:27 But aftirward that in the fourtenthe dai the niyt cam on vs seilinge in the stony see, aboute mydniyt the schipmen supposiden sum cuntre to appere to hem. Acts 27:28 And thei kesten doun a plommet, and founden twenti pasis of depnesse. And aftir a litil thei weren departid fro thennus, and foundun fiftene pasis. Acts 27:29 And thei dredden, lest we schulden haue fallun in to scharp placis; and fro the last parti of the schip thei senten foure ankeris, and desiriden that the dai hadde be come. Acts 27:30 And whanne the schipmen souyten to fle fro the schip, whanne thei hadden sent a litil boot in to the see, vndur colour as thei schulden bigynne to stretche forth the ankeris fro the formere part of the schip, Acts 27:31 Poul seide to the centurien and to the knyytis, But these dwellen in the schip, ye moun not be maad saaf. Acts 27:32 Thanne knyytis kittiden awei the cordis of the litil boot, and suffriden it to falle awei. Acts 27:33 And whanne the dai was come, Poul preiede alle men to take mete, and seide, The fourtenthe dai this dai ye abiden, and dwellen fastinge, and taken no thing. Acts 27:34 Wherfor Y preie you to take mete, for youre helthe; for of noon of you the heer of the heed schal perische. Acts 27:35 And whanne he hadde seid these thingis, Poul took breed, and dide thankyngis to God in the siyt of alle men; and whanne he hadde brokun, he bigan to eete. Acts 27:36 And alle weren maad of betere coumfort, and thei token mete. Acts 27:37 And we weren alle men in the schip, two hundrid seuenti and sexe. Acts 27:38 And thei weren fillid with mete, and dischargiden the schip, and castiden whete in to the see. Acts 27:39 And whanne the dai was comun, thei knewen no lond; and thei bihelden an hauene that hadde a watir bank, in to which thei thouyten, if thei miyten, to bringe vp the schip. Acts 27:40 And whanne thei hadden take vp the ankeris, thei bitoken hem to the see, and slakiden togidir the ioyntours of gouernails. And with a litil seil lift vp, bi blowyng of the wynde thei wenten to the bank.

and suffer shipwreck;

Acts 27:41 And whanne we felden into a place of grauel gon al aboute with the see, thei hurtliden the schip. And whanne the formere part was fitchid, it dwellide vnmouable, and the last part was brokun of strengthe of the see. Acts 27:42 And counsel of the kniytis was, to sle men that weren in warde, lest ony schulde ascape, whanne he hadde swymmed out. Acts 27:43 But the centurien wolde kepe Poul, and forbede it to be don. And he comaundide hem that miyte swymme, to go in to the see, and scape, and go out to the loond.

yet all come safe to land.

Acts 27:44 And thei baren summe othere on boordis, summe on tho thingis that weren of the schip. And so it was don, that alle men ascapiden to the lond.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!