Wycliffe Bible

Deuteronomy 14

God's children are not to disfigure themselves in mourning.

Deuteronomy 14:1 Be ye the sones of youre Lord God; ye schulen not kitte you, nether ye schulen make ballidnesse, Deuteronomy 14:2 on a deed man, for thou art an hooli puple to thi Lord God, and he chees thee that thou be to hym in to a special puple, of alle folkis that ben on erthe.

What may, and what may not be eaten,

Deuteronomy 14:3 Ete ye not tho thingis that ben vncleene.

of beasts,

Deuteronomy 14:4 This is a beeste which ye schulen ete; an oxe, and a scheep, and a goet, an hert, Deuteronomy 14:5 a capret, a wielde oxe, tregelafun, that is, a beeste in parti lijk a buk of geet, and in parti liik an hert, a figarde, an ostrich, a camelioun, that is, a beeste lijk in the heed to a camel, and hath white spottis in the bodi as a parde, and is lijk an hors in the necke, and in the feet is lijc a wilde oxe, and a parde. Deuteronomy 14:6 Ye schulen ete ech beeste that departith the clee in to twei partis, and chewith code. Deuteronomy 14:7 Sotheli ye schulen not ete these beestis, of these that chewen code, and departen not the clee; a camel, an hare, and a cirogrille, that is, a beeste ful of prickis, and is more than an irchoun; for tho chewen code, and departen not the clee, tho schulen be vncleene to you; Deuteronomy 14:8 also a swyn, for it departith the clee, and chewith not code, schal be vncleene; ye schulen not ete the fleischis of tho, and ye schulen not touche the deed bodies.

of fishes,

Deuteronomy 14:9 Ye schulen ete these thingis, of alle that dwellen in watris; ete ye tho thingis that han fynnes and scalis; Deuteronomy 14:10 ete ye not tho thingis that ben with out fynnes and scalis, for tho ben vncleene.

of fowls.

Deuteronomy 14:11 Ete ye alle clene briddis; Deuteronomy 14:12 ete ye not vncleene briddis, that is, an egle, and a gripe, Deuteronomy 14:13 and an aliete, ixon, that is, a whijt brid lesse than a vultur, and is of the kynde of vultris, and a vultur, and a kite bi his kynde, Deuteronomy 14:14 and al thing of rauenys kynde, Deuteronomy 14:15 and a strucioun, and a nyyt crowe, and a lare, Deuteronomy 14:16 and an hauk bi his kynde, a fawcun, Deuteronomy 14:17 and a swan, and a siconye, and a dippere, a pursirioun, and a reremous, a cormeraunt, Deuteronomy 14:18 and a caladrie, alle in her kynde; also a lapwynke and a backe. Deuteronomy 14:19 And al thing that crepith, and hath fynnes, schal be vncleene, and schal not be etun. Deuteronomy 14:20 Ete ye al thing that is cleene; sotheli what euer thing is deed bi it silf, ete ye not therof.

That which dieth of itself may not be eaten.

Deuteronomy 14:21 Yyue thou to the pilgrym which is with ynne thi yatis, that he ete, ether sille thou to hym, for thou art the hooli puple of thi Lord God. Thou schalt not sethe a kyde in the mylk of his modir.

Tithes of divine service.

Deuteronomy 14:22 Thou schalt departe the tenthe part of alle thi fruytis that comen forth in the lond bi ech yeer;

Tithes and firstlings of rejoicing before the LORD.

Deuteronomy 14:23 and thou schal ete in the siyt of thi Lord God, in the place which he chees, that his name be clepid therynne; thou schalt offre the tithe of thi wheete, wyn, and oile, and the firste gendryd thingis of thi droues, and scheep, that thou lerne to drede thi Lord God in al tyme. Deuteronomy 14:24 Sotheli whanne the wei is lengere, and the place which thi Lord God chees is fer, and he hath blessid thee, and thou maist not bere alle these thingis to that place, Deuteronomy 14:25 thou schalt sille alle thingis, and schalt turne in to prijs, and thou schalt bere in thin hond, and thou schalt go to the place which thi Lord God chees; Deuteronomy 14:26 and thou schalt bie of the same money what euer thing plesith to thee, ethir of droues, ether of scheep; also thou schalt bie wyn, and sidur, and al thing that thi soule desirith; and thou schalt ete bifor thi Lord God, and thou schalt make feeste, Deuteronomy 14:27 thou, and thin hows, and the dekene which is withynne thi yatis; be thou war lest thou forsake hym, for he hath not other part in possessioun.

The third year's tithe of alms and charity.

Deuteronomy 14:28 In the thridde yeer thou schalt departe another dyme of alle thingis that growen to thee in that yeer, and thou schalt kepe withynne thi yatis. Deuteronomy 14:29 And the dekene schal come, whych hath noon other part nether possessioun with thee, and the pilgrym, and the fadirles, ether modirles child, and widue, that ben withynne thi yatis, schulen come, and schulen ete, and be fillid, that thi Lord God blesse thee, in alle werkis of thin hondis whiche thou schalt do.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!