Wycliffe Bible

Deuteronomy 22

Of humanity toward brethren.

Deuteronomy 22:1 Thou schalt not se thi brotheris oxe, ethir scheep, errynge, and schalt passe, but thou schalt brynge ayen to thi brother. Deuteronomy 22:2 And if thi brother is not nyy, nether thou knowist hym, thou schalt lede tho beestis in to thin hows, and tho schulen be at thee, as long as thi brother sekith tho, and til he resseyue hem. Deuteronomy 22:3 In lijk maner thou schalt do of the asse, and clooth, and of ech thing of thi brother, that was lost; if thou fyndist it, be thou not necgligent as of an alien thing.

Deuteronomy 22:4 If thou seest that the asse, ethir oxe of thi brothir felde in the weye, thou schalt not dispise, but thou schalt reise with hym.

The sex is to be distinguished by apparel.

Deuteronomy 22:5 A womman schal not be clothid in a mannys clooth, nether a man schal vse a wommannys cloth; for he that doith thes thingis is abhomynable bifor God. If thou goist in the weie,

The dam is not to be taken with her young ones.

Deuteronomy 22:6 and fyndist a nest of a brid in a tree, ethir in the erthe, and fyndist the modir sittynge on the briddis ethir eyrun, thou schalt not holde the modir with the children, but thou schalt suffre the modir go, Deuteronomy 22:7 and schalt holde the sones takun, that it be wel to thee, and thou lyue in long tyme. Whanne thou bildist a newe hows,

The house must have battlements.

Deuteronomy 22:8 thou schalt make a wal of the roof bi cumpas, lest blood be sched out in thin hows, and thou be gilti, if another man slidith, and falle in to a dich.

Confusion is to be avoided.

Deuteronomy 22:9 Thou schalt not sowe thi vyner of another seed, lest bothe the seed which thou hast sowe, and tho thingis that comen forth of the vyner, ben halewid togidere.

Deuteronomy 22:10 Thou schalt not ere with an oxe and asse togidere.

Deuteronomy 22:11 Thou schalt not be clothid in a cloth, which is wouun togidir of wolle and of flex.

Fringes upon the vesture.

Deuteronomy 22:12 Thou schalt make litle cordis bi foure corneris in the hemmys of thi mentil, with which thou art hilid.

The punishment of him that slandereth his wife.

Deuteronomy 22:13 If a man weddith a wijf, and aftirward hatith hir, Deuteronomy 22:14 and sekith occasiouns bi which he schal forsake hir, and puttith ayens hir the werste name, and seith, Y haue take this wijf, and Y entride to hir, and Y foond not hir virgyn; the fadir and modir of hir schulen take Deuteronomy 22:15 hir, and thei schulen bere with hem the signes of her virgynyte to the eldre men of the citee, that ben in the yate; Deuteronomy 22:16 and the fadir schal seie, Y yaf my douytir wijf to this man, and for he hatith hir, he puttith to hir the werste name, Deuteronomy 22:17 that he seye, Y foond not thi douytir virgyn; and lo! these ben the signes of virgynyte of my douytir; thei schulen sprede forth a cloth bifor the eldre men of the citee. Deuteronomy 22:18 And the eldere men of that citee schulen take the man, and schulen bete hym, Deuteronomy 22:19 and ferthermore thei schulen condempne hym in an hundrid siclis of siluer, whiche he schal yyue to the fadir of the damysel, for he diffamide the werste name on a virgyn of Israel; and he schal haue hir wijf, and he schal not mowe forsake hir, in al the tyme of his lijf.

Of adultery,

Deuteronomy 22:20 That if it is soth, that he puttith ayens hir, and virgynyte is not foundun in the damysel, thei schulen caste hir out of the yatis of Deuteronomy 22:21 the hous of hir fadir; and men of that citee schulen oppresse hir with stoonys, and sche schal die, for sche dide vnleueful thing in Israel, that sche dide fornycacioun in the hows of hir fadir; and thou schalt do awey yuel fro the myddis of thee.

Deuteronomy 22:22 If a man slepith with the wijf of another man, euer eithir schal die, that is, auowter and auowtresse; and thou schalt do awey yuel fro Israel.

Deuteronomy 22:23 If a man spousith a damysel virgyn, and a man fyndith hir in the citee, and doith letcherie with hir, Deuteronomy 22:24 thou schalt lede euer eithir to the yate of that citee, and thei schulen be oppressid with stoonus; the damysel schal be stonyd, for sche criede not, whanne sche was in the citee; the man schal be stonyd, for he made low the wijf of his neiybore; and thou schalt do awei yuel fro the myddis of thee.

of rape,

Deuteronomy 22:25 Forsothe if a man fyndith in the feeld a damysel, which is spousid, and he takith, and doith letcherie with hir, he aloone schal die; Deuteronomy 22:26 the damysel schal suffre no thing of yuel, nethir is gilti of deeth; for as a theef risith ayens his brothir, and sleeth his lijf, so and the damysel suffride; sche was aloone in the feeld, Deuteronomy 22:27 sche criede, and noon was present, that schulde delyuer hir.

and of fornication.

Deuteronomy 22:28 If a man fyndith a damysel virgyn that hath no spowse, and takith, and doith letcherie with hir, and the thing cometh to the doom, Deuteronomy 22:29 he that slepte with hir schal yyue to the fadir of the damysel fifti siclis of siluer, and he schal haue hir wijf, for he made hir low; he schal not mow forsake hir, in alle the daies of his lijf.

Incest.

Deuteronomy 22:30 A man schal not take the wijf of his fadir, nethir he schal schewe the hilyng of hir.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!