Wycliffe Bible

Deuteronomy 34

Moses from mount Nebo vieweth the land.

Deuteronomy 34:1 Therfor Moyses stiede fro the feeldi places of Moab on the hil of Nebo, in to the cop of Fasga, ayens Gerico. And the Lord schewide to hym al the lond of Galaad til to Dan, Deuteronomy 34:2 and al Neptalym, and the lond of Effraym and of Manasses, and al the lond of Juda, til to the laste see; and the south part, Deuteronomy 34:3 and the breede of the feeld of Jerico, of the citee of Palmes til to Segor. Deuteronomy 34:4 And the Lord seide to hym, This is the lond for which Y swoor to Abraham, Isaac, and Jacob; and Y seide, Y schal yyue it to thi seed; thou hast seyn it with thin iyen, and thou schalt not passe to it.

He dieth there.

Deuteronomy 34:5 And Moyses, the seruaunt of the Lord, was deed there, in the lond of Moab, for the Lord comaundide.

His burial.

Deuteronomy 34:6 And the Lord biriede hym in a valey of the lond of Moab, ayens Fegor, and no man knewe his sepulcre til in to present day.

His age.

Deuteronomy 34:7 Moises was of an hundrid and twenti yeer whanne he diede; his iye dasewide not, nethir hise teeth weren stirid.

Thirty days' mourning for him.

Deuteronomy 34:8 And the sones of Israel biwepten hym thretti daies in the feeldi places of Moab; and the daies of weilyng of men bymorenynge Moises weren fillid.

Joshua succeedeth him.

Deuteronomy 34:9 Forsothe Josue, the sone of Nun, was fillid with the spyrit of wisdom, for Moises settide hise hondis on hym; and the sones of Israel obeieden to Josue, and diden as the Lord comaundide to Moises.

The praise of Moses.

Deuteronomy 34:10 And a profete roos no more in Israel as Moises, whom the Lord knewe face to face, Deuteronomy 34:11 in alle myraclis, and grete wondris, whiche the Lord sente bi hym, that he schulde do in the lond of Egipt to Farao, and alle hise seruauntis, and to al the lond of hym, Deuteronomy 34:12 and al strong hond, and the grete merueylis, whiche Moyses dide bifor al Israel.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!