Wycliffe Bible

Ecclesiastes 11

Directions for charity.

Ecclesiastes 11:1 Sende thi breed on watris passynge forth, for aftir many tymes thou schalt fynde it. Ecclesiastes 11:2 Yyue thou partis seuene, and also eiyte; for thou woost not, what yuel schal come on erthe. Ecclesiastes 11:3 If cloudis ben filled, tho schulen schede out reyn on the erthe; if a tre fallith doun to the south, ether to the north, in what euer place it fallith doun, there it schal be. Ecclesiastes 11:4 He that aspieth the wynd, sowith not; and he that biholdith the cloudis, schal neuere repe. Ecclesiastes 11:5 As thou knowist not, which is the weye of the spirit, and bi what resoun boonys ben ioyned togidere in the wombe of a womman with childe, so thou knowist not the werkis of God, which is makere of alle thingis. Ecclesiastes 11:6 Eerli sowe thi seed, and thin hond ceesse not in the euentid; for thou woost not, what schal come forth more, this ethir that; and if euer eithir cometh forth togidere, it schal be the betere.

Death in life,

Ecclesiastes 11:7 The liyt is sweet, and delitable to the iyen to se the sunne. Ecclesiastes 11:8 If a man lyueth many yeeris, and is glad in alle these, he owith to haue mynde of derk tyme, and of many daies; and whanne tho schulen come, thingis passid schulen be repreued of vanyte.

and the day of judgment in the days of youth, are to be thought on.

Ecclesiastes 11:9 Therfor, thou yonge man, be glad in thi yongthe, and thin herte be in good in the daies of thi yongthe, and go thou in the weies of thin herte, and in the biholdyng of thin iyen; and wite thou, that for alle these thingis God shal brynge thee in to doom. Ecclesiastes 11:10 Do thou awei ire fro thin herte, and remoue thou malice fro thi fleisch; for whi yongthe and lust ben veyne thingis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!