Wycliffe Bible

Ecclesiastes 8

Kings are greatly to be respected.

Ecclesiastes 8:1 The wisdom of a man schyneth in his cheer; and the myytieste schal chaunge his face. Ecclesiastes 8:2 I kepe the mouth of the kyng, and the comaundementis and sweryngis of God. Ecclesiastes 8:3 Haste thou not to go awei fro his face, and dwelle thou not in yuel werk. For he schal do al thing, that he wole; Ecclesiastes 8:4 and his word is ful of power, and no man mai seie to hym, Whi doist thou so? Ecclesiastes 8:5 He that kepith the comaundement of God in this lijf, schal not feele ony thing of yuel; the herte of a wijs man vndurstondith tyme and answer.

The divine providence is to be observed.

Ecclesiastes 8:6 Tyme and cesoun is to ech werk; and myche turment is of a man, Ecclesiastes 8:7 for he knowith not thingis passid, and he mai not knowe bi ony messanger thingis to comynge. Ecclesiastes 8:8 It is not in the power of man to forbede the spirit, nethir he hath power in the dai of deth, nethir he is suffrid to haue reste, whanne the batel neiyeth; nethir wickidnesse schal saue a wickid man. Ecclesiastes 8:9 I bihelde alle thes thingis, and Y yaf myn herte in alle werkis, that ben don vndur the sunne. Sum tyme a man is lord of a man, to his yuel. Ecclesiastes 8:10 Y siy wickid men biryed, which, whanne thei lyueden yit, weren in hooli place; and thei weren preisid in the citee, as men of iust werkis; but also this is vanyte. Ecclesiastes 8:11 Forsothe for the sentence is not brouyt forth soone ayens yuele men, the sones of men doon yuels with outen ony drede.

It is better with the godly in adversity, than with the wicked in prosperity.

Ecclesiastes 8:12 Netheles of that, that a synnere doith yuel an hundrid sithis, and is suffrid bi pacience, Y knew that good schal be to men dredynge God, that reuerensen his face. Ecclesiastes 8:13 Good be not to the wickid man, nethir hise daies be maad longe; but passe thei as schadewe, that dreden not the face of the Lord. Ecclesiastes 8:14 Also another vanyte is, which is don on erthe. Iust men ben, to whiche yuels comen, as if thei diden the werkis of wickid men; and wickid men ben, that ben so sikur, as if thei han the dedis of iust men; but Y deme also this moost veyn. Ecclesiastes 8:15 Therfor Y preysid gladnesse, that no good was to a man vndur the sunne, no but to ete, and drynke, and to be ioiful; and that he schulde bere awei with hym silf oneli this of his trauel, in the daies of his lijf, whiche God yaf to hym vndur the sunne.

The work of God is unsearchable.

Ecclesiastes 8:16 And Y settide myn herte to knowe wisdom, and to vndurstonde the departing, which is turned in erthe. A man is, that bi daies and niytis takith not sleep with iyen. Ecclesiastes 8:17 And Y vndurstood, that of alle the werkis of God, a man may fynde no resoun of tho thingis, that ben don vndur the sunne; and in as myche as he traueilith more to seke, bi so myche he schal fynde lesse; yhe, thouy a wijs man seith that he knowith, he schal not mow fynde.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!