Wycliffe Bible

Exodus 15

Moses' song.

Exodus 15:1 Thanne Moises song, and the sones of Israel, this song to the Lord; and thei seiden, Synge we to the Lord, for he is magnefied gloriousli; he castide doun the hors and the stiere in to the see. Exodus 15:2 My strengthe and my preisyng is the Lord; and he is maad to me in to heelthe. This is my God, and Y schal glorifie hym; the God of my fadir, and Y schal enhaunse hym. Exodus 15:3 The Lord is as a man fiyter, his name is Almiyti; Exodus 15:4 he castide doun in to the see the charis of Farao, and his oost. Hise chosun princis weren drenchid in the reed see; Exodus 15:5 the depe watris hiliden hem; thei yeden doun in to the depthe as a stoon. Exodus 15:6 Lord, thi riythond is magnyfied in strengthe; Lord, thi riythond smoot the enemye. Exodus 15:7 And in the mychilnesse of thi glorie thou hast put doun alle myn aduersaries; thou sentist thin ire, that deuouride hem as stobil. Exodus 15:8 And watris weren gaderid in the spirit of thi woodnesse; flowinge watir stood, depe watris weren gaderid in the middis of the see. Exodus 15:9 The enemy seide, Y schal pursue, and Y schal take; Y schal departe spuylis, my soule schal be fillid. I schal drawe out my swerde; myn hond schal sle hem. Exodus 15:10 Thi spirit blew, and the see hilide hem; thei weren drenchid as leed in grete watris. Exodus 15:11 Lord, who is lijk thee in stronge men, who is lijk thee? thou art greet doere in hoolynesse; ferdful, and preisable, and doynge myraclis. Exodus 15:12 Thou heldist forth thin hond, and the erthe deuouride hem; Exodus 15:13 thou were ledere in thi merci to thy puple, which thou ayen bouytist; and thou hast bore hym in thi strengthe to thin holi dwellyng place. Exodus 15:14 Puplis stieden, and weren wroothe; sorewis helden the dwelleris of Filistiym. Exodus 15:15 Thanne the pryncis of Edom weren disturblid; tremblyng held the stronge men of Moab. Exodus 15:16 Alle the dwelleris of Canaan weren starke; inward drede falle on hem, and outward drede in the greetnesse of thin arm. Be thei maad vnmouable as a stoon, til thi puple passe, Lord; til this thi puple passe, whom thou weldidist. Exodus 15:17 Thou schalt brynge hem in, and thou schalt plaunte in the hil of thin eritage; in the moost stidefast dwellyng place which thou hast wrouyt, Lord; Lord, thi seyntuarie, which thin hondis made stidefast. Exodus 15:18 The Lord schal regne in to the world and ferthere. Exodus 15:19 Forsothe Farao, a ridere, entride with his charis and knyytis in to the see, and the Lord brouyte the watris of the se on hem; sotheli the sones of Israel yeden bi the drie place, in the myddis of the see.

Exodus 15:20 Therfore Marie, profetesse, the sistir of Aaron, took a tympan in hir hond, and alle the wymmen yeden out aftir hyr with tympans and cumpanyes; Exodus 15:21 to whiche sche song bifore, and seide, Synge we to the Lord, for he is magnyfied gloriousli; he castide doun in to the see the hors and the stiere of hym.

The people want water.

Exodus 15:22 Forsothe Moises took Israel fro the reed see, and thei yeden out in to the deseert of Sur, and thei yeden thre daies bi the wildirnesse, and thei founden not watir.

The waters at Marah are bitter.

Exodus 15:23 And thei camen in to Marath, and thei miyten not drynk the watris of Marath, for tho weren bittere; wherfor and he puttide a couenable name to the place, and clepide it Mara, that is, bitternesse. Exodus 15:24 And the puple grutchide ayens Moises, and seide, What schulen we drynke?

A tree sweeteneth them.

Exodus 15:25 And Moises criede to the Lord, which schewide to hym a tre; and whanne he hadde put that tre in to watris, tho weren turned in to swetnesse. There the Lord ordeynede comaundementis and domes to the puple, and there he asayede the puple, Exodus 15:26 and seide, If thou schalt here the vois of thi Lord God, and schalt do that that is riytful byfore hym, and schalt obeie to his comaundementis, and schalt kepe alle hise heestis, Y schal not brynge yn on thee al the syknesse, which Y puttide in Egipt, for Y am thi Lord Sauyour.

At Elim are twelve wells, and seventy palm trees.

Exodus 15:27 Forsothe the sones of Israel camen in to Helym, where weren twelue wellis of watris, and seuenti palm trees, and thei settiden tentis bisidis the watris.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!