Wycliffe Bible

Exodus 31

Bezaleel and Aholiab are called and made meet for the work of the Tabernacle.

Exodus 31:1 And the Lord spak to Moyses, and seide, Lo! Exodus 31:2 Y haue clepid Beseleel bi name, the sone of Hury, sone of Hur, of the lynage of Juda; Exodus 31:3 and Y haue fillid hym with the spirit of God, with wisdom, and vndirstondyng, and kunnyng in al werk, Exodus 31:4 to fynde out what euer thing may be maad suteli, of gold, and siluer, and bras, Exodus 31:5 and marbil, and gemmes, and dyuersite of trees. Exodus 31:6 And Y haue youe to hym a felowe, Ooliab, the sone of Achisameth, of the kynrede of Dan; and Y haue put in the herte of hem the wisdom of ech lerned man, that thei make alle thingis, whiche Y comaundide to thee; Exodus 31:7 the tabernacle of boond of pees, and the arke of witnessyng, and the propiciatorie, ether table, which is theronne, and alle the vessels of the tabernacle; Exodus 31:8 also the bord, and vessels therof, the clenneste candilstike with hise vessels, and the auteris of encence, Exodus 31:9 and of brent sacrifice, and alle the vessels of hem; the greet waischyng vessel with his foundement; Exodus 31:10 hooli clothis in seruyce to Aaron prest, and to hise sones, that thei be set in her office in hooli thingis; Exodus 31:11 the oile of anoyntyng, and encence of swete smellynge spiceryes in the seyntuarie; thei schulen make alle thingis whiche Y comaundide to thee.

The observation of the Sabbath is again commanded.

Exodus 31:12 And the Lord spak to Moises, and seide, Speke thou to the sones of Israel, Exodus 31:13 and thou schalt seie to hem, Se ye that ye kepe my sabat, for it is a signe bytwixe me and you in youre generaciouns; that ye wite, that Y am the Lord, which halewe you. Exodus 31:14 Kepe ye my sabat, for it is hooli to you; he that defoulith it, schal die bi deeth, the soule of hym, that doith werk in the sabat, schal perische fro the myddis of his puple. Exodus 31:15 Sixe daies ye schulen do werk; in the seuenthe dai is sabat, hooli reste to the Lord; ech man that doith werk in this dai schal die. Exodus 31:16 The sones of Israel kepe sabat, and halewe it in her generaciouns; Exodus 31:17 it is a couenaunt euerlastinge bitwixe me and the sones of Israel, and it is a signe euerlastynge; for in sixe daies God made heuene and erthe, and in the seuenthe day he ceessid of werk.

Moses receiveth the two tables.

Exodus 31:18 And whanne siche wordis weren fillid, the Lord yaf to Moises, in the hil of Synay, twei stonun tablis of witnessyng, writun with the fyngur of God.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!