Wycliffe Bible

Galatians 5

He moveth them to stand in their liberty,

Galatians 5:1 Stonde ye therfor, and nyl ye eftsoones be holdun in the yok of seruage. Galatians 5:2 Lo! Y Poul seie to you, that if ye ben circumcidid, Crist schal no thing profite to you.

and not to observe circumcision:

Galatians 5:3 And Y witnesse eftsoones to ech man that circumcidith hym silf, that he is dettour of al the lawe to be don. Galatians 5:4 And ye ben voidid awei fro Crist, and ye that be iustified in the lawe, ye han fallen awei fro grace. Galatians 5:5 For we thoruy the spirit of bileue abiden the hope of riytfulnesse. Galatians 5:6 For in Jhesu Crist nether circumcisioun is ony thing worth, nether prepucie, but the bileue that worchith bi charite. Galatians 5:7 Ye runnen wel; who lettide you that ye obeyede not to treuthe? Galatians 5:8 Consente ye to no man; for this counsel ys not of hym that hath clepid you. Galatians 5:9 A litil souredowy apeirith al the gobet. Galatians 5:10 I trust on you in oure Lord, that ye schulden vndurstonde noon other thing. And who that disturblith you, schal bere dom, who euere he be. Galatians 5:11 And, britheren, if Y preche yit circumcisioun, what suffre Y yit persecucioun? thanne the sclaundre of the crosse is auoidid. Galatians 5:12 Y wolde that thei weren cut awei, that disturblen you.

but rather love, which is the sum of the Law.

Galatians 5:13 For, britheren, ye ben clepid in to fredom; oneli yyue ye not fredom in to occasioun of fleisch, but bi charite of spirit serue ye togidere. Galatians 5:14 For euery lawe is fulfillid in o word, Thou schalt loue thi neiybore as thi silf. Galatians 5:15 And if ye bite, and ete ech othere, se ye, lest ye be wastid ech fro othere. Galatians 5:16 And Y seie you in Crist, walke ye in spirit, and ye schulen not performe the desiris of the fleisch. Galatians 5:17 For the fleisch coueitith ayens the spirit, and the spirit ayen the fleisch; for these ben aduersaries togidere, that ye don not alle thingis that ye wolen. Galatians 5:18 That if ye be led bi spirit, ye ben not vnder the lawe.

He reckoneth up the works of the flesh,

Galatians 5:19 And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis, Galatians 5:20 witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, Galatians 5:21 manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you to fore, for thei that doon suche thingis, schulen not haue the kyngdom of God.

and the fruits of the Spirit,

Galatians 5:22 But the fruyt of the spirit is charite, ioye, pees, pacience, long abidyng, Galatians 5:23 benygnyte, goodnesse, myldenesse, feith, temperaunce, contynence, chastite; ayen suche thingis is no lawe. Galatians 5:24 And they that ben of Crist, han crucified her fleisch with vices and coueytyngis.

and exhorteth to walk in the Spirit.

Galatians 5:25 If we lyuen bi spirit, walke we bi spirit; Galatians 5:26 be we not made coueytouse of veyn glorie, stirynge ech othere to wraththe, or hauynge enuye ech to othere.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!