Wycliffe Bible

Genesis 12

God calleth Abram, and blesseth him with a promise of Christ.

Genesis 12:1 Forsothe the Lord seide to Abram, Go thou out of thi lond, and of thi kynrede, and of the hous of thi fadir, and come thou in to the lond which Y schal schewe to thee; Genesis 12:2 and Y schal make thee in to a greet folk, and Y schal blisse thee, and Y schal magnyfie thi name, and thou schalt be blessid; Genesis 12:3 Y schal blesse hem that blessen thee, and Y schal curse hem that cursen thee; and alle kynredis of erthe schulen be blessid in thee.

He departeth with Lot from Haran.

Genesis 12:4 And so Abram yede out, as the Lord comaundide hym, and Loth yede with hym. Abram was of thre scoor yeer and fiftene whanne he yede out of Aran. Genesis 12:5 And he took Saray, his wijf, and Loth, the sone of his brother, and al the substaunce which thei hadden in possessioun, and the men whiche thei hadden bigete in Aran; and thei yeden out that thei schulen go in to the loond of Chanaan. And whanne they camen in to it,

He journeyeth through Canaan,

Genesis 12:6 Abram passide thorou the lond til to the place of Sichem, and til to the noble valey. Forsothe Chananei was thanne in the lond.

which is promised him in a vision.

Genesis 12:7 Sotheli the Lord apperide to Abram, and seide to hym, Y schal yyue this lond to thi seed. And Abram bildide there an auter to the Lord, that apperide to hym. Genesis 12:8 And fro thennus he passide forth to the hil Bethel, that was ayens the eest, and settide there his tabernacle, hauynge Bethel fro the west, and Hay fro the eest. And he bildide also there an auter to the Lord, and inwardli clepide his name. Genesis 12:9 And Abram yede goynge and goynge forth ouer to the south.

He is driven by a famine into Egypt:

Genesis 12:10 Sotheli hungur was maad in the lond; and Abram yede doun in to Egipt, to be a pilgrime ther, for hungur hadde maistrie in the lond.

fear maketh him feign his wife to be his sister.

Genesis 12:11 And whanne he was nyy to entre in to Egipt, he seide to Saray, his wijf, Y knowe that thou art a fair womman, Genesis 12:12 and that whanne Egipcians schulen se thee, thei schulen seie, it is his wijf, and thei schulen sle me, and schulen reserue thee. Genesis 12:13 Therfor, Y biseche thee, seie thou, that thou art my sistir, that it be wel to me for thee, and that my lijf lyue for loue of thee.

Pharaoh, having taken her from him, by plagues is compelled to restore her.

Genesis 12:14 And so whanne Abram hadde entrid in to Egipt, Egipcians sien the womman that sche was ful fair; Genesis 12:15 and the prynces telden to Farao, and preiseden hir anentis him; and the womman was takun vp in to the hous of Farao. Genesis 12:16 Forsothe thei vsiden wel Abram for hir; and scheep, and oxun, and assis, and seruauntis, and seruauntessis, and sche assis, and camels weren to hym. Genesis 12:17 Forsothe the Lord beet Farao and his hous with moste veniaunces, for Saray, the wijf of Abram. Genesis 12:18 And Farao clepide Abram, and seide to hym, What is it that thou hast do to me? whi schewidist thou not to me, that sche was thi wijf? Genesis 12:19 for what cause seidist thou, that sche was thi sister, that Y schulde take hir in to wife to me? Now therfor lo! thi wiif; take thou hir, and go. Genesis 12:20 And Farao comaundide to men on Abram, and thei ledden forth hym, and his wijf, and alle thingis that he hadde.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!