Wycliffe Bible

Genesis 40

The butler and baker of Pharaoh in prison.

Genesis 40:1 Whanne these thingis weren doon so, it bifelde that twei geldyngis, the boteler and the baker of the kyng of Egipt, synneden to her lord. Genesis 40:2 And Farao was wrooth ayens hem, for the toon was souereyn to boteleris, the tother was souereyn to bakeris. Genesis 40:3 And he sente hem in to the prisoun of the prince of knyytis, in which also Joseph was boundun.

Joseph hath charge of them.

Genesis 40:4 And the keper of the prisoun bitook hem to Joseph, which also mynystride to hem. Sumdel of tyme passide, and thei weren hooldun in kepyng,

He interpreteth their dreams.

Genesis 40:5 and bothe sien a dreem in o nyyt, bi couenable expownyng to hem. Genesis 40:6 And whanne Joseph hadde entrid to hem eerli, and hadde seyn hem sori, Genesis 40:7 he axide hem, and seide, Whi is youre face soriere to dai than it ys wont? Genesis 40:8 Whiche answeriden, We seiyen a dreem, and noon is that expowneth to vs. And Joseph seide to hem, Whether expownyng is not of God? Telle ye to me what ye han seyn. Genesis 40:9 The souereyn of boteleris telde first his dreem; Y seiy that a vyne bifore me, Genesis 40:10 in which weren thre siouns, wexide litil and litil in to buriounnyngis, and that aftir flouris grapys wexiden ripe, Genesis 40:11 and the cuppe of Farao was in myn hond; therfor Y took the grapis, and presside out in to the cuppe which Y helde, and Y yaf drynk to Farao. Genesis 40:12 Joseph answerde, This is the expownyng of the dreem; thre siouns ben yit thre daies, Genesis 40:13 aftir whiche Farao schal haue mynde of thi seruyce, and he schal restore thee in to the firste degree, and thou schal yyue to hym the cuppe, bi thin office, as thou were wont to do bifore. Genesis 40:14 Oneli haue thou mynde on me, whanne it is wel to thee, and thou schalt do merci with me, that thou make suggestioun to Farao, that he lede me out of this prisoun; Genesis 40:15 for theefli Y am takun awei fro the lond of Ebrews, and here Y am sent innocent in to prisoun. Genesis 40:16 The maister of bakeris seiye that Joseph hadde expowned prudentli the dreem, and he seide, And Y seiy a dreem, that Y hadde thre panyeris of mele on myn heed, Genesis 40:17 and Y gesside that Y bar in o panyere, that was heiyere, alle metis that ben maad bi craft of bakers, and that briddis eeten therof. Genesis 40:18 Joseph answerde, This is the expownyng of the dreem; thre panyeris ben yit thre daies, Genesis 40:19 aftir whiche Farao schal take awei thin heed, and he schal hange thee in a cros, and briddis schulen todrawe thi fleischis.

They come to pass according to his interpretation.

Genesis 40:20 Fro thennus the thridde dai was the dai of birthe of Farao, which made a greet feeste to hise children, and hadde mynde among metis on the maistir of boteleris, and on the prince of bakeris; Genesis 40:21 and he restoride the oon in to his place, that he schulde dresse cuppe to the kyng, Genesis 40:22 and he hangide the tothir in a gebat, that the treuthe of the expownere schulde be preued.

The ingratitude of the butler.

Genesis 40:23 And netheles whanne prosperitees bifelden, the souereyn of boteleris foryat his expownere.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!