Wycliffe Bible

Genesis 5

The genealogy, age, and death of the patriarchs from Adam unto Noah.

Genesis 5:1 This is the book of generacioun of Adam, in the dai wher ynne God made man of nouyt. God made man to the ymage and licnesse of God; Genesis 5:2 God formede hem male and female, and blesside hem, and clepide the name of hem Adam, in the day in which thei weren formed.

Genesis 5:3 Forsothe Adam lyuede an hundrid yeer and thretti, and gendride a sone to his ymage and liknesse, and clepide his name Seth. Genesis 5:4 And the daies of Adam after that he gendride Seth weren maad eiyte hundrid yeer, and he gendride sones and douytris. Genesis 5:5 And al the tyme in which Adam lyuede was maad nyne hundrid yeer and thretti, and he was deed. Genesis 5:6 Also Seth lyuede an hundrid and fyue yeer, and gendride Enos. Genesis 5:7 And Seth lyuede aftir that he gendride Enos eiyte hundrid and seuen yeer, and gendride sones and douytris. Genesis 5:8 And alle the daies of Seth weren maad nyne hundrid and twelue yeer, and he was deed.

Genesis 5:9 Forsothe Enos lyuede nynti yeer, and gendride Caynan; Genesis 5:10 aftir whos birthe Enos lyuede eiyte hundrid and fiftene yeer, and gendride sones and douytris. Genesis 5:11 And alle the daies of Enos weren maad nyne hundrid and fyue yeer, and he was deed.

Genesis 5:12 Also Caynan lyuyde seuenti yeer, and gendride Malalehel. Genesis 5:13 And Caynan lyuede after that he gendride Malalehel eiyte hundrid and fourti yeer, and gendride sones and douytris. Genesis 5:14 And alle the dayes of Caynan weren maad nyn hundrid and ten yeer, and he was deed.

Genesis 5:15 Forsothe Malalehel lyuede sixti yeer and fyue, and gendride Jared. Genesis 5:16 And Malalehel lyuede aftir that he gendride Jared eiyte hundrid and thretti yeer, and gendride sones and douytris. Genesis 5:17 And alle the daies of Malalehel weren maad eiyte hundrid nynti and fyue yeer, and he was deed.

Genesis 5:18 And Jared lyuede an hundrid and two and sixti yeer, and gendride Enoth. Genesis 5:19 And Jared lyuede aftir that he gendride Enoth eiyte hundrid yeer, and gendride sones and douytris. Genesis 5:20 And alle the dayes of Jared weren maad nyn hundrid and twei and sexti yeer, and he was deed.

Genesis 5:21 Forsothe Enoth lyuede fyue and sixti yeer, and gendride Matusalem. Genesis 5:22 And Enoth yede with God; and Enoth lyuede after that he gendride Matusalem thre hundrid yeer, and gendride sones and douytris. Genesis 5:23 And alle the daies of Enoth weren maad thre hundride and fyue and sexti yeer.

The godliness and translation of Enoch.

Genesis 5:24 And Enoth yeed with God, and apperide not afterward, for God took hym awei. Genesis 5:25 Also Matusalem lyuede an hundrid and fourscoor yeer and seuene, and gendride Lameth. Genesis 5:26 And Matusalem lyuede after that he gendride Lameth seuene hundrid and fourscoor yeer and twei, and gendride sones and douytris. Genesis 5:27 And alle the daies of Matusale weren maad nyn hundrid and nyn and sixti yeer, and he was deed.

Genesis 5:28 Forsothe Lameth lyuede an hundrid and fourscoor yeer and two, and gendride a sone; Genesis 5:29 and clepide his name Noe, and seide, This man schal comforte vs of the werkis and traueilis of oure hondis, in the loond which the Lord curside. Genesis 5:30 And Lameth lyuede after that he gendride Noe fyue hundrid nynti and fyue yeer, and gendride sones and douytris. Genesis 5:31 And alle the daies of Lameth weren maad seuene hundrid thre scoor and seuentene yeer, and he was deed. Genesis 5:32 Forsothe Noe whanne he was of fyue hundrid yeer gendride Sem, Cham, and Jafeth.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!