Wycliffe Bible

Genesis 8

The waters asswage.

Genesis 8:1 Forsothe the Lord hadde mynde of Noe, and of alle lyuynge beestis, and of alle werk beestis, that weren with hym in the schip; and brouyte a wynd on the erthe. Genesis 8:2 And watris weren decreessid, and the wellis of the see weren closid, and the wyndowis of heuene weren closid, and reynes of heuene weren ceessid. Genesis 8:3 And watrys turneden ayen fro erthe, and yeden ayen, and bigunnen to be decreessid aftir an hundrid and fifti daies.

The ark resteth on Ararat.

Genesis 8:4 And the schip restide in the seuenthe monthe, in the seuene and twentithe dai of the monthe, on the hillis of Armenye. Genesis 8:5 And sotheli the watrys yeden and decresiden til to the tenthe monethe, for in the tenthe monethe, in the firste dai of the monethe, the coppis of hillis apperiden.

Genesis 8:6 And whanne fourti daies weren passid, Noe openyde the wyndow of the schip which he hadde maad, and sente out a crowe,

The raven and the dove.

Genesis 8:7 which yede out, and turnede not ayen til the watris weren dried on erthe. Genesis 8:8 Also Noe sente out a culuer aftir hym, to se if the watris hadden ceessid thanne on the face of erthe; Genesis 8:9 and whanne the culuer foond not where hir foot schulde reste, sche turnede ayen to hym in to the schip, for the watris weren on al erthe; and Noe helde forth his hoond, and brouyte the culuer takun in to the schip. Genesis 8:10 Sotheli whanne othere seuene daies weren abedun aftirward, eft he leet out a culuer fro the schip; Genesis 8:11 and sche cam to hym at euentid, and bare in hir mouth a braunche of olyue tre with greene leeuys. Therfor Noe vndirstood that the watris hadden ceessid on erthe; Genesis 8:12 and neuerthelesse he abood seuene othere daies, and sente out a culuer, which turnede no more ayen to hym.

Genesis 8:13 Therfor in the sixe hundrid and o yeer of the lijf of Noe, in the firste monethe, in the firste day of the monethe, watris weren decreessid on erthe; and Noe openede the roof of the schip, and bihelde and seiy that the face of the erthe was dried. Genesis 8:14 In the secunde monethe, in the seuene and twentithe dai of the monethe, the erthe was maad drie.

Noah, being commanded,

Genesis 8:15 Sotheli the Lord spak to Noe; and seide, Genesis 8:16 Go out of the schip, thou, and thi wijf, thi sones, and the wyues of thi sones with thee; Genesis 8:17 and lede out with thee alle lyuynge beestis that ben at thee of ech fleisch, as wel in volatilis as in vnresonable beestis, and alle reptils that crepen on erthe; and entre ye on the erthe, encreesse ye, and be ye multiplied on erthe.

goeth forth of the ark.

Genesis 8:18 Therfor Noe yede out, and hise sones, and his wijf, and the wyues of hise sones with hym; Genesis 8:19 but also alle lyuynge beestis, and werk beestis, and reptils that crepen on erthe, bi her kynde, yeden out of the schip.

He buildeth an altar, and offereth sacrifice,

Genesis 8:20 Forsothe Noe bildide an auter to the Lord, and he took of alle clene beestis and briddis, and offride brent sacrifices on the auter.

which God accepteth, and promiseth to curse the earth no more.

Genesis 8:21 And the Lord sauerede the odour of swetnesse, and seide to hym, Y schal no more curse the erthe for men, for the wit and thouyt of mannus herte ben redi in to yuel fro yong wexynge age; therfor Y schal no more smyte ech lyuynge soule as Y dide; Genesis 8:22 in alle the daies of erthe, seed and ripe corn, coold and heete, somer and wyntir, nyyt and dai, shulen not reste.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!