Divers admonitions, as to charity,
Hebrews 13:1 The charite of britherhod dwelle in you, and nyle ye foryete hospitalite; Hebrews 13:2 for bi this summen plesiden to aungels, that weren resseyued to herborewe. Hebrews 13:3 Thenke ye on boundun men, as ye weren togidere boundun, and of trauelinge men, as ye silf dwellinge in the body.
to honest life,
Hebrews 13:4 Wedding is in alle thingis onourable, and bed vnwemmed; for God schal deme fornicatouris and auouteris.
to avoid covetousness,
Hebrews 13:5 Be youre maneres withoute coueitise, apaied with present thingis; for he seide, Y schal not leeue thee, Hebrews 13:6 nether forsake, so that we seie tristily, The Lord is an helpere to me; Y schal not drede, what a man schal do to me.
to regard God's preachers,
Hebrews 13:7 Haue ye mynde of youre souereyns, that han spokun to you the word of God; of whiche biholde ye the goyng out of lyuynge, and sue ye the feith of hem, Hebrews 13:8 Jhesu Crist, yistirdai, and to dai, he is also into worldis.
to take heed of strange doctrines,
Hebrews 13:9 Nyle ye be led awei with dyuerse techingis, and straunge. For it is best to stable the herte with grace, not with metis, whiche profitiden not to men wandringe in hem.
to confess Christ,
Hebrews 13:10 We han an auter, of which thei that seruen to the tabernacle, han not power to ete. Hebrews 13:11 For of whiche beestis the blood is borun in for synne in to hooli thingis bi the bischop, the bodies of hem ben brent with out the castels. Hebrews 13:12 For which thing Jhesu, that he schulde halewe the puple bi his blood, suffride with out the gate. Hebrews 13:13 Therfor go we out to hym with out the castels, berynge his repreef. Hebrews 13:14 For we han not here a citee dwellynge, but we seken a citee to comynge. Hebrews 13:15 Therfor bi hym offre we a sacrifice of heriyng euere more to God, that is to seye, the fruyt of lippis knoulechinge to his name.
to give alms,
Hebrews 13:16 And nyle ye foryete wel doynge, and comynyng; for bi siche sacrifices God is disserued.
to obey governors,
Hebrews 13:17 Obeie ye to youre souereyns, and be ye suget to hem; for thei perfitli waken, as to yeldinge resoun for youre soulis, that thei do this thing with ioie, and not sorewinge; for this thing spedith not to you.
to pray for the apostle.
Hebrews 13:18 Preie ye for vs, and we tristen that we han good conscience in alle thingis, willynge to lyue wel. Hebrews 13:19 More ouer Y biseche you to do, that Y be restorid the sunnere to you.
Hebrews 13:20 And God of pees, that ladde out fro deth the greet scheepherd of scheep, in the blood of euerlastinge testament, oure Lord Jhesu Crist, Hebrews 13:21 schape you in al good thing, that ye do the wille of hym; and he do in you that thing that schal plese bifor hym, bi Jhesu Crist, to whom be glorie in to worldis of worldis. Amen. Hebrews 13:22 And, britheren, Y preie you, that ye suffre a word of solace; for bi ful fewe thingis Y haue writun to you. Hebrews 13:23 Knowe ye oure brother Tymothe, that is sent forth, with whom if he schal come more hastili, Y schal se you. Hebrews 13:24 Grete ye wel alle youre souereyns, and alle hooli men. The britheren of Italie greten you wel. Hebrews 13:25 The grace of God be with you alle. Amen.