A joyful thanksgiving of the faithful for the mercies of God.
Isaiah 12:1 And thou schalt seie in that dai, Lord, Y schal knouleche to thee, for thou were wrooth to me; thi strong venieaunce is turned, and thou hast coumfortid me. Isaiah 12:2 Lo! God is my sauyour, Y schal do feithfuli, and Y schal not drede. For whi the Lord is my strengthe and my preysyng, and he is maad to me in to helthe. Isaiah 12:3 Ye schulen drawe watris with ioie of the wellis of the sauyour. Isaiah 12:4 And ye schulen seie in that dai, Knouleche ye to the Lord, and clepe ye his name in to help; make ye knowun hise fyndyngis among puplis; haue ye mynde, that his name is hiy. Isaiah 12:5 Synge ye to the Lord, for he hath do worschipfuli; telle ye this in al erthe. Isaiah 12:6 Thou dwellyng of Syon, make ful out ioie, and preise; for whi the hooli of Israel is greet in the myddis of thee.