Bildad sheweth that man cannot be justified before God.
Job 25:1 Forsothe Baldach Suytes answeride, and seide, Job 25:2 Power and drede is anentis hym, that is, God, that makith acordyng in hise hiye thingis. Job 25:3 Whether noumbre is of hise knyytis? and on whom schyneth not his liyt? Job 25:4 Whether a man comparisound to God mai be iustified, ether borun of a womman mai appere cleene? Job 25:5 Lo! also the moone schyneth not, and sterris ben not cleene in his siyt; Job 25:6 hou miche more a man rot, and the sone of a man a worm, is vncleene and vile, if he is comparisound to God.