Wycliffe Bible

Job 32

Elihu is angry with Job and his three friends.

Job 32:1 Forsothe these thre men leften of to answere Joob, for he semyde a iust man to hem. Job 32:2 And Helyu, the sone of Barachel Buzites, of the kynrede of Ram, was wrooth, and hadde indignacioun; forsothe he was wrooth ayens Joob, for he seide hym silf to be iust bifor God. Job 32:3 Sotheli Helyu hadde indignacioun ayens the thre frendis of hym, for thei hadden not founde resonable answere, but oneli hadde condempned Joob. Job 32:4 Therfor Helyu abood Joob spekynge, for thei, that spaken, weren eldere men. Job 32:5 But whanne he hadde seyn, that thre men myyten not answere, he was wrooth greetly.

Because wisdom cometh not from age, he excuseth the boldness of his youth.

Job 32:6 And Helyu, the sone of Barachel Buzites, answeride, and seyde, Y am yongere in tyme, sotheli ye ben eldere; therfor with heed holdun doun Y dredde to schewe to you my sentence. Job 32:7 For Y hopide that lengere age schulde speke, and that the multitude of yeeris schulden teche wisdom. Job 32:8 But as Y se, spirit is in men, and the enspiryng ether reuelacioun, of Almyyti God yyueth vndurstondyng. Job 32:9 Men of long lijf ben not wise, and elde men vndurstonden not doom. Job 32:10 Therfor Y schal seie, Here ye me, and Y also schal schewe my kunnyng to you.

He reproveth them for not satisfying Job.

Job 32:11 For Y abood youre wordis, Y herde youre prudence, as long as ye dispuytiden in youre wordis. Job 32:12 And as long as Y gesside you to seie ony thing, Y bihelde; but as Y se, noon is of you, that may repreue Joob, and answere to hise wordis; Job 32:13 lest perauenture ye seien, We han founde wisdom; God, and not man, hath cast hym awei. Job 32:14 Joob spak no thing to me, and Y not bi youre wordis schal answere hym. Job 32:15 Thei dredden, and answeriden no more, and token awei speche fro hem silf.

His zeal to speak.

Job 32:16 Therfor for Y abood, and thei spaken not, thei stoden, and answeriden no more; Job 32:17 also Y schal answere my part, and Y schal schewe my kunnyng. Job 32:18 For Y am ful of wordis, and the spirit of my wombe, that is, mynde, constreyneth me. Job 32:19 Lo! my wombe is as must with out spigot, ether a ventyng, that brekith newe vessels. Job 32:20 Y schal speke, and brethe ayen a litil; Y schal opene my lippis, and Y schal answere. Job 32:21 Y schal not take the persoone of man, and Y schal not make God euene to man. Job 32:22 For Y woot not hou long Y schal abide, and if my Makere take me awei after a litil tyme.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!