Wycliffe Bible

Joshua 14

The nine tribes and half are to have their inheritance by lot.

Joshua 14:1 This thing it is, which the sones of Israel weldiden in the lond of Canaan, which lond Eleazar the preest, and Josue, the sone of Nun, and the princes of meynees bi the lynagis of Israel yauen to hem, Joshua 14:2 and departiden alle thingis bi lot, as the Lord comaundide in the hond of Moises, to nyne lynagis and the half lynage. Joshua 14:3 For Moises hadde youe to the twey lynagis and to the half lynage possessioun ouer Jordan; without the Leuytis, that token no thing of the lond among her britheren; Joshua 14:4 but the sones of Joseph weren departid in to twei lynagis, of Manasses and of Effraym, and weren eiris in to the place of hem. And the Leuytis token noon other part in the lond, no but citees to dwelle, and the subarbis of tho to werke beestis and her scheep to be fed. Joshua 14:5 As the Lord comaundide to Moises, so the sones of Israel diden, and departiden the lond.

Caleb by privilege obtaineth Hebron.

Joshua 14:6 And so the sones of Juda neiyiden to Josue in Galgalis; and Caleph, the sone of Jephone, of Ceneth, spak to him, Thou knowist, what the Lord spak to Moises, the man of God, of me and of thee in Cades Barne. Joshua 14:7 Y was of fourti yeer, whanne Moises, seruaunt of the Lord, sente me fro Cades Barne, that Y schulde biholde the lond, and Y teelde to hym that, that semyde soth to me. Joshua 14:8 Forsothe my britheren, thats tieden with me, discoumfortiden the herte of the puple, and neuertheles Y suede my Lord God. Joshua 14:9 And Moises swoor in that dai, and seide, The lond, which thi foot trad, schal be thi possessioun, and of thi sones withouten ende; for thou suedist thi Lord God. Joshua 14:10 Sotheli the Lord grauntide lijf to me, as he bihiyte, til in to present dai. Fourti yeer and fyue ben, sithen the Lord spak this word to Moises, whanne Israel yede bi the wildirnesse. To dai Y am of foure scoor yeer and fyue, Joshua 14:11 and Y am as myyti, as Y was myyti in that time, whanne Y was sent to aspie; the strengthe of that tyme dwellith stabli in me til to dai, as wel to fiyte, as to go. Joshua 14:12 Therfor yyue thou to me this hil, which the Lord bihiyte to me, while also thou herdist, in which hil ben Enachym, and grete citees, and strengthid; if in hap the Lord is with me, and Y mai do hem awei, as he bihiyte to me. Joshua 14:13 And Josue blesside hym, and yaf to hym Ebron in to possessioun. Joshua 14:14 And fro that tyme Ebron was to Caleph, sone of Jephone, of Cenez, til in to present dai; for he suede the Lord God of Israel. Joshua 14:15 The name of Ebron was clepid bifore Cariatharbe. Adam, the gretteste, was set there in the lond of Enachym; and the lond ceesside fro batels.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!