Wycliffe Bible

Joshua 15

The borders of the lot of Judah.

Joshua 15:1 Therfor this was the part of the sones of Juda, bi her kynredis; fro the terme of Edom til to deseert of Syn ayens the south, and til to the laste part of the south coost, Joshua 15:2 the bigynnyng therof fro the hiynesse of the saltist see, and fro the arm therof, that biholdith to the south. Joshua 15:3 And it goith out ayens the stiyng of Scorpioun, and passith in to Syna; and it stieth in to Cades Barne, and cometh in to Ephron, and it stieth to Daran, and cumpassith Cariacaa; Joshua 15:4 and fro thennus it passith in to Asemona, and cometh to the stronde of Egipt; and the termes therof schulen be the greet see; this schal be the ende of the south coost. Joshua 15:5 Sotheli fro the eest the bigynnyng schal be the saltiste see, til to the laste partis of Jordan, and tho partis, that biholden the north, fro the arm of the see til to the same flood of Jordan. Joshua 15:6 And the terme stieth in to Bethaegla, and passith fro the north in to Betharaba; and it stieth to the stoon of Boen, Joshua 15:7 sone of Ruben, and goith til to the termes of Debera, fro the valei of Achar ayens the north; and it biholdith Galgala, which is on the contrarie part of the stiyng of Adomyn, fro the south part of the stronde; and it passith the watris, that ben clepid the welle of the sunne; and the outgoyngis therof schulen be to the welle of Rogel. Joshua 15:8 And it stieth bi the valei of the sone of Ennon, bi the side of Jebusei, at the south; this is Jerusalem; and fro thennus it reisith it silf to the cop of the hil, which is ayens Jehennon at the west, in the hiynesse of the valei of Raphaym, ayens the north; Joshua 15:9 and it passith fro the cop of the hil til to the wel of the watir Nepthoa, and cometh til to the tounes of the hil of Ephron; and it is bowid in to Baala, which is Cariathiarym, that is, the citee of woodis; Joshua 15:10 and it cumpassith fro Baala ayens the west, til to the hil of Seir, and it passith bi the side of the hil Jarym to the north in Selbon, and goith doun in to Bethsamys; and it passith in to Thanna, Joshua 15:11 and cometh ayens the partis of the north bi the side of Accaron; and it is bowid to Secrona, and passith the hil of Baala; and it cometh in to Gebneel, and it is closid with the ende of the grete see, ayens the west. Joshua 15:12 These ben the termes of the sones of Juda, bi cumpas in her meynees.

Caleb's portion and conquest.

Joshua 15:13 Sotheli Josue yaf to Caleph, sone of Jephone, part in the myddis of the sones of Juda, as the Lord comaundide to hym, Cariatharbe, of the fadir of Enach; thilke is Ebron. Joshua 15:14 And Caleph dide awei fro it thre sones of Enach, Sisai, and Achyman, and Tholmai, of the generacioun of Enach. Joshua 15:15 And Caleph stiede fro thennus, and cam to the dwelleris of Dabir, that was clepid bifore Cariathsepher, that is, the citee of lettris.

Othniel, for his valour, hath Achsah, Caleb's daughter, to wife.

Joshua 15:16 And Caleph seide, Y schal yyue Axa, my douyter, wijf to hym that schal smyte Cariathsepher, and schal take it. Joshua 15:17 And Othynyel, sone of Ceneth, the yongere brother of Caleph, took that citee; and Caleph yaf Axa, his douytir, wijf to hym.

She obtaineth a blessing of her father.

Joshua 15:18 And whanne sche yede togidere, hir hosebonde counseilide hir, that sche schulde axe of hir fadir a feeld; and sche siyyide, as sche sat on the asse; Joshua 15:19 to whom Caleph seide, What hast thou? And sche answeride, Yyue thou blessyng to me; thou hast youe to me the south lond and drye; ioyne thou also the moist lond. And Caleph yaf to hir the moist lond, aboue and bynethe. Joshua 15:20 This is the possessioun of the lynage of the sones of Juda, bi her meynees.

The cities of Judah.

Joshua 15:21 And the citees weren fro the laste partis of the sones of Juda, bisidis the termes of Edom, fro the south; Capsahel, and Edel, and Jagur, Joshua 15:22 Ectyna, and Dymona, Edada, Joshua 15:23 and Cades, and Alor, and Jethnan, Joshua 15:24 and Ipheth, and Thelon, and Balaoth, Joshua 15:25 and Asor, Nobua, and Cariath, Effron; Joshua 15:26 this is Asseromam; Same, and Molida, Joshua 15:27 and Aser, Gabda, and Assemoth, Bethfelech, Joshua 15:28 and Asertual, and Bersabee, and Baiohia, Joshua 15:29 and Baala, and Hymesen, Joshua 15:30 and Betholad, and Exul, and Herma, Joshua 15:31 and Sichelech, and Meacdemana, and Sensena, Joshua 15:32 Lebeoth, and Selymetem Remmoth; alle the citees, nyn and thretti, and the townes of tho. Joshua 15:33 Sotheli in the feeldi places, Escoal, and Sama, and Asena, Joshua 15:34 and Azanoe, and Engannem, and Taphua, and Enaym, Joshua 15:35 and Jecemoth, Adulam, Socco, and Azecha, Joshua 15:36 and Sarym, Adytaym, and Gedam, and Giderothaym; fourtene citees, and the townes of tho; Joshua 15:37 Sanam, and Aseba, and Magdalgad, Joshua 15:38 Delen, and Melcha, Bethel, Joshua 15:39 Lachis, and Baschat, and Esglon, Joshua 15:40 Esbon, and Leemas, and Cethlis, Joshua 15:41 and Gideroth, and Bethdagon, and Neuma, and Maceda; sixtene citees, and the townes of tho; Joshua 15:42 Jambane, and Ether, and Asam, Joshua 15:43 Jepta, and Jesua, and Nesib, Joshua 15:44 and Ceila, and Azib, and Mareza, nyn citees, and the townes of tho; Joshua 15:45 Accaron with hise townes and vilagis; Joshua 15:46 fro Accaron til to the see, alle thingis that gon to Azotus, and the townes therof; Joshua 15:47 Azotus with hise townes and vilagis; Gaza with hise townes and villagis, til to the stronde of Egipt; and the grete see is the terme therof;

Joshua 15:48 and in the hil, Samyr, and Jeccher, and Socco, Joshua 15:49 and Edema, Cariath Senna; this is Dabir; Joshua 15:50 Anab, and Ischemo, Joshua 15:51 and Ammygosen, and Olom, and Gilo, enleuene citees, and the townes of tho; Joshua 15:52 Arab, and Roma, and Esaam, Joshua 15:53 and Amum, and Bethfasua, and Afecha, Joshua 15:54 Ammacha, and Cariatharbe; this is Ebron; and Sior, nyn citees, and the townes of tho; Joshua 15:55 Maon, and Hermen, and Ziph, and Jothae, Joshua 15:56 Zerahel, and Zocadamer, and Anoe, Joshua 15:57 and Chaym, Gabaa, and Kanna, ten citees, and the citees of tho; Joshua 15:58 Alul, and Bethsur, and Jodor, Joshua 15:59 Mareth, and Bethanoth, and Bethecen, sixe citees, and the townes of tho; Joshua 15:60 Cariathbaal; this is Cariathiarym, the citee of woodis; and Rebda, twei citees, and the townes of tho; Joshua 15:61 in deseert, Betharaba, Medyn, and Siriacha, Joshua 15:62 Nepsan, and the citee of salt, and Engaddi, sixe citees, and the townes of tho; the citees weren togidere an hundrid and fiftene.

The Jebusites not conquered.

Joshua 15:63 Sotheli the sones of Juda myyten not do awei Jebusei, the dwellere of Jerusalem; and Jebusei dwellide with the sones of Juda in Jerusalem til in to present day.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!