Wycliffe Bible

Joshua 18

The Tabernacle is set up at Shiloh.

Joshua 18:1 And alle the sones of Israel weren gaderid in Silo, and there thei settiden faste the tabernacle of witnessing; and the lond was suget to hem.

The remainder of the land is described, and divided into seven parts.

Joshua 18:2 Sotheli seuene linagis of the sones of Israel dwelliden, that hadden not yit takun her possessiouns. Joshua 18:3 To whiche Josue seide, Hou longe faden ye bi cowardise, ethir slouthe, and entren not to welde the lond, which the Lord God of youre fadris yaf to you? Joshua 18:4 Chese ye of ech lynage thre men, that Y sende hem, and thei go, and cumpasse the lond; and that thei discryue the lond bi the noumbre of ech multitude, and brynge to me that, that ye han discriued. Joshua 18:5 Departe ye the lond to you in to seuene partis; Judas be in hise termes at the south coost, and the hows of Joseph at the north; Joshua 18:6 discryue ye the myddil lond bitwixe hem in to seuene partis; and thanne ye schulen come to me, that Y sende lot to you here bifor youre Lord God; Joshua 18:7 for the part of Leuytis is not among you, but the preesthod of the Lord, this is the eritage of hem. Forsothe Gad, and Ruben, and the half lynage of Manasses hadden take now her possessiouns ouer Jordan, at the eest coost, whiche possessiouns Moises, the seruaunt of the Lord, yaf to hem.

Joshua 18:8 And whanne the men hadden rise to go, to discryue the lond, Josue comaundide to hem, and seide, Cumpasse ye the lond, and discryue it, and turne ayen to me, that Y sende lot to you here in Silo, bifore youre Lord God. Joshua 18:9 And so thei yeden, and cumpassiden that lond, and departiden in to seuene partis, writynge in a book; and thei turneden ayen to Josue, in to the castels in Silo.

Joshua divideth it by lot.

Joshua 18:10 Which Josue sente lottis bifor the Lord God in Silo, and departide the lond to the sones of Israel, in to seuene partis.

The lot of the border of Benjamin.

Joshua 18:11 And the firste lot of the sones of Beniamyn, bi her meynees, stiede, that thei schulden welde the lond bitwixe the sones of Juda and the sones of Joseph. Joshua 18:12 And the terme of hem was ayens the north fro Jordan, and passide bi the side of Jerico of the north coost; and it stiede fro thennus ayens the west to the hilli places, and it cam to the wildirnesse of Bethauen; Joshua 18:13 and it passide bisidis Luza to the south; thilke is Bethel; and it goith doun in to Astoroth Adar, in to the hil which is at the south of lowere Betheron; and is bowid, Joshua 18:14 and cumpassith ayens the see, at the south of the hil that biholdith Betheron ayens the north; and the outgoyngis therof ben in to Cariathbaal, which is clepid also Cariathiarym, the citee of the sones of Juda; this is the greet coost ayens the see, at the west. Joshua 18:15 Sotheli fro the south, bi the part of Cariathiarym, the terme goith out ayens the see, and cometh til to the wel of watris of Nepthoa; Joshua 18:16 and it goith doun in to the part of the hil that biholdith the valei of the sones of Ennon, and is ayens the north coost, in the laste part of the valey of Raphaym; and Jehennon, that is, the valei of Ennon, goith doun bi the side of Jebusei, at the south, and cometh to the welle of Rogel, Joshua 18:17 and passith to the north, and goith out to Emsemes, that is, the welle of the sunne, Joshua 18:18 and passith to the litle hillis that ben ayens the stiyng of Adomyn; and it goith doun to Taben Boen, that is, the stoon of Boen, sone of Ruben, and passide bi the side of the north to the feeldi places; and it goith doun in to the pleyn, Joshua 18:19 and passith forth ayens the north to Bethagala; and the outgoyngis therof ben ayens the arm of the salteste see, fro the north, in the ende of Jordan at the south coost, Joshua 18:20 which is the terme therof fro the eest. This is the possessioun of the sones of Beniamyn, bi her termes in cumpas, and bi her meynees;

Their cities.

Joshua 18:21 and the citees therof weren Jerico, and Bethagla, and the valei of Casis, Joshua 18:22 Betharacha, and Samaraym, and Bethel, Joshua 18:23 and Anym, and Affara, and Offira, Joshua 18:24 the toun of Hesmona, and Offym, and Gabee, twelue citees, and the townes of tho; Joshua 18:25 Gabaon, and Rama, and Beroth, Joshua 18:26 and Mesphe, and Caphera, and Ammosa, Joshua 18:27 and Recem, Jarephel, and Tharela, Joshua 18:28 and Sela, Heleph, and Jebus, which is Jerusalem, Gabaath, and Cariath, fouretene citees and the townes of tho; this is the possessioun of the sones of Beniamyn, bi her meynees.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!