Eight of the forty cities given by lot, out of the other tribes, unto the Levites.
Joshua 21:1 And the princes of meynees of Leuy neiyiden to Eleazar, preest, and to Josue, sone of Nun, and to the duykis of kynredis, bi alle the lynagis of the sones of Israel; Joshua 21:2 and the Leuytis spaken to hem in Sylo, of the lond of Canaan, and seiden, The Lord comaundide bi the honde of Moises, that citees schulden be youun to vs to dwelle ynne, and the subarbis of tho to werk beestis to be fed. Joshua 21:3 And the sones of Israel yauen of her possessiouns, bi comaundement of the Lord, citees and the subarbis of tho. Joshua 21:4 And the lot yede out in to the meynee of Caath, of the sones of Aaron, preest, of the lynages of Juda, and of Symeon, and of Beniamyn, threttene citees; Joshua 21:5 and to the othere of the sones of Caath, that is, to dekenes that weren left, of the lynagis of Effraym, and of Dan, and of the half lynage of Manasse, ten citees. Joshua 21:6 Sotheli lot yede out to the sones of Gerson, that thei schulden take of the lynagis of Isachar, and of Aser, and of Neptalym, and of the half lynage of Manasses in Basan, threttene citees in noumbre; Joshua 21:7 and to the sones of Merari, bi her meynees, of the lynagis of Ruben, and of Gad, and of Zabulon, twelue citees. Joshua 21:8 And the sones of Israel yauen to dekenes cytees, and the subarbis of tho, as the Lord comaundide bi the hond of Moises; and alle yauen bi lot.
Joshua 21:9 Of the lynagis of the sones of Juda, and of Symeon, Josue yaf citees; Joshua 21:10 to the sones of Aaron, bi the meynees of Caath, of the kyn of Leuy, of whiche citees these ben the names; for the firste lot yede out to hem; Joshua 21:11 Cariatharbe, of the fadir of Enach, which is clepid Ebron, in the hil of Juda, and the subarbis therof bi cumpas; Joshua 21:12 sotheli he hadde youe the feeldis and townes therof to Caleph, sone of Jephone, to haue in possessioun.
Joshua 21:13 Therfor Josue yaf to the sones of Aaron, preest, Ebron, a citee of refuyt, and the subarbis of it, and Lebnam with hise subarbis, Joshua 21:14 and Jether, and Yschymon, Joshua 21:15 and Elon, and Dabir, Joshua 21:16 and Ayn, and Lethan, and Bethsames, with her subarbis; nyne citees, of twei lynagis, as it is seid. Joshua 21:17 Sotheli of the lynage of the sones of Beniamyn, he yaf Gabaon, and Gabee, Joshua 21:18 and Anatoth, and Almon, with her subarbis; foure citees. Joshua 21:19 Alle the citees togidere of the sones of Aaron, preest, weren threttene, with her subarbis.
Joshua 21:20 Forsothe to the othere, bi the meynees of the sones of Caath, of the kyn of Leuy, this possessioun was youun; Joshua 21:21 of the lynage of Effraym, the citee of refuyt, Sichen, with hise subarbis, in the hil of Effraym, and Gazer, Joshua 21:22 and Sebsam, and Bethoron, with her subarbis; foure citees; Joshua 21:23 also of the lynage of Dan, Helthece, and Gebethon, Joshua 21:24 and Haialon, and Gethremmon, with her subarbis; foure citees; Joshua 21:25 sotheli of the half lynage of Manasses, Thanach, and Gethremon, with her subarbis; twei citees. Joshua 21:26 Alle the citees ten, and the subarbis of tho weren youun to the sones of Caath, of the lowere degree.
Joshua 21:27 Also to the sones of Gerson, of the kyn of Leuy, Josue yaf of the half lynage of Manasses, citees of refuyt, Gaulon in Basan, and Bosra, with her subarbis, twei citees. Joshua 21:28 Forsothe of the lynage of Isachar, he yaf Cesion, and Daberath, Joshua 21:29 and Jerimoth, and Engannym, with her subarbis; foure citees. Joshua 21:30 Of the lynage of Aser, he yaf Masal, and Abdon, Joshua 21:31 and Elecath, and Roob, with her subarbis; foure citees. Joshua 21:32 Also of the lynage of Neptalym, he yaf the citee of refuyt, Cedes in Galile, and Amodor, and Carthan, with her subarbis; thre citees. Joshua 21:33 Alle the citees of the meynees of Gerson weren threttene, with her subarbis.
Joshua 21:34 Sotheli to the sones of Merary, dekenes of the lowere degree, bi her meynees, was youun Getheran, of the linage of Zabulon, and Charcha, Joshua 21:35 and Demna, and Nalol; foure citees, with her subarbis. Joshua 21:36 And of the lynage of Ruben, biyende Jordan, ayens Jerico, he yaf the citee of refuyt, Bosor in the wildirnesse of Mysor, and Jazer, Joshua 21:37 and Jecson, and Maspha; foure citees, with her subarbis. Joshua 21:38 And of the lynage of Gad, he yaf the citee of refuyt, Ramoth in Galaad, and Manaym, Joshua 21:39 and Esebon, and Jaser; foure citees, with her subarbis. Joshua 21:40 Alle the citees of Merary, bi her meynees and kynredis, weren twelue. Joshua 21:41 And so alle the citees of Leuytis, in the myddis of possessioun of the sones of Israel, weren eiyte and fourti, with her subarbis; Joshua 21:42 and alle citees weren departid by meynees.
God gave the land, and rest unto the Israelites, according to his promise.
Joshua 21:43 And the Lord yaf to Israel al the lond which he swoor hym silf to yyue to the fadris of hem, and thei hadden it in possessioun, and dwelliden therynne. Joshua 21:44 And pees was youun of hym in to alle naciouns by cumpas; and noon of enemyes was hardi to withstonde hem, but alle weren dryuen in to the lordschip of hem. Joshua 21:45 Forsothe nether o word, which he bihiyte him silf to yyue to hem, was voide, but alle wordis weren fillid in werkis.