Wycliffe Bible

Joshua 3

Joshua cometh to Jordan.

Joshua 3:1 Therfor Josue roos bi nyyt, and mouede tentis; and thei yeden out of Sechym, and camen to Jordan, he and alle the sones of Israel, and dwelliden there thre daies.

The officers instruct the people for the passage.

Joshua 3:2 And whanne tho daies weren passid, crieris yeden thorouy the myddis of tentis, Joshua 3:3 and bigunnen to crie, Whanne ye seen the arke of boond of pees of youre Lord God, and the preestis of the generacioun of Leuy berynge it, also rise ye, and sue the biforgoeris; Joshua 3:4 and a space of twey thousynde cubitis be bitwixe you and the arke, that ye moun se fer, and knowe bi what weie ye schulen entre, for ye yeden not bifore bi it; and be ye war, that ye neiye not to the arke. Joshua 3:5 And Josue seide to the puple, Be ye halewid, for to morew the Lord schal make merueilis among you. Joshua 3:6 And Josue seide to the preestis, Take ye the arke of the boond of pees of the Lord, and go ye bifor the puple. Whiche filliden the heestis, and tooken the arke, and yeden bifor hem.

The LORD encourageth Joshua.

Joshua 3:7 And the Lord seide to Josue, To dai Y schal bigynne to enhaunse thee bifor al Israel, that thei wite, that as Y was with Moises, so Y am also with thee. Joshua 3:8 Forsothe comaunde thou to preestis, that beren the arke of bond of pees, and seie thou to hem, Whanne ye han entrid in to a part of the watir of Jordan, stonde ye therynne.

Joshua encourageth the people.

Joshua 3:9 And Josue seide to the sones of Israel, Neiye ye hidur, and here ye the word of youre Lord God. Joshua 3:10 And eft he seide, In this ye schulen wite that the Lord God lyuynge is in the myddis of you; and he schal distrye in youre siyt Cananey, Ethei, Euey, and Feresei, and Gergesei, and Jebusei, and Amorrei. Joshua 3:11 Lo! the arke of boond of pees of the Lord of al erthe schal go bifor you thorouy Jordan. Joshua 3:12 Make ye redi twelue men of the twelue lynagis of Israel, bi ech lynage o man. Joshua 3:13 And whanne the preestis, that beren the arke of boond of pees of the Lord God of al erthe, han set the steppis of her feet in the watris of Jordan, the watris that ben lowere schulen renne doun, and schulen faile; forsothe the watris that comen fro aboue schulen stonde togidere in o gobet.

The waters of Jordan are divided.

Joshua 3:14 Therfor the puple yede out of her tabernaclis to passe Jordan; and the preestis that baren the arke of boond of pees yeden bifor the puple. Joshua 3:15 And whanne the preestis entriden in to Jordan, and her feet weren dippid in the part of watir; forsothe Jordan hadde fillid the brynkis of his trow in the tyme of ripe corn; Joshua 3:16 the watris yeden doun, and stoden in o place, and wexiden grete at the licnesse of an hil, and apperiden fer fro the citee that was clepid Edom, til to the place of Sarthan; sotheli the watris that weren lowere yeden doun in to the see of wildirnesse, which is now clepid the deed see, til the watris failiden outirli. Joshua 3:17 Forsothe the puple yede thorouy Jordan; and the preestis, that baren the arke of the boond of pees of the Lord, stoden gird on the drie erthe in the myddis of Jordan, and al the puple passide thorouy the drie trow.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!