Wycliffe Bible

Judges 14

Samson desireth a wife of the Philistines.

Judges 14:1 Therfor Sampson yede doun in to Thannatha, and he siy there a womman of the douytris of Filisteis; Judges 14:2 and he stiede, and telde to his fadir and to his modir, and seide, Y siy a womman in Thannatha of the douytris of Filistees, and Y biseche, that ye take hir a wijf to me. Judges 14:3 To whom his fadir and modir seiden, Whether no womman is among the douytris of thi britheren and in al my puple, for thou wolt take a wijf of Filisteis, that ben vncircumcidid? And Sampson seide to his fadir, Take thou this wijf to me, for sche pleside myn iyen. Judges 14:4 Forsothe his fadir and modir wisten not, that the thing was don of the Lord; and that he souyte occasiouns ayens Filisteis; for in that tyme Filisteis weren lordis of Israel.

In his journey he killeth a lion.

Judges 14:5 Therfor Sampson yede doun with his fadir and modir in to Thannatha; and whanne thei hadden come to the vyneris of the citee, a fers and rorynge whelp of a lioun apperide, and ran to Sampson. Judges 14:6 Forsothe the spirit of the Lord felde in to Sampson, and he to-rente the lioun, as if he to-rendide a kide in to gobetis, and outerli he hadde no thing in the hond; and he nolde schewe this to the fadir and modir. Judges 14:7 And he yede doun, and spak to the womman, that pleside hise iyen.

In a second journey he findeth honey in the carcase.

Judges 14:8 And aftir summe daies he turnede ayen to take hir in to matrimonye; and he bowide awey to se the careyn of the lioun; and lo! a gaderyng of bees was in the mouth of the lioun, and a coomb of hony. Judges 14:9 And whanne he hadde take it in hondis, he eet in the weie; and he cam to his fadir and modir, and yaf part to hem, and thei eeten; netheles he nolde schewe to hem, that he hadde take hony of the mouth of the lioun.

Samson's marriage feast.

Judges 14:10 And so his fadir yede doun to the womman, and made a feeste to his sone Sampson; for yonge men weren wont to do so. Judges 14:11 Therfor whanne the citeseyns of that place hadden seyn hym, thei yauen to hym thretti felowis, whiche schulen be with hym.

His riddle by his wife is made known.

Judges 14:12 To whiche Sampson spak, Y schal putte forth to you a probleme, that is, a douyteful word and priuy, and if ye asoilen it to me with ynne seuen daies of the feeste, Y schal yyue to you thretti lynnun clothis, and cootis of the same noumbre; sotheli if ye moun not soyle, Judges 14:13 ye schulen yyue to me thretti lynnun clothis, and cootis of the same noumbre. Whiche answeriden to hym, Sette forth the probleme, that we here it. Judges 14:14 And he seide to hem, Mete yede out of the etere, and swetnesse yede out of the stronge. And bi thre daies thei myyten not assoile the proposicioun, that is, the resoun set forth. Judges 14:15 And whanne the seuenthe dai cam, thei seiden to the wijf of Sampson, Glose thin hosebonde, and counseile hym, that he schewe to thee what the probleme signyfieth. That if thou nylt do, we schulen brenne thee and the hous of thi fadir. Whether herfor ye clepiden vs to weddyngis, that ye schulden robbe vs? Judges 14:16 And sche schedde teerys at Sampson, and pleynede, and seide, Thou hatist me, and louest not, therfor thou nylt expowne to me the probleme, which thou settidist forth to the sones of my puple. And he answeride, Y nolde seie to my fadir and modir, and schal Y mow schewe to thee? Judges 14:17 Therfor bi seuene dayes of the feest sche wepte at hym; at the laste he expownede in the seuenthe dai, whanne sche was diseseful to hym. And anoon sche telde to hir citeseyns. Judges 14:18 And thei seiden to hym in the seuenthe dai bifor the goyng doun of the sunne, What is swettere than hony, and what is strengere than a lioun? And he seide to hem, If ye hadden not erid in my cow calf, that is, my wijf, ye hadden not founde my proposicioun.

He spoileth thirty Philistines.

Judges 14:19 Therfor the spirit of the Lord felde in to hym; and he yede doun to Ascalon, and killyde there thretti men, whose clothis he took awey, and he yaf to hem that soiliden the probleme; and he was ful wrooth, and stiede in to the hows of his fadir.

His wife is married to another.

Judges 14:20 Forsothe his wijf took an hosebonde, oon of the frendis and keperis of hir.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!