Wycliffe Bible

Judges 3

The nations which were left to prove Israel.

Judges 3:1 These ben the folkis whiche the Lord lefte, that in hem he schulde teche Israel, and alle men that knewen not the batels of Cananeis; Judges 3:2 and that aftirward the sones of hem schulden lerne to fiyte with enemyes, Judges 3:3 and to haue custom of batel He lefte fyue princes of Filistees, and al Cananei, and the puple of Sidon, and Euey that dwelliden in the hil Liban, fro the hil Baal Hermon til to the entryng of Emath. Judges 3:4 And he lefte hem, that in hem he schulde asaie Israel, whethir thei wolden here the heestis of the Lord, whiche he comaundide to her fadris bi the hond of Moises, ethir nai.

By communion with them they commit idolatry.

Judges 3:5 And so the sones of Israel dwelliden in the myddis of Cananei, of Ethei, and of Ammorrei, and of Feresei, and of Euey, Judges 3:6 and of Jebusey, and weddiden wyues, the douytris of hem; and the sones of Israel yauen her douytris to the sones of hem, and serueden the goddis of hem. Judges 3:7 And the sones of Israel diden yuel in the siyt of the Lord, and foryaten her Lord God, and serueden Baalym, and Astaroth.

Othniel delivereth them from Cushan-rishathaim,

Judges 3:8 And the Lord was wrooth ayens Israel, and bitook hem in to the hondis of Cusanrasathaym, kyng of Mesopotanye, and thei serueden hym eiyte yeer. Judges 3:9 And thei crieden to the Lord, and he reiside to hem a sauyour, and delyuerede hem, that is, Othonyel, sone of Ceneth, the lesse brothir of Caleph. Judges 3:10 And the spirit of the Lord was in hym, and he demyde Israel. And he yede out to batel, and the Lord bitook in to hise hondis Cusanrathaym, kyng of Sirie; and Othonyel oppresside hym. Judges 3:11 And the lond restide fourti yeer; and Othonyel, sone of Ceneth, diede.

Ehud from Eglon,

Judges 3:12 Forsothe the sones of Israel addiden to do yuel in the siyt of the Lord; and he coumfortide ayens hem Eglon, the kyng of Moab, for thei diden yuel in the siyt of the Lord. Judges 3:13 And the Lord couplide to hym the sones of Amon and Amalech; and he yede, and smoot Israel, and hadde in possessioun the citee of Palmes. Judges 3:14 And the sones of Israel serueden Eglon, kyng of Moab, eiytene yeer. Judges 3:15 And aftirward thei crieden to the Lord; and he reiside to hem a sauyour, Aioth bi name, the sone of Gera, sone of Gemyny, which Aioth vside euer either hond for the riyt hond. And the sones of Israel senten bi him yiftis, that is, tribute, to Eglon, kyng of Moab; Judges 3:16 which Aioth made to hym a swerd keruynge on euer either side, hauynge in the myddis a pomel of the lengthe of the pawm of an hond; and he was gird therwith vndir the sai, that is, a knyytis mentil, in the riyt hipe. Judges 3:17 And he brouyte yiftis to Eglon, the kyng of Moab; forsothe Eglon was ful fat. Judges 3:18 And whanne he hadde youe yiftis to the kyng, he pursuede felowis that camen with hym; and he turnede ayen fro Galgalis, Judges 3:19 where idolis weren, and he seide to the kyng, A kyng, Y haue a priuei word to thee. And he comaundide silence. And whanne alle men weren goon out, that weren aboute hym, Aioth entride to hym; Judges 3:20 forsothe he sat aloone in a somer parlour. And Aioth seide, Y haue the word of God to thee. Judges 3:21 Which roos anoon fro the trone. And Aioth helde forth the left hond, and took the swerd fro his riyt hype; and he Judges 3:22 fastnede in to the wombe of the kyng so strongli, that the pomel, ether hilte, suede the yrun in the wounde, and was holdun streite in the thickeste fatnesse with ynne; and he drow not out the swerd, but so as he hadde smyte, he lefte in the bodi; and anoon bi the priuetees of kynde the tordis of the wombe braste out. Judges 3:23 Forsothe whanne the doris of the parlour weren closid moost diligentli, and fastned with lok, Judges 3:24 Aioth yede out bi a posterne. And the seruauntis of the king entriden, not in the parlour, but in the porche, and thei sien the doris of the parlour closid, and seiden, In hap he purgith the wombe in the somer parlour. Judges 3:25 And thei abididen longe, til thei weren aschamed; and thei sien that no man openede, and thei token the keie, and thei openyden, and founden her lord liggynge deed in the erthe. Judges 3:26 Sotheli while thei weren disturblid, Aioth fledde out, and passide the place of idols, fro whennus he turnede ayen; and he cam in to Seirath. Judges 3:27 And anoon he sownede with a clarioun in the hil of Effraym; and the sones of Israel camen doun with hym, and he yede in the frount. Judges 3:28 Which seide to hem, Sue ye me, for the Lord hath bitake oure enemyes, Moabitis, in to oure hondis. And thei camen doun after hym, and ocupieden the forthis of Jordan, that ledde ouer in to Moab. Judges 3:29 And thei suffriden not ony man to passe, but thei smytiden Moabitis in that tyme aboute ten thousande, alle myyti men and stronge; no man of hem myyte ascape. Judges 3:30 And Moab was maad low in that dai vndur the hond of Israel, and the lond restide fourescoor yeer.

Shamgar from the Philistines.

Judges 3:31 Aftir hym was Samgar, the sone of Anath, that smoot of Filisteis sixe hundrid men with a schar; and he also defendide Israel.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!