Wycliffe Bible

Leviticus 21

Of the priests' mourning.

Leviticus 21:1 And the Lord seide to Moyses, Speke thou to preestis, the sones of Aaron, and thou schalt seie to hem, A preest be not defoulid in the deed men of hise citeseyns, Leviticus 21:2 no but oneli in kynesmen and niy of blood, that is, on fadir and modir, and sone and douyter, Leviticus 21:3 and brother and sister, virgyn, which is not weddid to man; Leviticus 21:4 but nether he schal be defoulid in the prince of his puple. Leviticus 21:5 Preestis schulen not schaue the heed, nether beerd, nether thei schulen make keruyngis in her fleischis; thei schulen be hooli to her God,

Of their holiness.

Leviticus 21:6 and thei schulen not defoule his name; for thei offren encense of the Lord, and the looues of her God, and therfore thei schulen be hooli.

Of their marriages.

Leviticus 21:7 A preest schal not wedde a wijf a corrupt womman, and a foul hoore, nether he schal wedde hir that is forsakun of the hosebonde, for he is halewid to his God,

Of their estimation.

Leviticus 21:8 and offrith the looues of settyng forth; therfor be he hooly, for Y am the hooli Lord that halewith you.

Leviticus 21:9 If the doutir of a preest is takun in defoulyng of virgynite, and defoulith the name of hir fadir, sche schal be brent in flawmes. Leviticus 21:10 The bischop, that is the moost preest among hise britheren, on whose heed the oile of anoyntyng is sched, and whose hondis ben sacrid in preesthod, and he is clothid in hooli clothis, schal not diskyuere his heed, he schal not tere hise clothis, Leviticus 21:11 and outirli he schal not entre to ony deed man; and he schal not be defoulid on his fadir and modir, Leviticus 21:12 nether he schal go out of hooli thingis, lest he defoule the seyntuarie of the Lord, for the oile of hooli anoyntyng of his God is on hym; Y am the Lord.

Of their marriages.

Leviticus 21:13 He schal wedde a wijf virgyn; Leviticus 21:14 he schal not take a widewe, and forsakun, and a foul womman, and hoore, but a damesele of his puple; Leviticus 21:15 medle he not the generacioun of his kyn to the comyn puple of his folk, for Y am the Lord, that halewe hym.

Leviticus 21:16 And the Lord spak to Moyses, and seide,

The priests that have blemishes must not minister in the sanctuary.

Leviticus 21:17 Speke thou to Aaron; a man of thi seed, bi meynes, that hath a wem, schal not offre breed to his God, Leviticus 21:18 nethir schal neiy to his seruyce; if he is blind; if he is crokid; if he is ether of litil, ether of greet, and wrong nose; Leviticus 21:19 if he is of brokun foot, ethir hond; Leviticus 21:20 if he hath a botche; ether if he is blereiyed; if he hath whijt colour in the iye, that lettith the siyt; if he hath contynuel scabbe; if he hath a drye scabbe in the bodi; ethir is brokun in the pryuy membris. Leviticus 21:21 Ech man of the seed of Aaron preest, which man hath a wem, schal not neiye to offre sacrifices to the Lord, nether to offre looues to his God; Leviticus 21:22 netheles he schal ete the looues that ben offrid in the seyntuarie, Leviticus 21:23 so oneli that he entre not with ynne the veil; he schal not neiye to the auter, for he hath a wem, and he schal not defoule my seyntuarie; Y am the Lord that halewe hem. Leviticus 21:24 Therfor Moises spak to Aaron, and to hise sones, and to al Israel, alle thingis that weren comaundid to hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!