Wycliffe Bible

Leviticus 24

The oil for the lamps.

Leviticus 24:1 And the Lord spak to Moises, and seide, Comaunde thou to the sones of Israel, Leviticus 24:2 that thei brynge to thee oile of olyues, pureste oile, and briyt, to the lanternes to be ordeyned contynueli with out the veil of witnessyng, Leviticus 24:3 in the tabernacle of boond of pees; and Aaron schal araye tho lanternes fro euentid til to euentid bifor the Lord, bi religioun and custom euerlastynge in youre generaciouns; Leviticus 24:4 tho schulen be set euere on a clenneste candilstike in the siyt of the Lord.

The shewbread.

Leviticus 24:5 Also thou schalt take wheete flour, and thou schalt bake therof twelue looues, which schulen haue ech bi hem silf twei tenthe partis, Leviticus 24:6 of whiche thou schalt sette sexe on euer eithir side, on a clenneste boord bifor the Lord; Leviticus 24:7 and thou schalt sette clereste encense on tho looues, that the looues be in to mynde of offryng of the Lord; Leviticus 24:8 bi ech sabat tho schulen be chaungid bifor the Lord, and schulen be takun of the sones of Israel bi euerlastynge boond of pees; Leviticus 24:9 and tho schulen be Aarons and hise sones, that thei ete tho in the hooli place, for it is hooli of the noumbre of hooli thingis, of the sacrifices of the Lord, bi euerlastynge lawe.

Shelomith's son blasphemeth.

Leviticus 24:10 Lo! forsothe the sone of a womman of Israel, whom sche childide of a man Egipcian, yede out among the sones of Israel, and chidde in the castels with a man of Israel, Leviticus 24:11 and whanne he hadde blasfemyd the name of the Lord, and hadde cursid the Lord, he was brouyt to Moises; forsothe his modir was clepid Salumyth, the douytir of Dabry, of the lynage of Dan; Leviticus 24:12 and thei senten hym to prisoun, til thei wisten what the Lord comaundide.

The law of blasphemy.

Leviticus 24:13 And the Lord spak to Moises and seide, Leviticus 24:14 Lede out the blasfemere without the castels, and alle men that herden, sette her hondis on his heed, and al the puple stone hym. Leviticus 24:15 And thou schalt speke to the sones of Israel, A man that cursith his God, Leviticus 24:16 schal bere his synne, and he that blasfemeth the name of the Lord, die bi deeth; al the multitude of the puple schal oppresse hym with stoonus, whether he that blasfemede the name of the Lord is a citeseyn, whether a pilgrym, die he bi deeth.

Of murder.

Leviticus 24:17 He that smytith and sleeth a man, die bi deeth;

Of damage.

Leviticus 24:18 he that smytith a beeste, yelde oon in his stide, that is, lijf for lijf. Leviticus 24:19 If a man yyueth a wem to ony of hise citeseyns, as he dide, so be it don to him; Leviticus 24:20 he schal restore brekyng for brekyng, iye for iye, tooth for tooth; what maner wem he yaf, he schal be compellid to suffre sich a wem. Leviticus 24:21 He that smytith werk beeste, yeelde another; he that smytith a man, schal be punyschid. Leviticus 24:22 Euene doom be among you, whether a pilgrym ethir a citeseyn synneth, for Y am youre Lord God.

The blasphemer stoned.

Leviticus 24:23 And Moyses spak to the sones of Israel, and thei brouyten forth out of the castels hym that blasfemede, and oppressiden with stoonus. And the sones of Israel diden, as the Lord comaundide to Moyses.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!