Wycliffe Bible

Luke 14

Luke 14:1 And it was don, whanne he hadde entrid in to the hous of a prince of Farisees, in the sabat, to ete breed, thei aspieden hym.

Christ healeth the dropsy on the Sabbath:

Luke 14:2 And lo! a man sijk in the dropesie was bifor hym. Luke 14:3 And Jhesus answerynge spak to the wise men of lawe, and to the Farisees, and seide, Whethir it is leeueful to heele in the sabat? Luke 14:4 And thei helden pees. And Jhesus took, and heelide hym, and let hym go. Luke 14:5 And he answeride to hem, and seide, Whos asse or oxe of you schal falle in to a pit, and he schal not anoon drawe hym out in the dai of the sabat? Luke 14:6 And thei myyten not answere to hym to these thingis.

teacheth humility:

Luke 14:7 He seide also a parable to men bodun to a feeste, and biheld hou thei chesen the first sittyng placis, and seide to hem, Luke 14:8 Whanne thou art bodun to bridalis, sitte not at the mete in the firste place; lest perauenture a worthier than thou be bodun of hym, Luke 14:9 and lest he come that clepide thee and hym, and seie to thee, Yyue place to this, and thanne thou schalt bigynne with schame to holde the lowest place. Luke 14:10 But whanne thou art bedun to a feste, go, and sitte doun in the laste place, that whanne he cometh, that bad thee to the feeste, he seie to thee, Freend, come hiyer. Thanne worschip schal be to thee, bifor men that sitten at the mete. Luke 14:11 For ech that enhaunsith hym, schal be lowid; and he that meketh hym, schal be hiyed.

to feast the poor:

Luke 14:12 And he seide to hym, that hadde bodun hym to the feeste, Whanne thou makist a mete, or a soper, nyle thou clepe thi freendis, nether thi britheren, nethir cosyns, nethir neiyboris, ne riche men; lest perauenture thei bidde thee ayen to the feeste, and it be yolde ayen to thee. Luke 14:13 But whanne thou makist a feeste, clepe pore men, feble, crokid, and blynde, Luke 14:14 and thou schalt be blessid; for thei han not wherof to yelde thee, for it schal be yoldun to thee in the risyng ayen of iust men.

Luke 14:15 And whanne oon of hem that saten togider at the mete hadde herd these thingis, he seide to hym, Blessid is he, that schal ete breed in the rewme of God.

under the parable of the great supper, sheweth how worldly minded men, who contemn the Word of God, shall be shut out of heaven.

Luke 14:16 And he seide to hym, A man made a greet soper, and clepide many. Luke 14:17 And he sent his seruaunt in the our of soper, to seie to men that weren bodun to the feeste, that thei schulden come, for now alle thingis ben redi. Luke 14:18 And alle bigunnen togidir to excusen hem. The firste seide, Y haue bouyt a toun, and Y haue nede to go out, and se it; Y preye thee, haue me excusid. Luke 14:19 And the tother seide, Y haue bouyt fyue yockis of oxun, and Y go to preue hem; Y preye thee, haue me excusid. Luke 14:20 And an othir seide, Y haue weddid a wijf; and therfor Y may not come. Luke 14:21 And the seruaunt turnede ayen, and tolde these thingis to his lord. Thanne the hosebonde man was wrooth, and seide to his seruaunt, Go out swithe in to the grete stretis and smal stretis of the citee, and brynge ynne hidir pore men, and feble, blynde, and crokid. Luke 14:22 And the seruaunt seide, Lord, it is don, as thou hast comaundid, and yit there is a void place. Luke 14:23 And the lord seide to the seruaunt, Go out in to weies and heggis, and constreine men to entre, that myn hous be fulfillid. Luke 14:24 For Y seie to you, that noon of tho men that ben clepid, schal taaste my soper.

Those who will be his disciples, to bear their cross must make their accounts aforehand, lest with shame they revolt from him afterward,

Luke 14:25 And myche puple wenten with hym; and he turnede, and seide to hem, Luke 14:26 If ony man cometh to me, and hatith not his fadir, and modir, and wijf, and sones, and britheren, and sistris, and yit his owne lijf, he may not be my disciple. Luke 14:27 And he that berith not his cross, and cometh aftir me, may not be my disciple. Luke 14:28 For who of you willynge to bilde a toure, whether he first sitte not, and countith the spensis that ben nedeful, if he haue to perfourme? Luke 14:29 Lest aftir that he hath set the foundement, and mowe not perfourme, alle that seen, bigynnen to scorne hym, Luke 14:30 and seie, For this man bigan to bilde, and myyte not make an ende. Luke 14:31 Or what kyng that wole go to do a bataile ayens anothir kyng, whether he sittith not first, and bithenkith, if he may with ten thousynde go ayens hym that cometh ayens hym with twenti thousynde? Luke 14:32 Ellis yit while he is afer, he sendynge a messanger, preieth tho thingis that ben of pees. Luke 14:33 So therfor ech of you, that forsakith not alle thingis that he hath, may not be my disciple.

and become altogether unprofitable, like salt that hath lost his savour.

Luke 14:34 Salt is good; but if salt vanysche, in what thing schal it be sauerid? Luke 14:35 Nethir in erthe, nethir in donghille it is profitable, but it schal be cast out. He that hath eeris of herynge, here he.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!