Wycliffe Bible

Luke 5

Christ teacheth the people out of Peter's ship:

Luke 5:1 And it was don, whanne the puple cam fast to Jhesu, to here the word of God, he stood bisidis the pool of Genasereth, Luke 5:2 and saiy two bootis stondynge bisidis the pool; and the fischeris weren go doun, and waischiden her nettis. Luke 5:3 And he wente vp in to a boot, that was Symoundis, and preiede hym to lede it a litil fro the loond; and he seet, and tauyte the puple out of the boot.

in a miraculous taking of fishes, sheweth how he will make him and his partners fishermen of men:

Luke 5:4 And as he ceesside to speke, he seide to Symount, Lede thou in to the depthe, and slake youre nettis to take fisch. Luke 5:5 And Symount answeride, and seide to hym, Comaundoure, we traueliden al the nyyt, and token no thing, but in thi word Y schal leye out the net. Luke 5:6 And whanne thei hadden do this thing, thei closiden togidir a greet multitude of fischis; and her net was brokun. Luke 5:7 And thei bikenyden to felawis, that weren in anothir boot, that thei schulden come, and helpe hem. And thei camen, and filliden bothe the bootis, so that thei weren almost drenchid. Luke 5:8 And whanne Symount Petir saiy this thing, he felde doun to the knees of Jhesu, and seide, Lord, go fro me, for Y am a synful man. Luke 5:9 For he was on ech side astonyed, and alle that weren with hym, in the takyng of fischis whiche thei token. Luke 5:10 Sotheli in lijk maner James and Joon, the sones of Zebedee, that weren felowis of Symount Petre. And Jhesus seide to Symount, Nyle thou drede; now fro this tyme thou schalt take men. Luke 5:11 And whanne the bootis weren led vp to the loond, thei leften alle thingis, and thei sueden hym.

cleanseth the leper:

Luke 5:12 And it was don, whanne he was in oon of the citees, lo! a man ful of lepre; and seynge Jhesu felle doun on his face, and preyede hym, and seide, Lord, if thou wolt, thou maist make me clene. Luke 5:13 And Jhesus held forth his hoond, and touchide hym, and seide, Y wole, be thou maad cleene. And anoon the lepre passide awei fro hym. Luke 5:14 And Jhesus comaundide to hym, that he schulde seie to no man; But go, schewe thou thee to a preest, and offre for thi clensyng, as Moises bad, in to witnessyng to hem. Luke 5:15 And the word walkide aboute the more of hym; and myche puple camen togidere, to here, and to be heelid of her siknessis.

prayeth in the wilderness:

Luke 5:16 And he wente in to desert, and preiede. Luke 5:17 And it was don in oon of the daies, he sat, and tauyte; and there weren Farisees sittynge, and doctouris of the lawe, that camen of eche castel of Galilee, and of Judee, and of Jerusalem; and the vertu of the Lord was to heele sike men.

healeth one sick of the palsy:

Luke 5:18 And lo! men beren in a bed a man that was sijk in the palsye, and thei souyten to bere hym in, and sette bifor hym. Luke 5:19 And thei founden not in what partie thei schulden bere hym in, for the puple, and thei wenten on the roof, and bi the sclattis thei leeten hym doun with the bed, in to the myddil, bifor Jhesus. Luke 5:20 And whanne Jhesu saiy the feith of hem, he seide, Man, thi synnes ben foryouun to thee. Luke 5:21 And the scribis and Farisees bigunnen to thenke, seiynge, Who is this, that spekith blasfemyes? who may foryyue synnes, but God aloone? Luke 5:22 And as Jhesus knewe the thouytis of hem, he answeride, and seide to hem, What thenken ye yuele thingis in youre hertes? Luke 5:23 What is liyter to seie, Synnes ben foryouun to thee, or to seie, Rise vp, and walke? Luke 5:24 But that ye wite, that mannus sone hath power in erthe to foryyue synnes, he seide to the sijk man in palesie, Y seie to thee, ryse vp, take thi bed, and go in to thin hous. Luke 5:25 And anoon he roos vp bifor hem, and took the bed in which he lay, and wente in to his hous, and magnyfiede God. Luke 5:26 And greet wondur took alle, and thei magnyfieden God; and thei weren fulfillid with greet drede, and seiden, For we han seyn merueilouse thingis to dai.

calleth Matthew the publican:

Luke 5:27 And after these thingis Jhesus wente out, and saiy a pupplican, Leuy bi name, sittynge at the tolbothe. And he seide to hym, Sue thou me; Luke 5:28 and whanne he hadde left alle thingis, he roos vp, and suede hym.

eateth with sinners, as being the physician of souls:

Luke 5:29 And Leuy made to hym a greet feeste in his hous; and ther was a greet cumpanye of pupplicans, and of othere that weren with hem, sittynge at the mete. Luke 5:30 And Farisees and the scribis of hem grutchiden, and seiden to hise disciplis, Whi eten ye and drynken with pupplicans and synful men? Luke 5:31 And Jhesus answeride, and seide to hem, Thei that ben hoole han no nede to a leche, but thei that ben sijke; Luke 5:32 for Y cam not to clepe iuste men, but synful men to penaunce.

Luke 5:33 And thei seiden to hym, Whi the disciplis of Joon fasten ofte, and maken preieris, also and of Farisees, but thine eten and drynken?

foretelleth the fastings and afflictions of the Apostles after his ascension:

Luke 5:34 To whiche he seide, Whether ye moun make the sones of the spouse to faste, while the spouse is with hem? Luke 5:35 But daies schulen come, whanne the spouse schal be takun a wei fro hem, and thanne thei schulen faste in tho daies.

and likeneth fainhearted and weak disciples to old bottles and worn garments.

Luke 5:36 And he seide to hem also a liknesse; For no man takith a pece fro a newe cloth, and puttith it in to an oold clothing; ellis bothe he brekith the newe, and the pece of the newe acordith not to the elde. Luke 5:37 And no man puttith newe wyne in to oolde botels; ellis the newe wyn schal breke the botels, and the wyn schal be sched out, and the botels schulen perische. Luke 5:38 But newe wyne owith to be put in to newe botels, and bothe ben kept. Luke 5:39 And no man drynkynge the elde, wole anoon the newe; for he seith, The olde is the betere.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!