Wycliffe Bible

Matthew 24

Christ foretelleth the destruction of the Temple:

Matthew 24:1 And Jhesus wente out of the temple; and his disciplis camen to hym, to schewe hym the bildyngis of the temple. Matthew 24:2 But he answeride, and seide to hem, Seen ye alle these thingis? Treuli Y seie to you, a stoon schal not be left here on a stoon, that ne it schal be destried.

what and how great calamities shall be before it:

Matthew 24:3 And whanne he satte on the hille of Olyuete, hise disciplis camen to hym priueli, and seiden, Seie vs, whanne these thingis schulen be, and what token of thi comyng, and of the ending of the world. Matthew 24:4 And Jhesus answeride, and seide to hem, Loke ye, that no man disseyue you. Matthew 24:5 For many schulen come in my name, and schulen seie, Y am Crist; and thei schulen disseyue manye. Matthew 24:6 For ye schulen here batels, and opyniouns of batels; se ye that ye be not disturblid; for it byhoueth these thingis to be don, but not yit is the ende. Matthew 24:7 Folk schal rise togidere ayens folc, and rewme ayens rewme, and pestilences, and hungris, and the erthemouyngis schulen be bi placis; Matthew 24:8 and alle these ben bigynnyngis of sorewes. Matthew 24:9 Thanne men schulen bitake you in to tribulacion, and schulen sle you, and ye schulen be in hate to alle folk for my name. Matthew 24:10 And thanne many schulen be sclaundrid, and bitraye ech other, and thei schulen hate ech other. Matthew 24:11 And many false prophetis schulen rise, and disseyue manye. Matthew 24:12 And for wickidnesse schal be plenteuouse, the charite of manye schal wexe coold; Matthew 24:13 but he that schal dwelle stable in to the ende, schal be saaf. Matthew 24:14 And this gospel of the kyngdom schal be prechid in al the world, in witnessyng to al folc; Matthew 24:15 and thanne the ende schal come. Therfor whanne ye se the abhomynacioun of discomfort, that is seid of Danyel, the prophete, stondynge in the hooli place; he that redith, vndirstonde he; Matthew 24:16 thanne thei that ben in Judee, fle to the mounteyns; and he that is in the hous roof, Matthew 24:17 come not doun to take ony thing of his hous; and he that is in the feeld, Matthew 24:18 turne not ayen to take his coote. Matthew 24:19 But wo to hem that ben with child, and nurischen in tho daies. Matthew 24:20 Preye ye, that youre fleyng be not maad in wynter, or in the saboth. Matthew 24:21 For thanne schal be greet tribulacioun, what maner was not fro the bigynnyng of the world to now, nether schal be maad. Matthew 24:22 And but tho daies hadden be abreggide, ech flesch schulde not be maad saaf; but tho daies schulen be maad schort, for the chosun men. Matthew 24:23 Thanne if ony man seie to you, Lo! here is Crist, or there, nyle ye bileue. Matthew 24:24 For false Cristis and false prophetis schulen rise, and thei schulen yyue grete tokenes and wondrys; so that also the chosun be led in to erroure, if it may be done. Matthew 24:25 Lo! Y haue bifor seid to you. Matthew 24:26 Therfor if thei seie to you, Lo! he is in desert, nyle ye go out; lo! in priuey placis, nyle ye trowe. Matthew 24:27 For as leit goith out fro the eest, and apperith in to the weste, so schal be also the coming of mannus sone. Matthew 24:28 Where euer the bodi schal be, also the eglis schulen be gaderid thidur.

the signs of his coming to judgment.

Matthew 24:29 And anoon after the tribulacioun of tho daies, the sunne schal be maad derk, and the moone schal not yyue hir liyt, and the sterris schulen falle fro heuene, and the vertues of heuenes schulen be moued. Matthew 24:30 And thanne the tokene of mannus sone schal appere in heuene, and thanne alle kynredis of the erthe schulen weile; and thei schulen see mannus sone comynge in the cloudis of heuene, with miche vertu and maieste. Matthew 24:31 And he schal sende hise aungels with a trumpe, and a greet vois; and thei schulen gedere hise chosun fro foure wyndis, fro the hiyest thingis of heuenes to the endis of hem. Matthew 24:32 And lerne ye the parable of a fige tre. Whanne his braunche is now tendir, and the leeues ben sprongun, ye witen that somer is nyy; Matthew 24:33 so and ye whanne ye seen alle these thingis, wite ye that it is nyy, in the yatis. Matthew 24:34 Treuli Y seie to you, for this generacioun schal not passe, til alle thingis be don; Matthew 24:35 heuene and erthe schulen passe, but my wordis schulen not passe.

And because that day and hour is unknown,

Matthew 24:36 But of thilke dai and our no man wote, nethir aungels of heuenes, but the fadir aloone. Matthew 24:37 But as it was in the daies of Noe, so schal be the comyng of mannus sone. Matthew 24:38 For as in the daies bifore the greet flood, thei weren etynge and drynkynge, weddynge and takynge to weddyng, to that dai, that Noe entride in to the schippe; Matthew 24:39 and thei knewen not, til the greet flood cam, and took alle men, so schal be the comyng of mannus sone. Matthew 24:40 Thanne tweyne schulen be in o feeld, oon schal be takun, and another left; Matthew 24:41 twey wymmen schulen be gryndynge in o queerne, oon schal be takun, and the tother left; tweyn in a bedde, the toon schal be takun, and the tother left.

we ought to watch like good servants, expecting every moment our master's coming.

Matthew 24:42 Therfor wake ye, for ye witen not in what our the Lord schal come. Matthew 24:43 But wite ye this, that if the hosebonde man wiste in what our the thefe were to come, certis he wolde wake, and suffre not his hous to be vndurmyned. Matthew 24:44 And therfor be ye redi, for in what our ye gessen not, mannus sone schal come. Matthew 24:45 Who gessist thou is a trewe seruaunt and prudent, whom his lord ordeyned on his meynee, to yyue hem mete in tyme? Matthew 24:46 Blessed is that seruaunt, whom his lord, whanne he schal come, schal fynde so doynge. Matthew 24:47 Treuli Y seye to you, for on alle his goodis he schal ordeyne hym. Matthew 24:48 But if thilke yuel seruaunt seie in his herte, My lord tarieth to come, Matthew 24:49 and bigynneth to smyte hise euen seruauntis, and ete, and drynke with drunken men; Matthew 24:50 the lord of that seruaunt schal come in the dai which he hopith not, and in the our that he knowith not, Matthew 24:51 and schal departe hym, and putte his part with ypocritis; there schal be wepyng, and gryntyng of teeth.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!